Wednesday, August 27, 2014

අලි ඇතුන්ගේ කුල




<< නැදුන්ගමුවේ රාජා >>
දෙව්පුර ඇතෙකී - කුඹු දහසයකී
දිග දළ අටෙකී - සත් ගැබකී
වැව් පොකුණු ද කී - සත් සිය ගැන කී
එක පොකුණෙකී - සිවු මලෙකී
සිවු මල පෙති කී - ගැන තිස් දෙකකී
පෙත්තක නටු කී - සිවු සැටෙකී
කව් කර වැනුකී - ලෙවු ඉසි බසෙකී
ගජගා නමකී - වන්නමකී


මේ පහුගිය සඳුදා රත්නපුරේ , සබරගමුව මහ සමන් දේවාලයේ පෙරහැර මංගල්‍යය ආරම්භ උනා . කප් සිටුවීම කියන පුරාන චාරිත්‍රයට අනුව සඳුදා උදේ නැකතකට කප් හිටවලා පෙරහැර මංගල්‍යය ආරම්භ කෙරුනා . කොහෙද මේ කැම්පස් එකක් එක්ක පෙරහැර බලන්නවත් යන්න විදියක් නෑනේ . හිතාගෙන ඉන්නේ සති අන්තේ ගෙදර දුවලා පෙරහැර බලන්න යන්න . එව්වත් ඉතින් කියන්න බැරි වැඩ . දෙවියන් එක්ක කට ඉස්සර කරගන්න එපා කියනවනේ . 

පෙරහැර බලන්න වැඩිපුරම උවමනාව තියෙන්නේ එදාට දෙවාලෙන් එලියට වඩම්මන දේවාභරණ බලාගන්නයි ලංකාවේ හතර වටින්ම දේවාලෙට ඇවිත් ඉන්න අලි ඇත්තු ටික බලාගන්නයි තමයි . මේ අතරේ දේවාලෙට එන කකුල් දෙකේ ඇතින්නියෝ ගැනත් බලන්න ඕන .

දේවාලෙට අලි ඇත්තු 60කට ආසන්න සංඛ්‍යාවක් පෙරහර කාලෙට එක්ක එනවා . ඒ හැම කෙනෙක්ම දැකලා දැකලා දැන් නම් මේ ඉන්නේ අර පන්සලේ මෙයා අර දේවාලේ එයා කියලා පොඩි මතකයක් තියෙනවා . ඒ කෙසේ වෙතත් අලි බැලිල්ලයි බලි බැලිල්ලයි එපා වෙන්නේ නෑ කියනවා වගේ අලි දිහා කොච්චර බලා හිටියත් එපා වෙන්නේ නෑ . මේ ළඟදී අපේ කැම්පස් එකේ යාලුවෙක් අහනවා උඹලට අලි ඉන්නවද බං කියලා . හඃ හඃ හඃ හඃ බැරිවෙලාවත් අලියෙක් හිටියනම් මම නටන්නේ මෙහෙම නෙවෙයි කියලා හිත හිත මම උට කිව්වා මොන පිස්සුද බං . ඉඳලා හිටලා ඔය අලියෙක්ගේ ඇතෙක්ගේ ෆොටෝ එකක් ෆ්බ් දැම්මට උන් මගේ නෙවේ කියලා . 


                         

<< මිල්ලන්ගොඩ රාජා >>


අපිට මේ සෙමෙස්ටර් එකේ තියෙනවා පාරිසරික විජ්ජාව කියලා විජ්ජාවක් . ඒ විජ්ජාවට අපිට කරන්න වැඩක් දුන්නා . අපිට සමීප සතෙක්ගේ හැසිරීමේ ඉඳලා ඔක්කොම වැඩ කිඩ ටික අධ්‍යනය කරලා ඒ සතා ගැන රිපෝට් එකක් හදන්න කියලා . හිතට එකපාරටම ආවේ මාළු . මොකද අපේ මල්ලියි මමයි ඇලවල් වලින් දොළවල් වලින් මාළු අල්ලන් ඇවිල්ලා උන්ට එක එක ට්‍රීට්මන්ට් කරලා උන්ව පරලොව යවලා තියෙන නිසා මාළුන්ගේ පරිසර තත්ත්ව වෙනස් උනාම මොකද වෙන්නේ කියලා පොඩි අයිඩියා එකක් තිබුණ නිසා . 

ඔන්න ඉතින් අයියයි මල්ලියි මාළු අල්ලාගෙන ඇවිල්ලා දැන් ගෙදර ඉන්නවලු . ඒත් අනිත්මට ඕකුන්ගේ වැඩ කිඩ දිහා බලන් හිටියට ලියන්න ගියාම තමා කෙලවෙන්නේ කියලා තේරුණා . අන්තිමට මට මතක් උනේ සමන් දේවාලේ අලියා . හැම සෙනසුරාදාම දකින ඒ මිත්‍රයා ගැන ලිව්වනම් හරි කියලා තේරුනේ පහුවෙලා . ඉතින් අලි ඇත්තු ගැන හොයන්න ගත්තා තව දුරටත් ඊට පස්සේ . 

මෙහෙම හොයාගෙන යනකොට අලියාගේ කෑම බීම , නෑම , මූණ හේදීම ආ මූණ හෝදන්නේ නෑ , නිදාගැනීම , කක්කි දැමීම චූචු දැමීම වගේ හැම දේම ගැන විස්තර හොයාගත්තා . ඒ අතරේම අලි මන්තර , අලි බෙහෙත් , වගේම අද මේ කියන්න යන අලි කුල ගැනත් හොයාගන්න පුළුවන් උනා . එක දවසක් අලි බලන කෙනෙක් එක්ක කතා කරනකොට මේ අලි කුල ගැන අහන්න ලැබුනට කිසිම මතකයක් ඒ ගැන ඉතුරු උනේ නෑ . ඒත් දැන් ඔක්කොම එකතු කරගන්න වෙලාවේ අලි කුල ගැනත් අයිඩියා එකක් ඉතුරු උනා . 




ඔයාලා දන්නවා ඇති ලංකාවේ අලි ගාල් කිරීම ජයටම සිද්දවෙච්ච කාලයක් තිබුණා . ඔය පනාමුරේ අන්තිම අලි ගාල නැති උනාට පස්සේ අලි ගාල් කිරීම නැතිවෙලා ගියා . ඒත් මේ ළඟදී ඉඳලා පෙරහැරවල් වල අඩි හතරක් පහක් උස පොඩි අලි බට්ටෝ ටිකක් යනවා දැක්කා . ඒ අලි පැටවූ කොහෙන් ආවද කියලා ඉතින් කියන්න ඕන නෑනේ . ඒවා වැඩක් නෑ අපිට අපි බලමුකෝ මේ අලි කුල ගැන . 

