Breaking

Post Top Ad

Wednesday, 7 August 2019

නිවැරදි ස්වස්තිකය හඳුනාගන්න





වස්තු විද්‍යාව ගැන කතා කරනකොට ගොඩක් වෙලාවට එක එක සලකුණු සම්බන්ධව කතා කෙරෙනවා . ඇත්තටම යන්තර වගේ දේවල් වල වුණත් තියෙන්නේ යම් යම් සලකුණු තමයි . අකුරු කියන්නෙත් යම් සලකුණු එකතුවක් . අකුරු වලට තේරුමක් තියෙනවා . ඒ කියන්නේ ඒ ඒ අකුරු වලට අදාළ ශක්තියක් හිමි වෙනවා .

මිනිසුන් විශාල ප්‍රමාණයක් කතා කරන ලියන කියන භාෂාවක් වුණාම ඒ භාෂාවට ශක්තියක් හිමි වෙනවා . නාගර අක්ෂර වලට තමයි මම අත්හදා බලලා තියෙන විදියට වැඩිම ශක්තියක් හිමි වෙන්නේ . ඒත් ඊට වඩා පැරණි භාෂාවලට ඊට වඩා වැඩි ශක්තියක් හිමි වෙලා තියෙනවා . සමහර යන්තර සටහන්වල දකින්න ලැබෙන්නේ ඒවගේ වෙනස්ම අකුරු .

ඒත් අද වෙනකොට වැඩි ප්‍රමාණයක් ඉන්දියාවේ භාවිතා වෙන නාගර අක්ෂර වලට තමයි වැඩි ශක්තියක් හිමි වෙන්නේ . මෙන්න මේ වගේ අක්ෂරත් බිහි වෙන්න කලින් බිහිවුණු සංකේතයක් ගැන තමයි අපි අද කතා කරන්නේ .

“ ස්වස්තිකය “ තමයි ඒ සංකේතය . ස්වස්තිකය කිව්වාම ඕනෑම කෙනෙක් මතක් කරන්නේ හිට්ලර්ව . මොකද හිට්ලර් මේ සවස්තික සංකේතය පාවිච්චි කරපු නිසා . මමනම් විශ්වාස කරන්නේ හිට්ලර් අනුන්වත් තමන්වත් විනාශ කරේ සහ විනාශ කරගත්තේ මේ ස්වස්තිකය වැරදියට භාවිතා කරපු නිසා කියලා . මට මතකයි ජේතවනාරාම කැණීම් වලින් ස්වස්තික ලකුණු හමුවුණා කියලා . ඒ ස්වස්තික ලකුණ නිවැරදි පැත්තට තමයි පිහිටලා තියෙන්නේ . මේ ස්වස්තික ලකුණේ වැරදි නිවැරදි පැති මොනවද කියලා අපි බලමු






මේ ලෝකයේ පිහිටලා තියෙන සියලුම දේවල් පඨවි ආපෝ තේජෝ වායෝ සහ ආකාශ කියන පංච මහා ධාතූන් වලට අයත් වෙනවා . මේ පහ අතරේ පවතින ශක්ති ගලනය වීම තුලින් සමතුලිත තත්වයට පත්වෙලා තමයි මේ ලෝකයේ ඝන ද්‍රව වායු කියන දේවල් පවතින්න . මේ පැවැත්ම තේරුම් ගන්න එක සහ ඒවායේ විනාශය තේරුම් ගැනීම යම් ආකාරයකට ලෝකයේ සත්‍ය තත්වය අවබෝධ කරගැනීම කියලා කියන්න පුළුවන් .

මේ ශක්තීන් එකිනෙකා සමග බද්ධ කිරීමේ හැකියාවක් සහ සමතුලිත කිරීමේ හැකියාවක් මේ ස්වස්තිකය කියන සලකුණට හිමි වෙනවා . ස්වස්තික සලකුණ මගින් ආකර්ෂණය කරන ශක්තීන් විසින් ලෝකයේ පැවැත්ම නිසියාකාරව පවත්වා ගන්නවා කියලාත් කියන්න පුළුවන් . ස්වස්තිකයෙන් ශක්තිය සමතුලිත කිරීම මෙන්න මේ වගේ දෙයක් කියලා සරළව විස්තර කරන්න බැහැ .

මම ඇතුළුව හැමෝම කරන්නේ මේ ශක්ති සමතුලිත වීම සම්බන්ධව තම තමන්ගේ අදහස් ඉදිරිපත් කරලා යම් දුරකට හරි මේ පැවැත්ම කොහොමද කියලා විස්තර කිරීමක් . හැබැයි අවබෝධ කරගත්තොත් , මේ ස්වස්තික සලකුණ ඔස්සේ ශක්තිය හැසිරවීම කරලා ගොඩක් දේවල් කරන්න පුළුවන් . ආධ්‍යාත්මික ශක්තිය පවා හසුරුවන්න පුළුවන් මේ සලකුණ හරියට භාවිතා කරනවානම් .





