Breaking

Post Top Ad

Blog Archive

Sunday, 5 May 2019

නිවාස ඉදිකිරීමේදී ඇතිවන වේද දෝෂ 8 - කෝණ වේද දෝෂය






සාමාන්‍යයෙන් නිවසක් ඉදි කරනවා කියලා කියන්නේ එසේ මෙසේ කරන්න පුළුවන් ලෙහෙසි පහසු දෙයක් නෙවෙයි . ඉස්සර කාලේ නිවෙස් ගැන සලකා බලනකොට සමහර නිවෙස්වල පරම්පරා ගණනාව අද වෙනකල්ම යහතින් ජීවත් වෙනවා දකින්න පුළුවන් . ඒත් සමහර නිවෙස් අපි දැකලා තියෙනවා  ඒවායේ පරම්පරා දෙකක් තුනක් හොඳට ජීවත් වෙලා ඊට පස්සේ ඒ පවුල් අභාවයට ගිහින් තියෙනවා . ඒ නිසා වාස්තු විද්‍යාව කියන්නෙත් ජ්‍යෝතිෂ විද්‍යාව වගේම මනුෂ්‍යයාට බලපෑම් කරන විෂයක් .


ගල්යුගයේ ඉඳලා නිවාස ඉදිකරගෙන පදිංචි වීම දක්වා පැවතගෙන ආව නිවාස ඉදිකිරීමේ කාර්යය අද වෙනකොට නවීන විද්‍යාත්මක සංකල්ප එක්ක මිශ්‍ර වෙලා ඉතාමත් ඉහළ තත්වයකට ඇවිත් තියෙනවා . " වේද " කියලා කියන්නේ බාධා වීමක් හරස් වීමක් කියන තේරුම ඇතුව . වේද දෝෂ කියලා කියන්නේ නිවසේ පවතින වාස්තු සමතුලිතයට බාධා කරන බාහිර සාධක අනුව ඇතිවෙලා තියෙන වාස්තු සංකල්පයක් .


වේද දෝෂ කියන දෝෂ තුන්කල් දක්නා නුවණින් සෘෂිවරු විසින් නිර්මාණය කරලා තියෙන්නේ ඒ දෝෂ කොයි කාලයේ වුණත් කොයි ආකාරයෙන් වුණත් මිනිස්සුන්ට බලපෑම් කරන්න පුළුවන් හැකියාවක් තියෙන නිසා . අද කාලේ පාවිච්චි කරන කොන්ක්‍රීට් සහ කම්බි භාවිතා කිරීම නිසා මේ වාස්තු දෝෂ යම් ප්‍රමාණයකට අඩුවෙලා තියෙනවා . ඒත් ඒවායේ අනිසි බලපෑම යම් යම් ප්‍රමාණ වලින් මිනිස්සුන්ට බලපෑම් කරනවා කියලා අත්දැකීමෙන් හඳුනාගෙන තියෙනවා .


නිවාස ඉදිකිරීමේදී ඇතිවන වේද දෝෂ 7 - ස්ථම්භ වේද දෝෂය කියන ලිපිය යටතේ අපි සාකච්ඡා කරා ස්ථම්භ වේද දෝෂය කියන්නේ මොකක්ද සහ ස්ථම්භ වේද දෝෂය ඇතිවෙන්නේ කොහොමද කියලා . අද ලිපියෙන් කියන්නේ කෝණ වේද දෝෂය කොහොමද ඇතිවෙන්නේ කියලා .


හරිම ප්‍රායෝගික කතාවක් තමයි මේ කෝණ වේද දෝෂය එක්ක සම්බන්ධ වෙලා තියෙන්නේ . ගමක නගරයක කොණක් , එහෙමත් නැත්නම් වෙනත් වත්තක කොණක් , එහෙමත් නැත්නම් නිවසක මුල්ලක් කියන කොන්වලින් එකක් හෝ කීපයක් නිවසක ප්‍රධාන උළුවස්සට කෙලින්ම මුහුණලා තියෙනවනම් ඒ නිවසට කෝණ වේද දෝෂය් ඇතිවෙලා තියෙනවා කියලා විස්තර කෙරෙනවා . තුම්මන් හන්දියකට හෝ හතරමං හන්දියකට මුහුණලා නිවසක ප්‍රධාන දොරටුව පිහිටලා තිබීමත් කෝණ වේද දෝෂය කියලා හඳුන්වනවා .


මේ දෝෂය නිසා ඇතිවෙන අනිසි බලපෑම් විදියට සඳහන් කරන්නේ සාමාන්‍යයෙන් නිවසක ආරක්ෂාවට බාධා ඇතිවීම තමයි . මොකද ගමක මුල්ලක් කියලා කියන්නේ අනිත් ප්‍රදේශ වලින් ඈත් වෙලා පිහිටන ස්ථානයක් . ඒවගේම තමයි ගෙදරක හෝ ඉඩමක මුල්ලක් කියලා කියන්නේ පාළු තැනක් වෙන්න පුළුවන් . අද කාලේ නම් මෙහෙම වෙනවා අඩුයි . ඒත් අතීතයේ තිබුණු ඉඩම් ලොකුයි . ඒ නිසා ඉඩමක මුලක් කියලා කියන්නේ ඉතාම විශාල ඉඩකඩක් පිහිටලා තියෙන ප්‍රදේශයක් . ඒ නිසා මේ ඉඩකඩ වැඩි වීම නිසා ඉඩමේ කොන් පාළුවට ගිහින් තියෙනවා වෙන්න පුළුවන් . ඒ නිසා තමයි මේ පාළු තැනක් නිවසක ප්‍රධාන උළුවස්සට මුහුණ ලා තියෙනකොට ආරක්ෂාව සම්බන්ධව අවදානමක් තියෙනවා කියලා දෝෂයක් විදියට සම්පාදනය කරලා තියෙන්නේ . ඒ නිසා පුළුවන් තරම් මේ දෝෂ හටගන්නේ නැතිවෙන්න නිවසක් හදනවානම් තමයි වැදගත් වෙන්නේ .


කෝණ වේද දෝෂය තියෙනවානම් කරන්න පුළුවන් සරළම ප්‍රතිකාරය තමයි තාප්පයක් වගේ දෙයකින් නිවස වට කරන එක . ඒත් අලුතෙන් නිවසක් හදනවානම් මේවගේ ස්ථානවල නිවාස හදනවද නැත්ද කියලා දෙවතාවක් හිතලා බලන්න පුළුවන් නම් හොඳයි . මොකද අවදානමක් තියෙනවා කියලා පේන තැනක් නම් දැන දැන අවදානමට ලක් වෙනවාට වඩා අවදානමෙන් මිදෙන එක හොඳ නිසා .


තවත් ලිපියකින් හමුවෙමු .

ඔබ සැමට සමන් දෙවිඳුගේ පිහිට ලැබේවා !!

No comments:

Post a Comment

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.

ජ්‍යෝතිෂ කටයුතු සඳහා සම්බන්ධ වන්න

ප්‍රභාශ්වර වාස්තු විද්‍යා උපදේශන සේවාව හරහා සම්බන්ධ වීමට වැඩි විස්තර දැනගැනීම සඳහා ඔබට අවශ්‍ය සේවාව මත Click කරන්න . වාස්තු විද්‍යා උපදේශන සේවයේ Face Book පිටුවට Like කිරීම සඳහා Image එක මත Click කරන්න .

ඔබට අවශ්‍ය මැණික් අවම මිලකට විශ්වාසනීය ලෙස මිලදී ගැනීමට අමතන්න +94716132067
    ඔබගේ සියලුම මැණික් අවශ්‍යතා සඳහා රත්නපුරයේ වාසනාවන්ත පොළවෙන් මතුවන මිණිකැට අවම මිලකට රජයේ පිළිගත් සහතික පත්‍රයක්ද සමග මිලදී ගැනීමට අවස්ථාව . 
    දුරකථන ඇමතුමක් හරහා සම්බන්ධ වන්න . 
    කොළඹ මහනුවර අවට බෙදාහැරීම නොමිලේ . 


    පද්මරාග
    මුතු
    රතුකොරල්
    පච්ච
    එමරල්ඩ්
    පුෂ්පරාග
    දියමන්ති
    කාකනිල්
    ත්න 
    අත් පළඳනා


    ඇතුළු සියලුම මැණික් ආශ්‍රිත මිලදීගැනීම් සඳහා අමතන්න.
Prabhashwara Gems

යන්ත්‍ර පැළඳවීමේ සේවාව පිලිබඳ දැනගැනීමට ඊතලය මත click කරන්න .
    සාර්ථකත්වය අප විසින් පරීක්ෂා කිරීම සිදු කිරීමෙන් අනතුරුව යන්ත්‍ර පැළඳවීම සේවාවක් වශයෙන් පැවැත්වීමට " ප්‍රභාශ්වර ජ්‍යෝතිෂ සේවය " දැන් කටයුතු සූදානම් කර තිබේ . 

    වැඩිවිස්තර සඳහා Click here