ඔහොම ගාල් කරලා අලි අල්ලනකොට අලි අල්ලන අය අලින්ගේ තියෙන විශේෂ ලක්ෂණ බලලා හොඳ ලක්ෂණ තියෙන අලි ඇත්තු තමයි අල්ලගන්නේ . එහෙම අල්ලගන්න අලි ඇත්තු මිලදීගන්න අය වාසනාවන්ත දියුණුවෙන් දියුණුවට පත්වෙන අය බවට පත්වෙනවා . ඒත් සමහර ලක්ෂණ තියෙන අලි ඇත්තු මිලදීගත්ත අය නැත්තටම නැතිවෙලා යනවා . අලි අත්තුන්ගේ කුල බෙදීම ඇති උනේ මෙන්න මේ දේ නිසා . අලි ඇතුන්ගේ තියෙන මංගල ලක්ෂණ වගේම අභව්‍ය ලක්ෂණ මේ වැඩේට යොදාගන්නවා . අලියෙක් ඇතෙක් දැක්ක ගමන් අපිට ඌ ගැන ප්‍රිය මනාප හැගීමක් ඇතිවෙන්නේ හරි , ඒ ඇතාගේ හෝ අලියාගේ තේජස් ස්වරූපයක් පෙන්නුම් කරන්නේ මේ ලක්ෂණ නිසා . සමහර අලි ඇත්තු දැක්කම ඒ වගේ හැගීමක් ඇති නොවෙන්නේ ඒ අලියට හෝ ඇතාට ඒ මංගල ලක්ෂණ නැති නිසා . 

මෙන්න මෙහෙමයි අලි ඇත්තු කුල වලට බෙදන්නේ . තියෙනවා ඔක්කොම අලි කුල 10ක් 

කලාවක 
ගන්ගෙයිය 
පන්දර
තම්බ
පිංගල
ගන්ධ 
මංගල 
හේම
උපෝසථ 
ඡද්දන්ත

මේ අය මේ කැටගරි වලට දාලා තියෙන්නේ මෙයාලට තියෙන වෙනස් ලක්ෂණ නිසා . තැපෑලෙන් පීනන්න උගන්නනවා වගේ ඒ ලක්ෂණ ටිකත් දාන්නම් . හැබැයි මෙහෙම කියවලා ඒ ගැන අවබෝධයක් ලබාගන්න අමාරුයි කියලා මට හිතෙනවා . මොකද අලි ඇත්තුන්ගේ පොඩි පොඩි වෙනස්කම් දකින්න පුළුවන් කමක් නැති අයට ඔක්කොම අලි ඇත්තු එක වගේ පේන්නත් ඉඩ තියෙන නිසා . කොහොම උනත් මේවා තමයි ඒ ලක්ෂණ වෙන්නේ 

කලාවක 
======

මෙයාලගේ ඇස් ඉතාම අඳුරු පැහැතියි . ඒ වගේම පාද කොටයි . සම තද කළු පාටයි . වලිගය වක් වෙලා පිහිටනවා . ඒ වගේම කකුලේ නිය පොතුත් හොඳට වක් වෙලා පිහිටනවා .

ගංගෙයිය
======

විශාල හිසක් තියෙනවා මෙයාලට . ඒ වගේම මෙයාලගේ කකුල් හොඩවැල වලිගය තරමක් දිගයි . නියපොතු විශාලයි . ඒ වගේම කකුල් වල යටිපතුල් පළල වැඩි ස්වභාවයක් ගන්නවා .

පන්දර
=====

දිගටි විශාල හිසක් පිහිටනවා මෙයාලට . හොඩය පටන්ගන්න හරිය තරමක් පළලින් වැඩියි . නියපොතු තද කහ පාටක් ගන්නවා . ඒ වගේම මෙයාලගේ සම අළු පාටට හුරු කළු පාටක් වෙනවා .

තම්බ
====

මෙයාලගේ ඔලුව වැඩිය ලොකු නෑ . ඒ වගේම හොඩය කොටයි පටුයි . කකුල් සිහින් වෙනවා . කන්දෙක ලොකුවට පිහිටනවා . ඒ වගේම ශරීරය තඹ පාටට හුරු කළු පාටක් ගන්නවා මෙයාලගේ .

පිංගල
====

ලොකු හිසක් තියෙනවා මෙයාලට . හොඩය පටන්ගන්න තැන ගොඩක් විශාලයි . දිගත් නැති කොටත් නැති කකුල් තියෙනවා . ඒ වගේම දිගටි ඇස් දෙකක් මෙයාලට හිමි වෙනවා . 

ගන්ධ
====

හිස , හොඩය . කකුල් කුඩාවට පිහිටනවා මෙයාලගේ .ඇඟ තද කළු පාටයි වගේම හම තරමක් වැඩිපුර ගොරෝසු වෙනවා .වලිගය නැමිලා නැත්නම් දඟර ගැහිලා තියෙන්න පුළුවන් . ඒ වගේම ඇඟේ ගොඩක් රෝම පිහිටනවා මෙයාලගේ .

මංගල 
====

හිස හොඩය දල දෙක පාද හතර සහ කන් දෙක විශාලව පිහිටනවා . යටිපතුල වෙන අයට වඩා පළල වෙනවා . ඒ වගේම මහතින් වැඩි ශරීරයක් සහ බිම ගෑවෙන වලිගයක් මේ අයට ලැබෙනවා .

හේම 
====

තරමක් ඉදිරියට නැවුන ශක්තිමත් හිසක් තියෙනවා මෙයාලට . දිගටි ඇස් වගේම මධ්‍යම ප්‍රමාණයේ හොඩයක් තියෙනවා .ඇඟ සහ කකුල් විශාලයි වගේම මහතයි . වලිගය නැවිලා තියෙනවා . ශරීරය අළු පාටට හුරු කළු පාටක් ගන්නවා . නියපොතු රතු පාටට හුරු වෙනවා .

උපෝසථ  
======

හිස , කන්දෙක , ශරීරය මධ්‍යම ප්‍රමාණයේ පිහිටනවා . ඒවගේම දිගටි පාද හතරකන් යුක්ත වෙනවා . නියපොතු කහ පාටයි . හොඩය ලිංගය වලිගය කියන තුන බිම ස්පර්ෂ වෙනවා . ශරීරය අළු පාටට හුරු කළු පාටක් ගන්නවා . 