ස්වස්තිකය කියන සලකුණ සහ ඒ සංකල්පය ආරම්භ වෙන්නේ මොන කාලයේ ඉඳලා ද කියලා පොත්වල සඳහන් කිරීමක් වෙන්නේ නැහැ . හොයාගන්නත් ඇත්තටම අමාරුයි . ඒත් බුදුන් වහන්සේගේ සිරිපතුලේ තියෙන මංගල ලකුණුවල ස්වස්තික සලකුණ අයත් වෙනවා . ඒ නිසා ඉතාමත් ඈත අතීතය දක්වා ස්වස්තික සලකුණ ශක්තිමත් සලකුණක් විදියට පැවතිලා තියෙනවා කියලා විශ්වාස කරන්න පුළුවන් .

ජ්‍යෝතිෂ විද්‍යාව ඇත්තටම බුදු දහමට වඩා පරණයි . ජ්‍යෝතිෂ විද්‍යාවේ සහ හස්ත රේඛා විද්‍යාවේ ස්වස්තික සම්බන්ධව විස්තර කරන්නේ ඒවා මනුෂ්‍ය ශරීරයේ පිහිටන්නේ කොහොමද සහ ඒවා පිහිටීම නිසා මොනවද වෙන්නේ කියන කරුණු කාරණා එක්ක . යම් යම් ග්‍රහයින්ගේ බලපෑම ඔස්සේ මේ සලකුණු ඇතිවීම සම්බන්ධව මේ විෂයේ වැඩි දුර උගන්වලා තියෙනවා .

ඒ නිසා ස්වස්තික සලකුණ බුදු සිරිපතුලේ පිහිටියා වුණත් මේ සලකුණ මොකක්ද කියන එක ඊටත් ඈත අතීතයේ හිටපු අය දැනගෙන ඉඳලා තියෙනවා කියලා අපිට සාධාරණව හිතන්න පුළුවන් . හැබැයි මේ හැම තැනකම පිහිටලා තියෙනවා කියලා කියන්නේ දක්ෂිණාවර්ත ස්වස්තිකය . දක්ෂිනාවර්ත වෙනවා කියන්නේ මොකක්ද කියලා හරියට තේරුම් ගන්න බැරි වීම නිසා ස්වස්තිකය වැරදියට භාවිතා කිරීමක් තමයි අද කාලයේ වෙන්නේ .





නිවැරදි ස්වස්තිකය සුළඟ වැදීම නිසා කැරකෙන්නේ දකුණු පැත්තට . වැරදි ස්වස්තිකය , ඒ කියන්නේ විනාශ චක්‍රය කැරකෙන්නේ සුළඟ වැදිලා වම් පැත්තට . ඒත් මේ සුළඟ වැදීම කියන දේ ගැන හිතන්නේ නැතුව නිකන් රූපය දිහා බලාගෙන ඉන්නකොට අපිට හිතෙන්නේ විනාශ චක්‍රය දකුණටත් ස්වස්තික චක්‍රය වමටත් කැරකෙන විදියට තියෙනවා කියලා . ඒ නිසා දකුණට කැරකෙනවා කියලා වැරදියට හිතලා බොහෝ දෙනෙක් විනාශ චක්‍රය ස්වස්තිකය කියලා වැරදියට හඳුනාගෙන තියෙනවා .

ස්වස්තික ලකුණ අද වෙනකොට පෙරදිග රටවල්වල වගේම යුරෝපීය රටවල් වලත් භාවිතා වෙනවා කියලා අපිට දකින්න පුළුවන් . හැබැයි වැරදි පැත්තට තියෙන ස්වස්තිකය භාවිතා කරගෙන ආව සමහර රටවල් තමන්ගේ සලකුණ වැරදියි කියලා තේරුම් අරගෙන ඒ සලකුණේ පැත්ත අනික් පැත්තට හරවලා පාවිච්චියට අරගෙන තියෙනවා .


මේ තියෙන්නේ වැරදි ස්වස්තික ලකුණක්





මේ නිවැරදි ස්වස්තික ලකුණ





ස්වස්තික සලකුණ සටහන් කරලා සමහර නිවෙස් අතීතයේ හදලා තියෙනවා කියලා අපි දැකලා තියෙනවා . සමහර වලව්වලත් බිත්තියේ ඉස්සරහාම ලොකුවට ස්වස්තික සලකුණක් සටහන් කරලා තියෙනවා . මේ සලකුණ තියෙන නිවාසවල පරම්පරා තවමත් ජීවත් වෙනවා . ඒත් විනාශ චක්‍රය , ඒ කියනෙන් ස්වස්තිකය වැරදි පැත්තට සටහන් කරලා තියෙන නිවෙස්වල පරම්පරා දීර්ඝ කාලීනව පැවතිලා නැහැ . පරම්පරා කීපයකින් ඒ පවුල් නැවතිලා තියෙනවා . මේ පැවැත්මට ස්වස්තික සලකුණ වැරදියට භාවිතා කිරීම හේතු වෙලා තියෙනවා කියලා විශ්වාස කරන්න පුළුවන් . මොකද වෙනත් වාස්තු දෝෂ අවම ප්‍රමාණයක තිබිලා මේ වරද ලොකුවට බලපාලා නිසා පරම්පරා විදියට එයාලා විනාශ වෙලා තියෙනවා කියලා අපිට නිගමනය කරන්න පුළුවන් නිසා .

