Breaking

Post Top Ad

Blog Archive

Monday, 6 May 2019

නිවාස ඉදිකිරීමේදී ඇතිවන වේද දෝෂ 9 - වර්චස්ථාන වේද දෝෂය






සාමාන්‍යයෙන් නිවසක් ඉදි කරනවා කියලා කියන්නේ එසේ මෙසේ කරන්න පුළුවන් ලෙහෙසි පහසු දෙයක් නෙවෙයි . ඉස්සර කාලේ නිවෙස් ගැන සලකා බලනකොට සමහර නිවෙස්වල පරම්පරා ගණනාව අද වෙනකල්ම යහතින් ජීවත් වෙනවා දකින්න පුළුවන් . ඒත් සමහර නිවෙස් අපි දැකලා තියෙනවා  ඒවායේ පරම්පරා දෙකක් තුනක් හොඳට ජීවත් වෙලා ඊට පස්සේ ඒ පවුල් අභාවයට ගිහින් තියෙනවා . ඒ නිසා වාස්තු විද්‍යාව කියන්නෙත් ජ්‍යෝතිෂ විද්‍යාව වගේම මනුෂ්‍යයාට බලපෑම් කරන විෂයක් .

ගල්යුගයේ ඉඳලා නිවාස ඉදිකරගෙන පදිංචි වීම දක්වා පැවතගෙන ආව නිවාස ඉදිකිරීමේ කාර්යය අද වෙනකොට නවීන විද්‍යාත්මක සංකල්ප එක්ක මිශ්‍ර වෙලා ඉතාමත් ඉහළ තත්වයකට ඇවිත් තියෙනවා . " වේද " කියලා කියන්නේ බාධා වීමක් හරස් වීමක් කියන තේරුම ඇතුව . වේද දෝෂ කියලා කියන්නේ නිවසේ පවතින වාස්තු සමතුලිතයට බාධා කරන බාහිර සාධක අනුව ඇතිවෙලා තියෙන වාස්තු සංකල්පයක් .

වේද දෝෂ කියන දෝෂ තුන්කල් දක්නා නුවණින් සෘෂිවරු විසින් නිර්මාණය කරලා තියෙන්නේ ඒ දෝෂ කොයි කාලයේ වුණත් කොයි ආකාරයෙන් වුණත් මිනිස්සුන්ට බලපෑම් කරන්න පුළුවන් හැකියාවක් තියෙන නිසා . අද කාලේ පාවිච්චි කරන කොන්ක්‍රීට් සහ කම්බි භාවිතා කිරීම නිසා මේ වාස්තු දෝෂ යම් ප්‍රමාණයකට අඩුවෙලා තියෙනවා . ඒත් ඒවායේ අනිසි බලපෑම යම් යම් ප්‍රමාණ වලින් මිනිස්සුන්ට බලපෑම් කරනවා කියලා අත්දැකීමෙන් හඳුනාගෙන තියෙනවා .

නිවාස ඉදිකිරීමේදී ඇතිවන වේද දෝෂ 8 - කෝණ වේද දෝෂය කියන ලිපිය යටතේ අපි සාකච්ඡා කරා කෝණ වේද දෝෂය කියන්නේ මොකක්ද සහ කෝණ වේද දෝෂය ඇතිවෙන්නේ කොහොමද කියලා . අද ලිපියෙන් කියන්නේ වර්චස්ථාන වේද දෝෂය කොහොමද ඇතිවෙන්නේ කියලා .


වර්චස් කියලා හඳුන්වන්නේ මල මුත්‍රා විතරක් ම නෙවෙයි . මේ දෝෂයට අදාලව බලනකොට කුණු බැහැර කරන ස්ථාන පවා වර්චස් කියන දේවල් වලට අදාළ ස්ථාන කරගන්නවා . වර්චස්ථාන වේද දෝෂය කියලා හඳුන්වන්නේ නිවසක ප්‍රධාන උළුවස්සට ආසන්නව හෝ ඉදිරියෙන් වැසිකිළියක් හෝ කුණු බැහැර කරන වළක් කුණු ගොඩක් වගේ දෙයක් පිහිටලා තිබීම .

මෙහෙම තැනක් තිබීම නිසා දෝෂය විවිධ ස්වරූපයෙන් ඇතිවෙනවා . වැසිකිලිය හෝ කුණු සහිත ස්ථානය නිවසට ආසන්න වීම නිසා දුගඳ සහ විසබීජ නිවසට ඇතුළු වීමක් වෙනවා . ඒ නිසා විසබීජ වලින් නිවාස අපිරිසිදු වෙනවා කියල මුලින්ම කියන්න පුළුවන් . ඒවගේම තමයි එහෙම අපිරිසිදු වීම නිසා නිවාසවල ඉන්නා අයගේ සෞඛ්‍ය තත්වය පහත වැටෙනවා . සෙම් රෝගවල ඉඳලා දරුණු ලෙඩ රෝග පවා ඇතිවෙන්න මේ දෝෂය හේතු වෙනවා .

වැසිකිළියක් පිහිටලා තිබීම හරිම අප්‍රසන්න දෙයක් වෙන්න පුළුවන් . විශේෂයෙන්ම පොදු වැසිකිළියක් පිහිටලා තිබීම නිසා දෝෂය ඇතිවෙනවා නම් පොදු වැසිකිළිය අපවිත්‍ර වෙනකොට ඒ ඇතිවෙන පෙනුම මිනිසුන්ගේ හිතේ ඇතිකරන්නේ අප්‍රසන්න හැගීමක් . ඒ අප්‍රසන්න හැගීම මානසික වශයෙන් මිනිස්සු පහත හෙළන්න හේතු වෙනවා .

වැසිකිළි වලවල් සහ කුණු වලවල් උතුරන්න ඉඩ තියෙනවා . මෙහෙම උතුරනකොට වැසි වතුරත් එක්ක නිවසට ඒ විසබීජ සහිත ජලය ඇතුළු වෙන්න පුළුවන් . ඒවගේම තමයි මේ විසබීජ සහිත ජලය නිසා ළිං අපිරිසිදු වෙන්නත් පුළුවන් .

මේ දෝෂය නම් ඇත්තටම පිළියම් යොදලා වහන්න පුළුවන් දෝෂයක් නෙවෙයි . ඒ නිසා පුළුවන් තරම් කරන්න තියෙන්නේ ඉඩම් ගන්නකොට මේවගේ තැන් තියෙනවද නැත්ද කියලා බලලා ඒවගේ තැන් අතෑරලා හොඳ ඉඩමක් තෝරාගන්නා එක .

තවත් ලිපියකින් හමුවෙමු .

ඔබ සැමට සමන් දෙවිඳුගේ පිහිට ලැබේවා !!

2 comments:

  1. එක ළඟ පිහිටා ඇති නිවාවවලදි එක් නිවාසයක වැසිකිළිය අනෙක් නිවසේ ඉදිරිපස දොර‍ටුව කෙලින් තිබෙනවා නම් මේ නිවස පාර්ශවයෙන් වාස්තු විද්‍යාත්මකව කළ හැකි දේ මොනවාද?

    ReplyDelete
    Replies
    1. තාප්පයක් දාලා ආවරණය කරන්න පේන්නේ නැතිවෙන්න .

      Delete

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.

ජ්‍යෝතිෂ කටයුතු සඳහා සම්බන්ධ වන්න

ප්‍රභාශ්වර වාස්තු විද්‍යා උපදේශන සේවාව හරහා සම්බන්ධ වීමට වැඩි විස්තර දැනගැනීම සඳහා ඔබට අවශ්‍ය සේවාව මත Click කරන්න . වාස්තු විද්‍යා උපදේශන සේවයේ Face Book පිටුවට Like කිරීම සඳහා Image එක මත Click කරන්න .

ඔබට අවශ්‍ය මැණික් අවම මිලකට විශ්වාසනීය ලෙස මිලදී ගැනීමට අමතන්න +94716132067
    ඔබගේ සියලුම මැණික් අවශ්‍යතා සඳහා රත්නපුරයේ වාසනාවන්ත පොළවෙන් මතුවන මිණිකැට අවම මිලකට රජයේ පිළිගත් සහතික පත්‍රයක්ද සමග මිලදී ගැනීමට අවස්ථාව . 
    දුරකථන ඇමතුමක් හරහා සම්බන්ධ වන්න . 
    කොළඹ මහනුවර අවට බෙදාහැරීම නොමිලේ . 


    පද්මරාග
    මුතු
    රතුකොරල්
    පච්ච
    එමරල්ඩ්
    පුෂ්පරාග
    දියමන්ති
    කාකනිල්
    ත්න 
    අත් පළඳනා


    ඇතුළු සියලුම මැණික් ආශ්‍රිත මිලදීගැනීම් සඳහා අමතන්න.
Prabhashwara Gems

යන්ත්‍ර පැළඳවීමේ සේවාව පිලිබඳ දැනගැනීමට ඊතලය මත click කරන්න .
    සාර්ථකත්වය අප විසින් පරීක්ෂා කිරීම සිදු කිරීමෙන් අනතුරුව යන්ත්‍ර පැළඳවීම සේවාවක් වශයෙන් පැවැත්වීමට " ප්‍රභාශ්වර ජ්‍යෝතිෂ සේවය " දැන් කටයුතු සූදානම් කර තිබේ . 

    වැඩිවිස්තර සඳහා Click here