ඡද්දන්ත
======

ශරීරය ඉතාම මහතයි . ඒ වගේම ඇස් දිගටියි . කකුල් හතරත් දිගින් වැඩියි . ඇස් දෙක රන් වන් පාටයි . ඒවගේම ශරීරයත් දීප්තිමත් පැහැයක් ගන්නවා . හොඩය , ලිංගය වලිගය කියන තුනම බිම ස්පර්ශ වෙනවා . 




<< කතරගම වාසනා >>


මෙන්න මෙහෙමයි මේ අයගේ ලක්ෂණ පිහිටලා තියෙන්නේ . මේවට කවි ශ්ලෝක වගේ දේවල් අලි බලන ය පාඩම් කරගෙන ඉන්නවා. ඒ වගේම තව වැදගත් දෙයක් කියන්න ඕන මේ අලි කුල වලට එක එක අලි නිසා අලි හාම්පුත්තුන්ගේ ඉරණම තීරණය වෙන හැටි ගැනත් යම් කිසි පිළිගැනීමක් තියෙනවා . ඒ මෙන්න මෙහෙම .

කලාවක = හාම්පුතාට අවාසනාව අරගෙන එනවා .
ගන්ගෙයිය = හාම්පුතාට ශෝකය සහ අවාසනාව අරගෙන එනවා .
පන්දර = හාම්පුතා දුප්පත් කෙනෙක් වෙනවා .
තම්බ = හාම්පුතාට හා පවුලේ අයට හදිස්සි මරණය ගෙන එනවා . 
පිංගල = හාම්පුතාට මරණය ධන හානි වීම ගෙන එනවා .
ගන්ධ = හාම්පුතාට මධ්‍යස්ථ ලැබීමක් ලැබෙනවා .
මංගල = හාම්පුතාගේ තේජස වැඩි වෙනවා .
හේම = හාම්පුතාට වාසනාව යහපත ලැබ දෙනවා .
උපෝසථ = හාම්පුතා දීර්ගායුෂ විඳිනවා වාසනාවන්ත වෙනවා .
ඡද්දන්ත = හාම්පුතාට කීර්තිය තේජස වාසනාව මහජන බලය අරගෙන එනවා .

මම වගේම අලි ඇත්තු ගැන ඇල්මක් දක්වන අය විශ්වාස කරන හැටියට මිල්ලන්ගොඩ රාජා උපෝසථ කුලයට ආසන්නයි . නැදුන්ගමුවේ රාජා සහ කතරගම වාසනා ඡද්දන්ත කුලයට ආසන්නයි .

කොහොම හරි මෙයාලා ,  මෙන්න මේ කරුණු ගැන සලකලා බලලා තමයි ඉස්සර අලි බලන අය සහ අලි හාම්පුත්තු අලි ඇත්තු තෝරාගත්තේ . පෝස්ට් එක ඉවර කරන්න කලින් සක්‍ර දේවේන්ද්‍රයාගේ ඓරාවණ හස්තියා ගැන කියවෙන ගජගා වන්නම කියලා පෝස්ට් එක ඉවර කරන්නම් .


ඔබ සැමට සමන් දෙවිඳුගේ පිහිට ලැබේවා !!



Tuesday, August 19, 2014

කළු නෝටි කෙල්ල අනර්ඝ ගීතයේ සැඟවුණු අර්ථය


හිතවතුනි හිතවතියනි අද දින ඔබ මේ එක්වන්නේ සිංදුවා කරටි කඩාගෙන විග්‍රහ කෙරෙන තේරුම් ගැනීමට අපහසු  අගනා වටිනාම උසස් ලොවෙත් නැති පස්ට ගීතයක අර්ථය ඔබේ මොළයට (එකක් ඇත්නම් පමණක්) ඉන්සර්ට් කිරීමටයි.....



මෙව්වා කියන්නේ නැතුව හිටියේ සිංදුවා කියල වැඩක් නැති නිසා ඒත් මේ ඊයේ පෙරේදා සිංදුවා බස් එකේ එනකොට සිස්සත්තේ ලියන්න යන්න ඉන්න පොඩි උන් ටිකක් පෝලිමට වාඩිවෙලා... ඔන්න බස් ටීවී එකේ යනවා සිංදුවක්. උදේ පාන්දරම අර ළමයි ටික විභාගෙට කලින් විසුවල් එකත් බල බලා මේ සින්දුව අහනවා. හැම පොඩි එකාගෙම ඇස් දෙක සින්දුවේ ! පට්ට සින්දුව ! ( හරි හරි ඒ සින්දුව ගැන තමයි අද කියන්නේ )

ඕකට කලින් මොකක්ද සින්දු කතාවක් ගිහින් සිංදුවා කන්තෝරුවේ ඉන්න පොඩි එකෙක්ගෙන් ඇහුවා
"මල්ලි වික්ටර් රත්නායක දන්නවද ?" 
"නැහැ" 
එතකොට තව තව අයගේ නම් කියාගෙන යනකොට යන්තම් "අමරදේව" කියල කෙනෙක් දන්නවා. දන්න අය කියන්න කිවම මූ කියනවා මෙන්න ඉරාජ් කියලා. 

ඒකත් හරි කියමුකෝ ඊට පස්සේ බුකියේ ඉන්න කොට බොලේ මරු එකක් දැක්කනේ. මේ තියෙන්නේ ඒක




කොහොමද පාර ඈ ! කොල්ලා අයියේ කියලා බොක්කෙන්ම කියලා. ඉරාජ්ගේ සිංදුවා අහලා තියෙන සින්දු වලින් සින්දු කියලා හිතෙන දෙකක් තියෙයි.  

1. දඬු වැටට කොට ඇද්ද 
2. මෙත් බෝසත් විත් 

ඒ සින්දුවගේ චාටර් කෝනෙන්නේ. අපි දැන් මේ මල්ලි බබාගේ කෝනෙන් දෙකක් දාගෙන බැලුවම, මේ සින්දු දෙක ඇරෙන්න සිංදුවා අහලා තියෙන අනිත් සින්දු ඔක්කොම ඉතාමත් ඉහල ගණයේ ඉතාමත් අගනා අරුත්බර පලබර සින්දු. ඒ නිසා සිංදුවා හිතුවා මේ ගීත අතරින් ඉතාම අරුත්බර නවතම ගීතයක් වුනු අර පොඩි ළමයි ටික බස් එකේ එන ගමන් බල බල ආපු ඒ සින්දුවේ සැගවුණු අර්ථය සොයා යන්න.






කළු නෝටි කෙල්ල
sweety මැණික මගේ
මං ඔන්න අවා
උම්මා උම්මා ඕනේ

නුඹ නැති දීපේ රස නෑ නෝනේ
තුරුලට පැනපන් මාගේ
පපුවම මගේ ගින්දර වගේ
මං හරි handsome නෝනේ
රොමියො ජුලියට් වාගේ අපි දෙන්නා
මයෙ කළු කෙල්ලේ ආදරේ දල්ලේ
උඹ මාගෙ පණමයි හිතුනා

මල්මද හාසේ උතුරයි දෑසේ
ලෝකෙට රහසේ
ඉදපන් පහසේ

කෝ-කිස් අවුරුදු
මේ මිස් අපෙ no මුදු
එනවද මගෙ ලගට වස්තු
හදහන් බලලා හදමු පෝරු
ඉකිබිච් මහත පිට්ටු
සාරි ඇදන් දාලා වළලු
Shirty  මැනික නටනවා බන්
අත අල්ලලා දුන්නා තොත්තු

අඟුරු වලට ලගම පාට කළු ලු
ඊට වඩා මගේ මැණීක සුදු ලු
මටම කැපෙන hot-ම පාට තලේළු
කියන්නේ මං විරිදු

බලන්න කොච්චර අරුත්බර ගීතයක්ද, ඒ වගේම පදමට ගැලපෙන බීටය. ෂඃ ! කොහොමත් ඉරාජ් අයියා එළ බීට් නේ හදන්නේ. බලන්නකෝ එයාම කියනවා හැම සින්දුවකම වගේ එයා එල බීට් එකක් හැදුවා කියලා.
දැන් අපි යමු මේ ගීතයට ...
කළු නෝටි කෙල්ල sweety මැණික මගේ.. 
ඔව් මෙහෙ ෆෙයාර් ඇන්ඩ් ලව්ලි නවත්තපු දවසට කෙල්ලෝ ටික ඔක්කොම කලුයි තමයි, ඒ වගේම දැන් හරිම එයාලාගේ මොලේ එන්න එන්නම මොට්ට වෙලා නිසා නෝටි තමයි, ඒත් බලන්න මගේ මැණික යන්නට sweety කියලා තවත් විශේෂණයක් ඉදිරිපත් කරලා. ඒ කියන්නේ පෙම්වතිය, එහෙම නැත්නම් සීනි බෝලේ කියන්න යොදාගත්ත පදයක්. බලන්න සීනි බෝලේ යන්න එතනට කොච්චර ගැලපෙනවද කියලා. අපිට ඒ වචන වලින් මවනවා අගනා රුවැති ළඳකගේ චිත්‍ර රූපයක් !  පට්ට සෙස්සි කළු හොට් ඇඳුම් බාගෙට ඇඳගෙන ඉන්න, ඇඳගෙන ඉන්න ඇඳුමේත් පටිය යන්තමින් ගැලවෙන්න ඔන්න මෙන්න තියෙන, තඩි පස්සක් උලුප්පලා තියෙන එළකිරි කෑල්ලක්. වැරදිලාවත් එහෙම එකක් මැවෙන්නේ නැත්නම් බය වෙන්න ඕනි නෑ විෂුවල් එකේ එහෙම එක්කෙනක් දෙන්නක් ඉන්නවම තමයි.

දැන් ඈ මේ තරුණයා ආපු ගමන් උම්මා උම්මා දෙනවා. බලන්න සින්දුවේ හරය මෙතනින් මොනවට පෙන්නුම් කරනවා. මෙවන් කෙල්ලෝ තමයි අපිට ඕනි. 
කන්ද උඩින් එන කිකිළිය ගෝමරියේ
හිතල බලන්න මේ වගේ අරුත් සුන් ගීතයක් අපිට තේරෙනවද නෑනේ. කිකිළියක් ගැන සින්දු අල කන්නද ? කොත්තු කන්නද ? ඇරත් ගෝමරියේලු. චඃ කොයිතරම් කැතද ඒ ඇමතීම.

නුඹ නැති දීපේ රස නෑ නෝනේ
තුරුලට පැනපන් මාගේ
පපුවම මගේ ගින්දර වගේ
මං හරි handsome නෝනේ
රොමියො ජුලියට් වාගේ අපි දෙන්නා
මයෙ කළු කෙල්ලේ ආදරේ දල්ලේ
උඹ මාගෙ පණමයි හිතුනා

බලන්න මේකේ තියෙන පදයට පදයක් ගැලපීම. උඩ පදය අන්තිම පදය වෙනකම් සම්බන්ධයි. බලන්න මේ තරුණයාගේ පපුව ගිණි අරගෙන... අර හාමුදුරුවෝ වගේ ගිණි තියාගෙන දුකට. කෙල්ලට කියනවා පපුවට පැනපන් කියලා. ඒ කිව්වේ කෙල්ල එනවා වතුර බාල්දියක් අරගෙන ඒ පපුවේ ගින්දර නිවන්න.
බලන්න ඒ පද වලින් අපිට මවන චිත්‍ර රූපය. නුඹ නැති දීපේ රස නෑ නෝනේ ! ඇත්ත නේන්නම් දැන් උඩම කියනවා ස්වීට් කියලා. ඉතින් ඕක හැමදාම උලා කනකොට රස ඇති. ඇය නැති වුනාම රස නෑ.

කලේ පැන් ඇත නැවුම් රහ නැත
මොකද මන්දා ලිදට වූයේ
පුලුස්සාගත් රොටිය කරවී
මොකද මන්දා ලිපට වූයේ
හදා ගත් ලුණු මිරිස රහ නැත
මොකද මන්දා දිවට වූයේ

මේ පද පෙලින් අපිට අර උඩ වගේ අර්ථයක් දෙන්න පුලුවන්ද ? බෑනේ. පැන් කියන්නේ වතුර. වතුරේ රහක් තියෙයිද ? ඇරත් නැවුම් කියලා රහක් තියෙයිද ? නෑනේ. රොටිය කර වුනාට ලිපට බනිනවා. මේ වගේ අරුත් සුන් ගීත ලියනවනේ මිනිස්සු. ලුණු මිරිස රහ නැත්තේ සුවර් විට කාලා වෙන්න ඇති. ඇරත් රොටී කනවද.....අඩුම ගානේ කොත්තු හරි පිස්සා හරි කාපන්. නැද්ද ? 

අර මල්ලි කියනවා වගේ ඉරාජ් අයියා අපේ පිනට පහළවුණු පහන් කණුවක්. දැන් ඒ කණුවෙන් වටේටම එලිය ලැබෙනවා කියලා පේනවා අපිට. 

"මං හරි handsome නෝනේ" මෙන්න මේ පදය සින්දුවාටත් තේරෙන්නේ නෑ ඔයිලා. හරබර වැඩියි. මම හිතන්නේ මේකේ දෙන්නේ මමත්වය ගැන අදහසක් වෙන්න ඕනි.
රොමියො ජුලියට් වාගේ අපි දෙන්නා
වෙලාවට ඉතිහාසේ උන් දෙන්නා සෙට් වෙලා නෑ. වහ බීලා මැරිලා. ඉතින් මෙතනින් අදහස් කරන්නෙත් අපිට ඒ දෙන්නා වගේ මේ තරුණයා ( දැන්නම් තරුනයද කියලත් සැකයි ) හා සෙස්සි ගෑලු ළමයත් ලබන මාසේ විතර පත්තරේ හෙඩිමට එනවා කියලා.
හැබැයි
මයෙ කළු කෙල්ලේ ආදරේ දල්ලේ
උඹ මාගෙ පණමයි හිතුනා
දැන් මේ කොල්ලට අර ගින්දර අතරින් පේනවා, අර පපුවේ ගිණි දලු අතරින් පේනවා ඒ දුම වැදිලා කළු වෙලා ඉන්න කෙල්ලව. ඒ ගින්දරත් ආදරේ වගේ. ඒ නිසා තමයි ආදර දල්ලෙන් කළු වුනු කෙල්ල කියන එක මේ ලස්සනට ගලපලා තියෙන්නේ. ගිණි තියාගෙන පණ යන්න හදන වෙලාවට කෙල්ලගේ පණ හරි ගන්න හිතෙනවා කියන එක තමයි අන්තිමට කියන්නේ. 

මල්මද හාසේ උතුරයි දෑසේ
ලෝකෙට රහසේ
ඉදපන් පහසේ

හදිසියේ හරි අර ගින්නෙන් තරුණයා මැරුනොත් තනිවෙන්න එපා වෙන කෙනෙක් එක්ක රහසින් ඉන්න කියලයි මේ කියන්නේ. කොයි තරම් උදාර අදහසක්ද ! කොයි තරම් උදාර ආදර්ශයක්ද !

ආල වඩන අකුරු පහේ තේරවිල්ල සකි
රෑට නිදන තනි පැදුරේ නැති සිහිනෙකි සකි
ආලේ බිඳුණු දා කුමකට කඳුළු හෙළනු සකි
ආල වඩන යන තේරුම බෝසත් කම සකි

බලන්න මේක.කෙල්ල ගිය මේ තරුණයා ඒක කියන්න ගහන රවුම. හැබැයි මේ තරම් රවුමක් වටයක් ගහන්නේ නෑ අපේ සින්දුවේ. පේලි දෙකයි.
ලෝකෙට රහසේ
ඉදපන් පහසේ
අන්න.....ආන්න දැක්කද ප්‍රතිභාව ! 

අඟුරු වලට ලගම පාට කළු ලු
ඊට වඩා මගේ මැණීක සුදු ලු
මටම කැපෙන hot-ම පාට තලේළු
කියන්නේ මං විරිදු

දැන් බලන්න අඟුරු කළු නෑනේ, අළු පාටයිනේ, ඒ නිසා කියන්නේ ළඟම පාට කළු. (අඟුරු කළුද අළුද දකින්න ලිපක් දැකලා තියෙන්න එපෑ )  ඒත් මේක ගෑලු ළමයට  ගලපලා  තියෙන විදිය බලන්න. ළඟම පාට. නොකියා කියනවා ව්‍යන්ගාර්ථය කෙල්ල  කළු තලෙළු පාටයි කියලා.
ඒත් ආයේ කල්පනා කරනවා මේක කෙලින්ම කිව්වොත් තමයි රසය තව වැඩි වෙන්නේ. ඒ නිසා කෙලින්ම කියනවා පපුවේ ගිණි අරන් ඉන්න ඒක එක වචනෙකින් hot, ඒ කිව්වේ රත් වෙලා ඉන්න මට ගැලපෙන පාට තලෙළු කියලා.
"කියන්නේ මං විරිදු" 
බලන්න පුරාන විරිඳු සාහිත්‍යය සංස්කෘතිය මේකට ගාවන ආකාරය. 
කොයිතරම් රසවත් අර්ථවත් ගීතයක්ද අපි අතර මේ සැඟවිලා තියෙන්නේ.
පද පේලි එකට එකක් බැඳිලා අපිට ලොකු හැංගිලා තියෙන අර්ථයක් මතු කරනවා. විසිස්ටයි ! අනගිභවනීයි ! උත්ක්රුස්ටයි !

බුකියේ තියෙනවා පැණියා කියලා පිටුවක්. දවසක් ඒකෙ ගියා හිට් වෙන සිංදුවක් හදාගන්න විදියක්. මම ඒකෙ කොපියක් දාන්නම් මෙතන..(සිංදුවා මේක ගත්තේ පැණියගෙන් වුනාට තතු දන්න ඇත්තෝ කිව්වේ මේක ලියලා තියෙන්නේ "දමිත් කේතක" කියලා.)

හිට් වෙන මියුසික් වීඩියෝවක් සාදා ගන්නා අයුරු..

අවශ්‍ය දෑ :
ලොල්ලෙක් වගේ සින්දු කියන මූසල හාල් පාරුවෙක්...
නාගරික සංස්කෘතියට අනුගත වීමට දරන ලද අසාර්ථක උත්සාහයක් නිසා අනන්‍යතා අර්බුදයකට මුහුණ දී සිටින කෙල්ලෙක්...
මළ ගෙවල් වලට අඳෝනාවල් ලිවීමට සුදුසු ගීත රචකයෙක්...
ගායක ලොල්ලා බෝයි ප්‍රෙන්ඩ්ගේ චරිතයට රඟ නොපායි නම්, ඒ සඳහා අනුකාරක සංස්කෘතික වාදී ඔටුවෙක්...
කෙල්ලගෙ තාත්තගේ හෝ බඳින්න ඉන්න ධනවත් එකාගෙ පාට් එකට ගන්න දැක්කම මරාගෙන කන්න හිතෙන මුඩුම මූණක් තියෙන ගල් බමුණෙක්...


සාදා ගන්නා ආකාරය:
මුලින්ම ගීත රචකයා කියන එකා ලවා මූසල ප්‍රේම අඬෝ ඇඬියාවක් ලියා ගන්න.. මේ සඳහ අවශ්‍ය පොදු වචන වට්ටෝරුව පහත දැක්වේ...
" ඔයා , මම, සිත, ඔබ, ළඟ, නෙතු, කඳුළු, පාරවා, ගියා, රෑ, වෙරළේ, තනි වූ මොහොතේ, දුරින්, බලන්න, ඇයි?, මොකද, ඉන්න, දෙනවද, බැරිද, පුලුවන්ද, හැරදා, ගියා " වගේ පොදු වචන වට්ටෝරුවකි... වැඩිය හිතන්නෙ නැතුව ඒකෙන් වචන ටිකක් ගත්තාම හරිය..
ඉහත වට්ටෝරුවෙන් වචන යොදාගෙන, ඒවාට තවත් සරල වචන එකතු කර " ඔයා ගිය දා ඉඳන් මට රෙවෙන්නෙ නෑ.. දුරින් ඉන්න බෑ හත් ඉලව්වෙ... කහනවා..... මගෙ පපුව දනවා.. ඇසුත් අඬනවා... ඉස හැරුණු අතේ යනවා... ඔයා දන්නෙ නෑ මගේ පුකත් ගිනි අරන්... හද වැළපෙන හඬ ඔයාට ඇහෙනවද මගේ උම්මියේ.... ඔයා වගේ වේසියෙක්ට මම වගේ පොන්නයෙක් හද පිදූ එදා මතකද?... ඇහෙන මානෙක ඉන්නව නම් ඉන්න තැනකින් ඇවිත් මාව බේරගනින් බං.... ඔයා ගියදා ඉඳන් මගේ හතර කේන්දරේ පාලුයි... හුජ්ජ යන්නෙ නෑ මට නම්.....කකුල් රිදෙනවා... බඩ පපුව දැවිල්ලයි ඔයා සිහිවෙලා.... ඇයි මට මෙහෙම කලේ මගේ අම්මෝ, ඉන්න බැරියෝ... යන්නෙ නෑ කිව්වට උඹ ගියා නේද පරට්ටියේ.. ?" වගේ කාළකණ්ණි තේරුම් තියෙන සින්දු පඩංගු ටිකක් ලියවා ගත්තාම ටොප්ය...


මියුසික් වීඩියෝව හැදීමට පෙර මීට කළින් හිට් වෙච්ච වීඩියෝ කිහිපයක් බලා සිටීම මැනවි.... ගායක ලොල්ලා මූදු වෙරළක හෝ කඳු ගැටයක මුදුනේ ඉඳන් අත් දෙක පඹයෙක් වගේ දෙපැත්තට දික් කර කර අර ලියා දුන් පොන්න අඳෝනාව තොල් මැතිරිය යුතු අතර කැමරාව උගේ වටේ පියාඹන කෝඳුරුවෙකු සේ වරෙක ලං කරමින්, වරෙක ඈත් කරමින්, වරෙක ඌට උඩින් සහ වරෙක යටින් ඌව පෙන්නිය යුතුය... මූදු වෙරළක නම් වෙරළේ රළ ගෙඩි බිඳී, පෙණ වලින් ගායක ලොල්ලා නෑවී යන අයුරු හෝ ගායක ලොල්ලා අත් දෙපැත්තට විහිදාගෙන පිහාඹින්න හදන අයුරු පෙන්නිය යුතුය...


දැන් ඔන්න ඉතින් කථාව... කෙල්ල හැමවිටම එක්කෝ ඉස්කෝලෙ කෙල්ලකි.. නැත්තන් ටියුෂන් යනවාය... ටියුෂන් යනවා නම් ඉඳගත්තොත් ජංගිය එලියේ සයිස් කොට සාය කෑල්ලක් ඇන්දවිය යුතුය... ඉස්කෝලෙ යනවා නම් ඇඟට තෙල් ගාලා අන්දවන්න ඕන හිර යුනිපෝම් ගවුමක් ඇන්දවිය යුතුය... ඉන්නෙ බස් හෝල්ට් එකකය.. මුස්පේන්තු නලු බට්ටා ඔතනට යාලුවෝ සමග එන්නේය... ඌ කෙල්ලට ලයින් දානවා.. ඊට පස්සෙ දෙන්නා එකට ගල් බංකු උඩ, මූදු වෙරළවල, වැටකෙයියා පඳුරු යට ඉන්නවා පෙන්නන්න ඕනය.. අතරින් පතර කෙල්ලගේ කඳුළක් කම්මුල දිගේ රූටා ඇවිත් කොල්ලගේ අතට වැටෙන සීන් දෙකක් විතර තිබ්බොත් මරුය... එතනින් කෝච්චිය යනවාය... මූදේ රැළි ගහනවාය... රට කජු ඔතපු කොළ හුළඟට පාවෙනවාය...
ගෙදර ගියාම " ටීප්.. ටීප්.. ටීප්" ගාලා එස්.එම්.එස් එනවාය... කොල්ලා මර හිඟන්නෙක් විය යුතුය.. ..ඒත් ඌට පුක කසා ගන්න නියපොත්ත නැතත්, තියෙන්නේ ඉස්තරම්ම සැම්සුන්ග් ෆෝන් එකකි... ඌ ගොම්මන් වෙලාවට මඩුවට ගාල් කල හරකෙක් වගේ ගෙයි ඉස්තෝප්පු කණ්ඩිය උඩ ඉඳගෙන ඉන ඕනෑය.... කෙල්ල ගල් ෂෝටක් ගහගෙන ඇඳේ හාන්සි වී හෝ බඩ යටකරගෙන දිගා වී කොල්ලාට මල් කඩනවාය... ඒකිගේ වටේ නෝට් පොත් දෙකක් විතර හරි, ලැප්ටොප් එකක් හරි, ටැබ්ලට් එකක් හරි තියෙන්න ඕනෑය.. ඩිරෙක්ටර් බයියාට ඒවා නැත්නම් කාගෙන් හරි ඉල්ලගෙන හෝ තියෙන්නම ඕනෑය...


කෙල්ල පට්ට සල්ලි කාරියෙකි... කෙල්ල තනියෙන් හිනා වෙනවාය.. කොට්ටෙ තුරුල් කරගෙන ඔලුව දෙපැත්තට වන වන හිස්ටීරියාව හැදිලා වගේ හිනා වෙනවාය... නිකන් ඉන්න වෙලාවට ඒකි බෝනික්කෝ හෝ පුලුන් වලස්සු හුරතල් කර, කර උන්ගේ නහයෙන් අල්ලා හොලවනවාය... ඒකි නාන සීන් එකකුත් ගන්න පුලුවන් නම් වඩා යහපත්ය... ඒකි නාන බේසමක බැහැගෙන, සබන් පෙණ වලින් විලි වහගෙන, කකුල් දෙක විතරක් පෙන්නාගෙන, අල්ලට සබන් බෝළ පුම්බන සීන් එකක් තියෙනවා නම් මරුය... ඒකෙ ගැලපීමක් ඇතත් නැතත් වැඩේ නැගලා යනු ඇත...


ඔහොම ඉන්න කොට මුන් දෙන්නාව එක්කෝ කෙල්ලව බඳින්න ඉන්න සල්ලි කාර කොල්ලාට අහුවිය යුතුය... නැත්නම් කෙල්ලගේ අයියාට හෝ තාත්තාට මාට්ටු විය යුතුය.. ඒ මොක වුනත් මාට්ටු වෙන්නේ මෙළෝ බලු කපුටෙක් නැති හද්දා පාලු පාරක මුන් දෙන්නා තොඳොල් වෙවී ඇවිදගෙන යන වෙලාවටය... කෙල්ලගේ සල්ලිකාර වෙන්ට හස්බන්ඩ්, අයියා හෝ තාත්තා ලක්සරි කාර් එකක ඔතනින් යන්නේය... මුන්ව දැකලා, කණ්නාඩියෙන් බලලා, "කරාස්" ගාලා හෑන් බ්‍රේක් ඇදලා, දොර ඇරගෙන ඇවිත් කෙල්ලගේ අතින් ඇදලා "චටාස්" ගාලා ඒකිට කම්මුල් පාරක් ගැසිය යුතුය.. කම්මුල් පාර හොඳට සද්දෙ හිටින්න ගහන්න ඕනෑය... "චටාස්" සද්දෙ දෝංකාර දෙන්න ඇසිය යුතුය... කොටින්ම කිව්වොත් මේ වගේ වීඩියෝ බලන කරුමක්කාරයන්ට ඉන්න තැන්වලම චූ යන සයිස් කම්මුල් පාරක් විය යුතුය...


ඊට පස්සෙ කෙල්ල ගෙදර කාමරේට කොටු කර තබයි... කෙල්ල පැටවු මැරිච්ච නාකි වැළහින්නක් සේ අඬයි... කොල්ලා ගහෙන් වැටිච්ච රිලවෙක් වගේ විරවගෙන ඉඳියි... කොල්ලාගේ යාලුවෝ කොල්ලාව සනසන්න ඌට ක්‍රීම් සෝඩා අරන් දෙයි... ( ඕන නම් ක්‍රීම් සෝඩා එකට මොකක් හරි සමාගමක නමක් දා ගන්න පුලුහන්ය... ) ...


අන්තිමට වීඩියෝ එක ඉවර විය යුත්තේ එක්කෝ කෙල්ල ඇක්සිඩන්ට් වෙලාය.. නැත්තන් කොල්ලා කෝච්චියට, ගඟට, මූදට හෝ වැවට පැනලාය... කොල්ලා දවසක්දා පාරේ ඔහේ ඇවිදගෙන එනකොට කෙල්ල හරියටම එතනදිම කොල්ලා දිහා බලාගෙන, උගේ නම කියාගෙන පාර පනින්න ගිහින් වාහනේකට අහුවෙයි... ඊට පස්සෙ ඉතිරි ටික කරන්න අතේ සල්ලි තියෙනවා නම් හොස්පිටල් එකකට කෙල්ලව ට්‍රොලියක දාගෙන ගෙනියන හැටිත්, ඊට පස්සෙ දොස්තරලා ඒකිව ඔපරේෂන් කරන හැටිත්, කොල්ලා දණින් වැටී ඔලුවේ අත් දෙක බදාගෙන අඬන හැටිත්, කෙල්ලගේ ECG එක බිංදුවට වැටෙන හැටිත්, අන්තිමට කොල්ලා මල් පොකුරක් අරගෙන ගිහින් කෙල්ලගෙ සොහොන උඩින් තියන හැටිත් පෙන්නිය යුතුය... එතකොට මාර රොමෑන්ටික්ය... අයියලා අක්කලාගේ ජංගි තෙත් වෙන්නේ ඒ වගේ රොමෑන්ස් එකක් පෙන්නන කොටය... මාර ලව්ය... බොක්කෙන්ය... ටොප්ය... ඒ වෙලාවට සින්දුවේ උච්චතම අවස්ථාවයි... කැමරාව පිස්සු හැදිච්ච බඹරෙක් වගේ ගායක ලොල්ලා වටේ කැරකෙයි... ගායක ලොල්ලාද උගේ ලොලු කටේ හඬේ උපරිම පොන්න ගතියෙන් අඳෝනාව උච්ඡ ස්වරයට ගෙනා යුතුය....


එහෙමත් නැත්නම් මෙහෙම සීන් එකක් ගත හැක... කෙල්ල කසාද බැඳලා හයි ෆයි කාර් එකකින් හනි මූන් යයි... අර බෝයි ප්‍රෙන්ඩ් බූරු ගහලා පැරදිච්ච නාකි බයියෙක් වගේ පාර අයිනෙ දණිස්ස උඩ හොම්බ තියාගෙන ඉඳියි... ඌව දකින කෙල්ල ජනේලෙන් ඌට අඬ ගහන්න අත උස්සා "එක්කො මොකටද අද රෑට මුගෙන් ෂොට් එක වදින එක, දැන් මේ කොහෙවත් ඉන්න එකෙක් මත්තෙ නැහෙන්නේ" කියන්නා සේ නිහඬව යයි... කාර් එක ඈතට යයි... අරූ අත ගගා උම්බෑ ගායි...


දැන් වීඩියෝ එක සාදා ඉවරය... දැන් ඉඩමක් උගස් තියා හෝ මේ රටේ කරුමෙට බිහිවෙච්ච පඩත්තල රූපවාහිනි චැනල් එකකට පගාවක් දී, ඔක්කාරෙට එනකල් ඔය සින්දුව " හද රැඳි ගූ, වස මුසු ගූ, හිතක් පිරිමදින අතක්, තාරුණයයේ අහවල් එක" වගේ ගොබ්බ වැඩසටහන් වල මාසෙකට එකොළොස් දාස් වාරයක් විතර දාන්න කිව්වාම ගොඩේ ගොඩය...


ඊට පස්සේ මේ රටේ සැබෑ සාමාජීය ප්‍රශ්ණ හමුවේ නැගී නොසිට, සැලෝලයිඩ් වල අතරමං වෙච්ච, මල් මල් ලව් හීන ලෝකයක් පතන, පෞර්ෂයක් නැති මූසල හැත්තක් බෝ කරන යහපත් ව්‍යායාමයට ඔබටත් දායක විය හැක... මතක ඇතුව සින්දුව රිංග් ටෝන් හැටියටත් විකුණ ගන්න..


අර උඩ සින්දුව අහපු පාර සිංදුවාගේ වෙරි හිඳුනා බන්. අනේ අර මල්ලිට, ඒ වගේම මේ වගේ තව හිතන පොඩි එවුන්ට, ලොකු එවුන්ට මොලේ තියෙන දිහාවකින් වැඩ කර නුවණ පහල වේවා ! 




Sunday, August 17, 2014

දෙවියන් යකුන් හා බැඳුනු "කිලි" සංකල්පය





කාලෙකින් යක්කු බූතයෝ ගැන ලියන්න උනේ නැති නිසා අද පෝස්ට් එක ඒ සම්භන්ධ ඉතාම වැදගත් දෙයක් වන කිලි සංකල්පය වෙනුවෙන් වෙන් කරන්න මම හිතුනවා . මට මතක් වෙනවා මම පොඩි කාලේ අත්දකින්න ලැබිච්ච අත්දැකීම් . මේ පළමු සිද්දිය නම් උනේ කොයි කාලේද කියලා මට මතක නෑ . හැබැයි එතකොට මම ගොඩක් පොඩියි .

අපේ ගමේ සීයා කෙනෙක් නැති උනා . ඉතින් ඒ සීයාගේ මරණේ වැඩ කටයුතු අහවර වෙනකොටම අපේ ගෙවල් කිට්ටුවම අක්කා කෙනෙක් වැඩිවියට පැමිණිලා එයාගේ කොටහළු මංගල්‍යය තිබුණා . ඉතින් ඕකට යනකොට අපේ අම්මා මාවත් එක්ක ගියා . ඒ යනගමන් කාත් එක්කද මන්දා කියනවා ඇහුනා ගානක් නෑ මලගෙදරත් කිලි මෙහෙත් කිලි කියලා . ඒත් මට ඒ ගැන කිසිම තේරුමක් තිබ්බේ නෑ .

අපේ සීයා නැති උනේ මම 4 වසරේ ඉන්නකොට . සීයාගේ හත්දවසේ දානේ ඉවර වෙච්ච දවසේ අපේ ගෙදරට ඇවිත් හිටපු නෑදෑයෝ වෙන අක්ක කෙනෙක් අපේ ගෙදරම වැඩිවියට පත් උනා . අන්තිමට පාටියත් අපේ ගෙදරම අරගෙන නෑයෝ වේයෝ මීයෝ යන තුන්ගොල්ලම කනවා කියන කරුණ මොනවට පසක් කරලා එයාලා අපේ මඩිස්සලේටත් කෙලවලා යන්ට ගියා .





එතන ඉතින් කිලි ඩබල් . අපේ ආච්චි නැතිවෙලා දැනට අවුරුදු පහක් විතර වෙනවා . ඔය අවස්ථා වලදී අපේ ගෙදර විෂ්ණුට තියන පහන පත්තු කරේ නෑ . ඒකට හේතුව මම හරියටම දැනගත්තේ පස්සේ කාලෙකදී . ඒ කාලේ තරමක අවබෝධයක් තිබුනත් හරියටම දැනගත්තේ යන්තර මන්තර ගැන වැඩිපුර අධ්‍යනය කරාට පස්සේ .

අපේ ආච්චි නැතිවෙච්ච දවස්වල මම වැඩිපුර පන්සල් ගියා . මොකද ආච්චි සනීප නැතුව ඉන්න කාලෙත් මම බෝධි පූජාවටත් එක්කම හැමදාම පන්සල් ගියා . ආච්චි නැති උනාට පස්සේ දුකටත් පන්සල් ගියා . ඔහොම යනකොට අපේ පන්සලේ ඉන්න බක පණ්ඩිත ඇන්ටි කෙනෙක් අපේ අම්මා එක්ක කියලා තිබ්බා " මිස් මරණයක් වෙලා මාස තුනක් යනකං පන්සල් එන්න හොඳ නෑ නේද ? " කියලා .

මම ඒ ඇන්ටිගෙන් අහන්න හැදුවේ මොකද මේ ඇන්ටිගේ බාප්පා හදපු පන්සලද ? කිලි වලට බයේ බුදු හාමුදුරුවෝ පන්සලෙන් යයිද දන්නේ නෑ කියලා . ඒත් අම්මා මාව කූල් කරා . පන්සල් වලට මොන කිලිද කියලා උන්දැට කියලා දෙන්න මට තාම බැරි උනා .





මේ කිලි කියලා කියන්නේ අපිරිසිදු දේවල් කියලා පිළිගත්ත දේවල් වලට . මේ අපිරිසිදු බව ස්වාභාවිකවම වෙන්නත් පුළුවන් . නැත්නම් අපිරිසිදු කෙනක් ගාව හෝ අපිරිසිදු තැනකදි ඉඳලා එන හුළඟ වැදිලා තවත් කෙනෙක් අපවිත්‍ර වෙන්න පුළුවන් . මේ අපවිත්‍රතාවය මනුස්සයින්ට කෙලින්ම බලපාන්නේ නෑ . ගැටළුවක් උනොත් වෙන්නේ අමනුස්සයින් මේ කිලි සඳහා දක්වන ප්‍රතිචාරවල හැටියට තමයි .

විශේෂයෙන්ම කියනවනම් දෙවියන් මූලික කරගෙන කරන දේවල් වලදී මේ කිල්ලෙන් වැළකිලා ඉන්න එක වටිනවා . මොකද දෙවියන් මිනිසුන්ගේ ඩහදිය ගඳ පවා අප්‍රිය කරනවා කියලා බුද්ධ දේශනාවේ කියලා තියෙනවා . ඉතින් ඩහදිය ගඳ අප්‍රිය කරනවනාවම් කිල්ල කොහොමත් අප්‍රිය දෙයක් වෙන්න පුළුවන් .

වැදූගෙයි කිල්ල , මල්වර කිල්ල , ඔසප් වීමෙන් ඇතිවන කිල්ල තමයි කාන්තාවන් සඳහා අදාළ කිල්ල වෙන්නේ . ඒත් මළගෙවල් , අපවිත්‍ර ආහාර වර්ග ගැනීම හේතු කරගