Breaking

Post Top Ad

Blog Archive

Saturday, 18 April 2020

වල්ගා තරුවකට ලෙඩ හදන්න පුලුවන්ද ?



කොරෝනා වයිරසය පැතිරීයාම සහ වයිරසයේ ආරම්භය සම්බන්ධව ජ්‍යෝතිෂ විද්‍යාව සම්බන්ධ කරගෙන මේ දවස්වල අලුත් කතාබහක් ඇතිවෙලා තියෙනවා . ඒ මොකද කියලා මම අමුතුවෙන් කියන්න අවශ්‍ය වෙන්නේ නැහැ . මේ ලිපිය ලියන්න හිතුවේ මේ කතාබහ ගැන යම් පැහැදිළි කිරීමක් කරන්න . මේ ලිපිය කිසිම කෙනෙක්ට පහර ගහන්න යොදාගන්න එපා කියලා කරුණාවෙන් ඉල්ලා සිටිනවා .

අදකාලේ වගේ නෙවෙයි , අතීතයේ ජ්‍යෝතිෂ විද්‍යාව ආරම්භවුණු කාලයේ මේ විෂයට සම්බන්ධ ජ්‍යෝතිෂ පළාපල සහ අනාවැකි කීම් සිදුකෙරුණේ මානසික ශක්තිය වර්ධනය කරන ලද සෘෂිවරුන්ගේ අතීන්ද්‍රීය ඥානයන් මෙහෙයවලා අනාගතය දැකීමෙන් . ග්‍රහයින්ගේ චලිතය අනුව අනාගතයේ සිදුවන වෙනස්කම් මොනවාද කියලා පරීක්ෂා කරලා තමයි ඒ අය පළාපල සහ අනාවැකි කිව්වේ .

ඊට පස්සේ මේ අතීන්ද්‍රිය ඥාන හිමි අය නැත්තටම නැතිවෙලා ගියාට පස්සේ වරාහමිහිර වගේ ආචාර්යවරු අතීත සෘෂිවරුන්ගේ ඉගැන්වීම් අනුව යමින් අහසේ තරු ග්‍රහයින්ගේ වෙනස්වීම් අධ්‍යනය කරලා ජ්‍යෝතිෂ විද්‍යාව සාර්ථක ලෙස කරගෙන ආවා .

තවමත් ලංකාවේ අඳුන් සහ හිරු දැපන තෛලය , හිරු දැපන යන්තර , හිරු දැපන මන්තර එහෙම තියෙනවා . ඕවයේ මූලික ප්‍රතිඵලය විදියට කියන්නේ මේ තෙලෙන් ස්වල්පයක් ගාගත්තාම දවල් අහසේ වුණත් තරු බලාගන්න පුළුවන් කියල . ඒවගේ දේවල් ඇතිවුණේ ඇයි කියලා අපි කල්පනා කරලා බලන්න ඕන .

දවල් අහසේ තරු බලන්න අවශ්‍ය වුණේ සාමාන්‍ය මිනිස්සුන්ට නෙවෙයි . ජ්‍යෝතිෂ ගණිත ශාස්ත්‍රය සම්බන්ධව කටයුතු කරපු උදවියට . කොත්මලේ ගණිතයා , බරණ ගණිතයා , දොඩම්පේ ගණිතයා කියන නම් වලින් ඔය ජීවත් වෙලා හිටපු මිනිස්සු ඒ වගේ උපක්‍රම පාවිච්චි කරේ අහසේ තරු බලලා ග්‍රහ චලිතය ගණනය කරන්න . එයාලට ගණිතයා කියලා කියන්නෙත් ඒ නිසා . නිතරම ගණනය කිරීම් කරමින් ජීවත් වුණු නිසා .

එයාලා තමන්ගේ ජ්‍යෝතිෂ පළාපල කථනය කිරීම් සහ අනාවැකි කීම් කිව්වේ පොත් බලලා කටපාඩම් කරලා නෙවෙයි . අහසේ වෙනස් වීම මූලික සිද්ධාන්ත වලට ගළපලා . ඒ නිසා තමයි ඒ කාලේ ජ්‍යෝතිෂ විද්‍යාව සාර්ථක මට්ටමක පැවතුනේ . අද කාලේ ඉන්නා ජ්‍යෝතිෂ වේදීන් පර්යේෂණ කරනවා තියා අඩුම තරමේ දවසේ හඳ වෙනස් වීම වත් ඇහැට දකිනවද කියන එක ප්‍රශ්නයක් .

ඒ නිසා තමයි ජ්‍යෝතිෂ ශාස්ත්‍රය මේ වෙනකොට ඉතාම සිල්ලර දෙයක් බවට පත් වෙලා තියෙන්නේ . ජ්‍යෝතිෂ ශාස්ත්‍රය ඒ කාලේ ඉඳලා පවුලෙන් පවුලට පරපුරෙන් පරපුරට ගුරු කුලයෙන් ගුරු කුලයට ගුරු ගෝල සම්බන්ධතා ඔස්සේ ගලාගෙන ආවේ මේ සිල්ලර වීම වලක්වන්න ඕන නිසා .

ඒත් අදවෙනකොට පොත් ප්‍රකාශකයින් සහ මාධ්‍ය විසින් වසර 6000 කට ආසන්න කාලයක් තිස්සේ ඉතාම වන්දනීය ලෙස පැවතගෙන ආව අපේ ඉගැන්වීම්වල යම් කොටස් වෙළඳ භාණ්ඩ බවට පත් කරලා ඉවරයි .

පොත් ප්‍රකාශකයින් සහ ලේකඛයින් විසින් ජ්‍යෝතිෂ කරුණු ඔහේ ඉබාගාතේ යවලා බ්‍රොයිලර් ජ්‍යෝතිෂවේදීන් හැදුවා . මාධ්‍ය විසින් ඒ බ්‍රොයිලර් ජ්‍යෝතිෂවේදීන්ගේ කරේ රත්තරන් බැන්දා .

මේ ධූමකේතු ප්‍රශ්නයත් ඒවගේ දෙයක් . අසන්නා සහ කියන්නාගේ තේරුම් ගැනීමේ සහ පැහැදිළිකිරීමේ ප්‍රශ්නයක් තමයි මෙතන තියෙන්නේ . නැතුව සංකල්පවල ප්‍රශ්නයක් නෙවෙයි .

පැරණි ජ්‍යෝතිෂ සිද්ධාන්තවල විස්තර කෙරෙනවා වල්ගාතරුවක් අහසේ දිස්වෙනවා නම් ඒ කාලයට ඒ රටට හෝ ලෝකයට උපද්‍රව වෙන්න ඉඩ තියෙනවා කියලා . ඇත්තටම අතීත සිද්දි කීපයකදී එහෙම වෙලාත් තියෙනවා . සරළවම ඒ සිද්ධිය වෙන්නේ මෙහෙමයි .

ඔන්න ජ්‍යෝතිෂ වේදියෙක් ඉන්නවා . එයා අහස බලනවා දිනපතාම . දවසකදී වල්ගාතරුවක් දකිනවා . ඊට පස්සේ රජතුමාට හෝ පාලකයින්ට කියනවා වල්ගාතරුවක් පායනවා , රටට අපල උපද්‍රව වෙන්න පුළුවන් . ඒ නිසා සූදානම් වෙන්න කියලා . ඊට පස්සේ රටට වසංගතයක් ආවත් , මොන අහේනියක් ආවත් රට සූදානම් වෙලා ඉන්න නිසා මහජනතාවට ප්‍රශ්නයක් වෙන්නේ නැහැ . මේ වගේ දකිනකොට රටට කරදර වෙයි කියලා හිතලා යාග හෝම පුද පූජා වගේ දේවල් කරලා ඒ දෝෂ නැති කරලා රට සහ මහ ජනතාව පාලකයින් විසින් ආරක්ෂා කරනවා .

ඒ කියන්නේ වසංගතය එන්නේ වල්ගාතරුවෙන් නෙවෙයි . වසංගතයක් හෝ උපද්‍රවයක් එනවා කියලා සලකුණක් තමයි වල්ගා තරුවෙන් පෙන්නුම් කරන්නේ . ඒ කියන්නේ සමාජ මාධ්‍යවල මේ දවස්වල සංසරණයවන කතාව කිව්ව සහ අහපු අය ඒ පිලිබඳ තේරුම් අරගෙන තියෙන විදිය වැරදියි කියන එක . අපි දැන් බලමු වල්ගා තරුවක් කොහොමද මෙහෙම දෙයක් සංකේතවත් කරන්නේ කියලා .

මේ ලෝකයේ සියල්ලම පවතින්නේ ශක්තිය සහ ස්කන්ධය වශයෙන් සංසරණය වෙමින් . වයිරසයක් වුණත් ඒක හැදිලා හෝ බලෙන් හදලා හෝ ඒ ක්‍රියාවලිය සිදුවෙන්නේ යම් ශක්තියක් සහ ස්කන්ධයක් අන්තර්ක්‍රියා කිරීමෙන් . ඒ අන්තර් ක්‍රියාවට මිනිස්සු , පරිසරය වායුගෝලය විද්‍යාඥයෝ විද්‍යාගාර හැමදේම අදාළ වෙනවා .

මේ ශක්ති ස්කන්ධ පැවැත්ම එහෙම අසමතුලිත වීම වීම සෞරග්‍රහ මණ්ඩලයේ ඔය ධූමකේතුව නිසා වුණා වෙන්නත් පුළුවන් නොවුනා වෙන්නත් පුළුවන් . ඒක අපිට ඇහැට පෙන්නේ නැති නිසා කියන්න බැහැ . ඒත් ධූමකේතුව පෙනීම ඔය වගේ වසංගත තත්වයක් ඇතිවෙනවා කියන එකට යම් පෙරනිමිත්තක් වුණා වෙන්න පුළුවන් .

2019 ඔය පොළවට ලඟා වුණා කියන ඇට්ලස් ධූමකේතුව වෙනදාට වඩා පොලව දෙසට ඇදිලා එනවා වගේ කොළ පාටට හුරු පාටකින් තමයි පෙනිලා තියෙනවා කියලා තාරකා විද්‍යාඥයින් කියන්නේ .

ඒ නිසා මේ වසංගතයට වල්ගාතරුවේ පෙනීම සලකුණු කිරීමක් වුණා වෙන්න පුළුවන් . ඒත් මේක වල්ගාතරුවෙන් ම ආව වයිරසයක් කියලා ජ්‍යෝතිෂ විශය ඔස්සේ කීම සාධාරණ හෝ අඩුම තරමේ නිවැරදි භාවය 50% 50% සීමාවේවත් වලංගු කරගන්න බැහැ .

ඔබ සැමට සමන් දෙවිඳුගේ පිහිට ලැබේවා !!

No comments:

Post a comment

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.

ජ්‍යෝතිෂ කටයුතු සඳහා සම්බන්ධ වන්න

ප්‍රභාශ්වර වාස්තු විද්‍යා උපදේශන සේවාව හරහා සම්බන්ධ වීමට වැඩි විස්තර දැනගැනීම සඳහා ඔබට අවශ්‍ය සේවාව මත Click කරන්න . වාස්තු විද්‍යා උපදේශන සේවයේ Face Book පිටුවට Like කිරීම සඳහා Image එක මත Click කරන්න .

ඔබට අවශ්‍ය මැණික් අවම මිලකට විශ්වාසනීය ලෙස මිලදී ගැනීමට අමතන්න +94716132067
    ඔබගේ සියලුම මැණික් අවශ්‍යතා සඳහා රත්නපුරයේ වාසනාවන්ත පොළවෙන් මතුවන මිණිකැට අවම මිලකට රජයේ පිළිගත් සහතික පත්‍රයක්ද සමග මිලදී ගැනීමට අවස්ථාව . 
    දුරකථන ඇමතුමක් හරහා සම්බන්ධ වන්න . 
    කොළඹ මහනුවර අවට බෙදාහැරීම නොමිලේ . 


    පද්මරාග
    මුතු
    රතුකොරල්
    පච්ච
    එමරල්ඩ්
    පුෂ්පරාග
    දියමන්ති
    කාකනිල්
    ත්න 
    අත් පළඳනා


    ඇතුළු සියලුම මැණික් ආශ්‍රිත මිලදීගැනීම් සඳහා අමතන්න.
Prabhashwara Gems

යන්ත්‍ර පැළඳවීමේ සේවාව පිලිබඳ දැනගැනීමට ඊතලය මත click කරන්න .
    සාර්ථකත්වය අප විසින් පරීක්ෂා කිරීම සිදු කිරීමෙන් අනතුරුව යන්ත්‍ර පැළඳවීම සේවාවක් වශයෙන් පැවැත්වීමට " ප්‍රභාශ්වර ජ්‍යෝතිෂ සේවය " දැන් කටයුතු සූදානම් කර තිබේ . 

    වැඩිවිස්තර සඳහා Click here


සේවාවන් සමග සම්බන්ධ වීමට image එක මත ක්ලික් කරන්න

සේවාව සමග සම්බන්ධ වීමට image එක මත ක්ලික් කරන්න