Breaking

Post Top Ad

Friday, 23 August 2013

මුහුදු පතුලෙන් මුදු පුත්තු

මේ ළඟදී කියවපු නිව්ස් එකක් නිසා ඔන්න ෆිල්ම්ස් ගොඩාරියක් මතක්වී ගෙන වී ගෙන වී ගෙන වී... එක්කෝ ඕනි නෑ, ඉතින් මේ නිව්ස් එක ඇවිල්ල මේක.

ශ්‍රීමත් ආතර් සී ක්ලාක් මහත්තයා දන්නවා ඇතිනේ. මම නම් විද්‍යා ප්‍රබන්ධ වලට ආස වුනේ එතුමගේ පොත් වලටයි විදුසර පත්තරේටයි පින්සිද්ධ වෙන්න. කොහොම හරි නිව්ස් එකේ තිබුනේ, ඒ දවස්වල රන් මුතු දුව ෆිල්ම් එක කොරන්න කස්ටිය බෝට්ටුවක් ගන්න සල්ලි නැතුව ඉන්නකොට ආතර් මහත්තයා නිර්නාමිකව සල්ලි දීලලු. පේනවනේ සුද්දා එදා ඉඳලා අපිට උගන්වන්නේ පාඩම්. දැන් චන්ද පොස්ටරේකට වියදම් කරන සල්ලි ටික කෝමද මේ වගේ දේකට යෙදෙව්වනම් ? ඕවා කියලා වැඩක් නෑ. චන්දෙ ඉල්ලන උන් මේවා කියෝනවා කියලයෑ. මොකෝ බ්ලොග් කියෙව්වොත් ඒක චන්ද ඉල්ලීමේ සුදුසුකම් උල්ලංගනය කිරීමක් වෙනවානේ. මොකද පල් මෝඩයෙක් වෙලා ඉන්න ඕනිනේ මුලින්ම. කෙලියා නේද තාප්පෙට, සිංදු කියන්න ආව නම් සිංදු කියලා පල. හා.

කොහොම හරි ඉතින් ඔන්න නිව්ස් එක කියෙව්වට පස්සේ සින්දුවගේ මොළේ සිංදු කිසි කිසි ගාලා ට්‍රැක් එකට වැටෙනවා. මුලින්ම වැටුනේ
"මුහුදු පතුල යට ඉඳලා"   කෙලියා නේද තාප්පෙට ඒක ඇවිල්ලා මුදු පුත්තු එකේනේ. ඊළඟට කල්පොනා කොලාම ආවේ
"සිනිදු සුදු මුතු තලාවේ"... ආයෙත් කෙලියා නේද තාප්පෙට ඒක ඇවිල්ලා සත් සමුදුරු එකටනේ. මුහුදු පතුල යට මුලින්ම මතක් වුනු ගමන් ඒක ගැන ලියන්න ඕනා කියලා හිතුනා. පස්සෙනේ මතක් වුනේ ඒක මුදු පුත්තු කියලා. කොහොම වුනත් සිනිදු සුදු මුතු තලාවේ එකනම් මම කලින් ලිව්වනේ. කොහොමද ඒකෙ මියුසික් වල අර්ථය ! ආපෝයි දරුවෝ ඔන්න ඒක කියවලා නැත්නම් මහා පාපයක්. මට හිතෙන හැටියට මට නම් කොච්චර කියෙව්වත් අමුතු කික් එකක් දෙන පොස්ට් එක ඒක. කියෙව්වේ නැත්නම් තියෙන්නේ මේ ලින්ක් එක ක්ලික් කරන්න තමයි.

ඉතින් මේ දෙකම මතක් වුනාට මොකෝ දෙකම රන් මුතු දූවේ නෙවෙයිනේ. ඉතින් ඔන්න ඔහේ ලියන්න හිතුනු මුදු පුත්තු එකේ සිංදුව ගැනම ලියනවා. මේ සින්දුවනම් ඕනි තරම් අහලා ඇතිනේ. අර අර මුහුදු පතුල යට ඉඳලා සිංදුව තමයි මේ කියන්නේ.