කොහොම වුණත් ස්වස්තික සලකුණ එසේ මෙසේ දෙයක් නෙවෙයි කියලා මතක තියාගන්න ඕන . ධනය ආකර්ෂණය කරන්න පවා ස්වස්තික සලකුණට හැකියාවක් තියෙනවා . ඒ කියනෙන් වැරදි ස්වස්තික සලකුණෙන් ධනය විනාශ කරන්නත් ඉඩ තියෙනවා .ඒ නිසා හරි ස්වස්තික සලකුණ භාවිතා කරන්න .

නිවැරදි ස්වස්තික සලකුණ තෝරාගන්න ඔයාලට මේ ලිපිය වැදගත් වෙයි කියලා හිතලා තමයි ස්වස්තිකය ගැන විස්තර ටිකක් අරගෙන ආවේ .

තවත් ලිපියකින් හමුවෙමු .

ඔබ සැමට සමන් දෙවිඳුගේ පිහිට ලැබේවා !

5 comments:

  1. ස්වස්තිකය අදින්න ඔන ප‍්‍රමානයන් තියෙනවාද?
    මැද තිත් හතර අවශ්‍ය කාරනාවක්ද? ඉන් අදහස් වෙන්නේ කුමක්ද?

    ReplyDelete
    Replies
    1. නෑ . ප්‍රමාණයක් අවශ්‍ය වෙන්නේ නැහැ . හැබැයි පාදවල දිග සමාන වෙන්න ඕන . තිත් හතරක් නෙවෙයි . ස්වස්තික හතරක් අඳින්න පුළුවන් නම් වැඩියෙන් ම හොඳයි . ඒ නැතත් තනි ස්වස්තිකය වුණත් නිවැරදියි .

      Delete
  2. ගොඩක් වටිනා ලිපියක්.... මං අහලා තියෙන විදියට විශ්වයේ සංකේතයක් කියලත් හදුන්නවා...

    ReplyDelete

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.

ජ්‍යෝතිෂ කටයුතු සඳහා සම්බන්ධ වන්න

ප්‍රභාශ්වර වාස්තු විද්‍යා උපදේශන සේවාව හරහා සම්බන්ධ වීමට වැඩි විස්තර දැනගැනීම සඳහා ඔබට අවශ්‍ය සේවාව මත Click කරන්න . වාස්තු විද්‍යා උපදේශන සේවයේ Face Book පිටුවට Like කිරීම සඳහා Image එක මත Click කරන්න .

ඔබට අවශ්‍ය මැණික් අවම මිලකට විශ්වාසනීය ලෙස මිලදී ගැනීමට අමතන්න +94716132067
    ඔබගේ සියලුම මැණික් අවශ්‍යතා සඳහා රත්නපුරයේ වාසනාවන්ත පොළවෙන් මතුවන මිණිකැට අවම මිලකට රජයේ පිළිගත් සහතික පත්‍රයක්ද සමග මිලදී ගැනීමට අවස්ථාව . 
    දුරකථන ඇමතුමක් හරහා සම්බන්ධ වන්න . 
    කොළඹ මහනුවර අවට බෙදාහැරීම නොමිලේ . 


    පද්මරාග
    මුතු
    රතුකොරල්
    පච්ච
    එමරල්ඩ්
    පුෂ්පරාග
    දියමන්ති
    කාකනිල්
    ත්න 
    අත් පළඳනා


    ඇතුළු සියලුම මැණික් ආශ්‍රිත මිලදීගැනීම් සඳහා අමතන්න.
Prabhashwara Gems

යන්ත්‍ර පැළඳවීමේ සේවාව පිලිබඳ දැනගැනීමට ඊතලය මත click කරන්න .
    සාර්ථකත්වය අප විසින් පරීක්ෂා කිරීම සිදු කිරීමෙන් අනතුරුව යන්ත්‍ර පැළඳවීම සේවාවක් වශයෙන් පැවැත්වීමට " ප්‍රභාශ්වර ජ්‍යෝතිෂ සේවය " දැන් කටයුතු සූදානම් කර තිබේ . 

    වැඩිවිස්තර සඳහා Click here