ඉතින් මුදු පුත්තු මමත් ඔන්න බලලා තියෙන්නේ පොඩිම කාලේදී එක පාරක් ටීවී එකෙන්. මට තාම මතක ඔය සිංදුව විතරයි. කතාව මොකක්ද කියලා හොයාගන්න ට්‍රයි කොලා කොලා කොලා එකෙක් දන්නේ නෑ හප්පා. දන්නා පින්වතෙක් ඉන්නව නම් මහන්සිය නොතකා පිං තකා ශෙයා කොරගනිත්වා !

ඉතින් මෙහෙමයිලු දැන් ඔය සිංදුව ළමයෙක් නවලන අම්මා කෙනෙක් කියන එකක්නේ.අම්මාගේ නම සරා මට මතක හැටියට. මුලින්ම සරාගේ චරිතය සෝමලතා සුබසිංහ මහත්මියත්, පස්සේ ප්‍රේමා ඩැනියල්ස් මහත්මියත් රඟ දක්වුවලු.  මේ දරුවා ධීවරයෙකුගේ පුතෙක්නේ. ඉතින් ඔන්න ඒ නිසා මුහුද සම්බන්ධ කරගෙන සිංදුව පටාන් ගන්නවා.

මූදු පතුල යට ඉඳලා
මුතු ඇටයක නිදි කරවා
පෙණ කැටියක පාකරලා
මගෙ දෝතට පුතු ආවා

දැන් ඕක අහපු අපේ ගොයියෙක් මට කියනවා ඕකේ තියෙන්නේ අර අර තේරුමක්ලු. මමද නිකන් උඩ කැරකිලා ගියාලු ඈ. උන්දැගේ විචාරේ හැටියට මුතු ඇටය මුතු ඇටය නෙවෙයිලු, පෙණ කැටිය පේන කැටිය නෙවෙයිලු. වෙන ඒවලු නිරුපණය කොරන්නේ. කෙලියා නේද තාප්පෙට ! මුන් සොක්‍රටීස්ලට අන්තයිනේ නෙහ්. මට නම් එහෙම හිතෙන්නම නෑ මෙයා. මම නම් හිතන්නේ ඒ ඒ යෙදුම් යොදාගෙන තියෙන්නේ ඒ ඒ අවස්ථාවට අනුකුලව අර ධීවර යන එක ඉස්මතු කරන්න කියලා.

සුදු පාටින් පහන් තරුව දුර අහසේ දිළිසෙනවා
සුදු පාටින් ටිකිරි හිනා පුතුගෙ මුවින් ගිලිහෙනවා

මෙතනින් කියන දේ ඇත්තටම මුදු පුත්තු බලලම තමා කියන්න ඕනා. සමහර විට මෙතනින් කියන්නේ දුප්පත්කම ගැන වෙන්න පුළුවන්. ඒවා ඔක්කම පුතාගේ සිනාවෙන් යට කරලා අම්මට සතුටක් ගේනවා . එක්කෝ සමහරවිට ඒක නිකන්ම උපමාවක් විදියට ගත්තා විතරක් වෙන්නත් පුළුවන්.

වෙරළෙන් කිරි කවඩි සොයා කෙනෙක් පුතුට ගෙන එනවා
තවත් කෙනෙක් පාට පාට පබළු කඩෙන් ගෙන එනවා
ඒ කවඩියි මේ පබළුයි එක නූලේ අමුනනවා
ඒවායින් හවඩි සදා පුතුගෙ ඉණේ පළඳනවා

මෙතැනදී නොකියා මොනාද කියනවා කියනවා. :D වෙරළෙන් කිරි කවඩි ගේන්නේ එක්කෙනෙකුයි, පාට පාට පබළු ගේන එක්කෙනෙකුයි දෙන්නෙක් ගැන කියනවා. අනික ඒ ටික කියද්දී ඒ අම්මගේ රඟපෑම බලන්න. පුතාගෙන් ඈත් වෙලා හිතන්නේ. වෙරළෙන් කිරිකවඩි ගෙන කෙනා ගැන සතුටු මුණක්, අනිත් කෙනා ගැන වෙනත් මුණක්, වරදක ස්වරූපයක් පෙන්වනවා. නාමික තාත්තයි, නියම තාත්තයි ගැන කියනවා නේද නොකියා. කෙලියා නේද තාප්පෙට !
ඉතින් මේ දෙන්නටම පුතාව අයිතියිනේ. ඉතින් දෙන්නම ගේන ඒවා එක නුලේ අමුණලා හවඩිය බඳින්නේ.

සිංදුව ඇහෙන හැමවෙලාවෙම මම නම් ගිහින් නවතින්නේ ඉස්කෝලේ මේන් හෝල් එකේ. කොලපාට ගාපු බෙරයක් උඩු අතට හරවන් බෙරය කකුල් දෙක අතරේ හිරකරන් පුටුවක වාඩි වෙලා ජින්නා අයියා ඉන්නවා පැත්තක. සර්පිනාව තියාගෙන වසන්තා මිස්. ෆ්ලුට් එක අරන් මධුර අයියා, වයලින් තුන් දෙනෙක් වගේ හිටියා. ඉස්ටෙජ් එකේ කෙල්ලෝ ඉස්සරා කොල්ලෝ ටික පස්සේ. මිසා කවුන්ට් කාලාම ජින්නා දෙනවා මේ විදියටම බෙර පාර..
පුළුවන් තරම් ගිරි යටින් කොට කලිසම් ගහපු කොල්ලෝ සෙට් එකයි, ගිරියටින් කෑ ගහනවට කොල්ලන්ට හිතින් බැන බැන කෙල්ලෝ සෙට් එකයි , මේන් හෝල් එක දෙදරන්න ගයනවා මෙහෙම...




මේක මුල් ගායනය : සෝමලතා සුබසිංහ
තනුව : සෝමදාස ඇල්විටිගල
නාට්‍යය : මුදු පුත්තු - ගුණසේන ගලප්පත්ති
සංගීතය මෙහෙයවීම : ජයතිස්ස අලහකෝන්
මුල් රඟදැක්වීම : 1962 - 05 - 4 හැව්ලොක් ටවුන් රඟහලේ
නිෂ්පාදනයට මහගමසේකරයනුත් දායක වුනා කියලයි ආරංචිය.

( කොහොමවුනත් සින්දුව අග භාගය ඇහෙද්දී මටනම් වයලා ගැන දුක හිතෙනවා. අහ්හ් කෙලියා නේද තාප්පෙට )

21 comments:

  1. ලස්සනයි......... සිංදුගේ වැඩක් නෙව. w-) w-) w-)

    ReplyDelete
    Replies
    1. බොහෝම ස්තුතියි බඩී ! :)

      Delete
  2. ලැම්බා23 August 2013 at 17:42

    එළ මචං එළ :)

    ReplyDelete
    Replies
    1. බොහෝම ස්තුතියි මචන් :)

      Delete
  3. සිංදුවෝ....තාප්පෙට නෙමෙයි උඹ කෙලියේ මගේ ඔලුවට.තව ඩබල් එකක් ගහලා ආපහු කියෙව්වා.නියමයි බං.

    ReplyDelete
    Replies
    1. හෙහ් හෙහ් හෙහ් ආතල් :) බොහෝම ස්තුතියි අරූ :)

      Delete
  4. ඉස්සර 6-11 පන්තිවලදි පෙරදිග සංගීතය කරද්දි සංගීත කාමරේදි ඔය ‘මූදු පතුල යට ඉඳලා‘ නිතරම ගායනාකරනවා. ගෑල්ලමයි නම් ඇදල පැදල ලස්සනට කිව්වා කියල මතකයි, කොල්ලො දෙතුන් දෙනා නම් ඉතිං අරුන්දල ගායනා කරද්දි නිකන්ම වචන ටික කිව්වා. :)) වාදනය තෝරගත්තු එකම එකා හැටියට මම ඉතිං උන්ගෙ දිහා ඔහේ බලන් ඉන්නව කියල ඉවර වෙනකම්. :)

    සිනිදු සුදු මුතු තලාවේ නම් කියල වැඩක් නෑ ආයෙ පිස්සු හැදෙනවා බං, මූදෙ රළ පෙරලෙනව වගේ අපූරුවට ගලාගෙන යනවා. මට මතකයි ඉස්සර චිත්‍රපටියෙ වීඩියෝ එක එක්ක ඔය සිංදුව ටීවී එකේ යනවත්. (මතක් වෙච්ච එකේ මේ කමෙන්ට් එක දාලා ගිහින් ආයෙ අහන්න ඕන)


    ඇයි, වයලා කොහාටද කවඩි අදින්නෙ, පවු දෙයියනේ අසරණයා. c-)

    ReplyDelete
    Replies
    1. හඃ හඃ හඃ අපේ කොල්ලෝ සෙට් එක ඇදලා කියනවට වඩා කලේ බෙරිහන් දෙන එක තමයි :D
      හෙහ් හෙහ්හ් :D ඒක කියෙව්වද මටත් පස්ටම එකක් ඒක :D
      හඃ හඃ හඃ වයලා තාම කාවදි අදින්න පටන්ගත්තේ නෑ. කොහෙද එකක් සෙට් වෙලා වැඩේ ආරංචි වෙලා කෙල්ල මාරු නේ :-bd :-bd
      බොහෝම ස්තුතියි DDT :)

      Delete
  5. මටත් කොයිල් උනා යකෝ ඉස්සෙල්ලම.... බොහෝම අමාරුවෙන් හරි ත්‍රෙඩ් එක වැදෑරුවේ

    ReplyDelete
    Replies
    1. හඃ හඃ හඃ කොමහරි කරලා හරි පෙත්ත ගිල්ලනම් ඔන්න ඔච්චරයිනේ :) ඇත්ත තිත්තයි කිව්වලු :D
      බොහෝම ස්තුතියි මචන් :)

      Delete
  6. කාලෙකින් නේ!
    ඒකෙ එහෙම තේරුමක් ඇති කියල දැන්නෙ දන්නෙ!

    ReplyDelete
    Replies
    1. මේ ටිකේ ප්‍රජෙක්ට් එකේ වැඩට හිර වෙලා සා... :)
      බොහෝම ස්තුතියි :)

      Delete
  7. සින්දුවේ අර්ථකතනය නියමෙටම දීලා තියෙනවා..

    ReplyDelete
    Replies
    1. අහ්හ් වෙනි අයියා කෝමෙයි කෝමෙයි :D එල එල බොහොම ස්තුතියි ඈ :)

      Delete
  8. මං දන්න විදියට මුහුදු පුත්තු කියන නාට්‍යයට පදනම් වෙන්නේ පවුලක කතාවක්. මේ පවුලේ අයියා ධීවරයෙක්. අයියා විවාහයක් කරගෙන කාලයක් ගත වෙනවා. නමුත් දරුවෙක් නෑ. ඉතින් මේ පවුල දරුවෙක් ලැබෙන්න කියලා විවිධ බාර හාර වෙනවා. ඔය අතරෙදි තීරණය වෙනවා කතරගම දෙවියන්ට බාරයක් වෙන්න. ඒකට කතරගම යන්නේ මේ අයියගෙ භාර්යාව සහ මල්ලි. මල්ලි වෙළදාම් කරන කෙනෙක්. මේ දෙන්නා කතරගම ගිහින් ඇවිත් ටික කාලයකින් මේ භාර්යාවට දරුවෙක් ලැබෙනවා. ඉතින් අයියා හිතනවා මේ දරුවා මගෙ තමයි. තමන් කතරගම දෙවියන්ට භාරයක් වුන නිසා තමයි ළමයා ලැබුනේ කියලා. මල්ලි කල්පනා කරනවා මේ දරුවා මගෙ තමයි කියලා. (එහෙම වෙන්නෙ කොහොමද කියලා අහන්න එපා ඕං) ඉතින් අයියයි මල්ලියි දෙන්නම මේ දෙන්නට සලකනවා. ඒක තමයි
    //වෙරළෙන් කිරි කවඩි සොයා කෙනෙක් පුතුට ගෙන එනවා
    තවත් කෙනෙක් පාට පාට පබළු කඩෙන් ගෙන එනවා// කියන කොටසින් කියන්නේ. අම්මා කරන්නේ මේ දෙන්නගෙන්ම ලැබෙන දේවල් දරුවට දෙනවා.
    //ඒ කවඩියි මේ පබළුයි එක නූලේ අමුනනවා
    ඒවායින් හවඩි සදා පුතුගෙ ඉණේ පළඳනවා//

    මේ දරුවා ලැබෙන්නේ ගොඩක් කාලයකට පස්සෙ නිසා දරුවා ගැන තියෙන ආදරය, සතුට වගේ හැගීම් තමයි උපමා, උපමේය භාවිතා කරලා මුල් පද වලින් කියන්නේ.
    //මූදු පතුල යට ඉඳලා
    මුතු ඇටයක නිදි කරවා
    පෙණ කැටියක පාකරලා
    මගෙ දෝතට පුතු ආවා
    සුදු පාටින් පහන් තරුව දුර අහසේ දිළිසෙනවා
    සුදු පාටින් ටිකිරි හිනා පුතුගෙ මුවින් ගිලිහෙනවා//

    ReplyDelete
    Replies
    1. හෝ.. හෝ... ගොඩක් ස්තුතියි කතාව කිව්වට ! අයියයි මල්ලියි කියලා නිච්චියක් තිබුනේ නෑ මට. කතාව කියපු එකනම් ගොඩක් වටිනවා හැමෝටම. මොකද මේක යු ටියුබ් එකේවත් කොහේවත් හොයාගන්න නෑ. :)
      බොහෝම ස්තුතියි :)

      Delete
  9. වෙරළෙන් කිරි කවඩි සොයා කෙනෙක් පුතුට ගෙන එනවා
    තවත් කෙනෙක් පාට පාට පබළු කඩෙන් ගෙන එනවා
    ඒ කවඩියි මේ පබළුයි එක නූලේ අමුනනවා
    ඒවායින් හවඩි සදා පුතුගෙ ඉණේ පළඳනවා

    මෙතැනදී නොකියා මොනාද කියනවා කියනවා. වෙරළෙන් කිරි කවඩි ගේන්නේ එක්කෙනෙකුයි, පාට පාට පබළු ගේන එක්කෙනෙකුයි දෙන්නෙක් ගැන කියනවා. අනික ඒ ටික කියද්දී ඒ අම්මගේ රඟපෑම බලන්න. පුතාගෙන් ඈත් වෙලා හිතන්නේ. වෙරළෙන් කිරිකවඩි ගෙන කෙනා ගැන සතුටු මුණක්, අනිත් කෙනා ගැන වෙනත් මුණක්, වරදක ස්වරූපයක් පෙන්වනවා. නාමික තාත්තයි, නියම තාත්තයි ගැන කියනවා නේද නොකියා. කෙලියා නේද තාප්පෙට !
    ඉතින් මේ දෙන්නටම පුතාව අයිතියිනේ. ඉතින් දෙන්නම ගේන ඒවා එක නුලේ අමුණලා හවඩිය බඳින්නේ.

    මේ වගේ සින්දුවකත් මෙම අර්තයක් තිබුනනෙ අප්පා :O

    ReplyDelete
    Replies
    1. හඃ හඃ හඃ හඃ මොකෝ සමියගේ හිතට හරි නෑ වගේද ? :D හඃ හඃ හඃ බොහෝම ස්තුතීයි මචන් :)

      Delete
  10. මේ යන විදියට ගියොත් හවඩි කෙසේ වෙතත් මට සිද්ද වෙන්නේ රත්නපුරේ අතෑරලා මාරුවෙන්න තමා . මොකද මගේ උන්දැට ඔය පබළු ගෙනත් දෙන්න කීදෙනෙක් බලාගෙන ඉන්නවද . හඃ හඃ හඃ හඃ .
    හැක හැක හැක හැක හැක

    එල එල මම ගැන දුක් වෙන්න තව එකෙක් ඉන්නවනේ . හැක හැක හැක හැක
    ඔය සිංදුව මට කලින් අහන්නම බැරි කේස් එකක් . ඕක දිරෙව්වෙ මම උඩ දාලා තියෙන සින්දුවේ තියෙන සිතාර් පාට් එක නිසා .

    සිංදුව අහනකොට මේ තේරුම තියෙනවා කියලා හිතෙන්නෙම නෑ . හඃ හඃ හඃ
    ඉක්කොලේදී අපි ඕකේ කවඩි වලට වෙන වෙන හොඳ තේරුම් දුන්නා . මුහුදු පතුලටත් වෙන වෙන තේරුම් දුන්නා . පතුල කිව්වම පතුලවල් ගොඩක් තියෙනවනේ අයියා . හැක හැක හකා

    ReplyDelete
  11. මේ සිංදුව ඇහෙනකොට මගෙත් හිත යන්නේ ඉස්කෝලේ මේන් හෝල් එකට :D මාත් ඔය සිංදුව ස්ටේජ් එකට නැගගෙන කිවුවා මතකයි....හබැයි තනියම හික් :))

    ReplyDelete
    Replies
    1. හී හී බැලින්නම් මෙයත් ගායිකාවක්නේ.... d-)

      Delete

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.

ජ්‍යෝතිෂ කටයුතු සඳහා සම්බන්ධ වන්න

ප්‍රභාශ්වර වාස්තු විද්‍යා උපදේශන සේවාව හරහා සම්බන්ධ වීමට වැඩි විස්තර දැනගැනීම සඳහා ඔබට අවශ්‍ය සේවාව මත Click කරන්න . වාස්තු විද්‍යා උපදේශන සේවයේ Face Book පිටුවට Like කිරීම සඳහා Image එක මත Click කරන්න .

ඔබට අවශ්‍ය මැණික් අවම මිලකට විශ්වාසනීය ලෙස මිලදී ගැනීමට අමතන්න +94716132067
    ඔබගේ සියලුම මැණික් අවශ්‍යතා සඳහා රත්නපුරයේ වාසනාවන්ත පොළවෙන් මතුවන මිණිකැට අවම මිලකට රජයේ පිළිගත් සහතික පත්‍රයක්ද සමග මිලදී ගැනීමට අවස්ථාව . 
    දුරකථන ඇමතුමක් හරහා සම්බන්ධ වන්න . 
    කොළඹ මහනුවර අවට බෙදාහැරීම නොමිලේ . 


    පද්මරාග
    මුතු
    රතුකොරල්
    පච්ච
    එමරල්ඩ්
    පුෂ්පරාග
    දියමන්ති
    කාකනිල්
    ත්න 
    අත් පළඳනා


    ඇතුළු සියලුම මැණික් ආශ්‍රිත මිලදීගැනීම් සඳහා අමතන්න.
Prabhashwara Gems

යන්ත්‍ර පැළඳවීමේ සේවාව පිලිබඳ දැනගැනීමට ඊතලය මත click කරන්න .
    සාර්ථකත්වය අප විසින් පරීක්ෂා කිරීම සිදු කිරීමෙන් අනතුරුව යන්ත්‍ර පැළඳවීම සේවාවක් වශයෙන් පැවැත්වීමට " ප්‍රභාශ්වර ජ්‍යෝතිෂ සේවය " දැන් කටයුතු සූදානම් කර තිබේ . 

    වැඩිවිස්තර සඳහා Click here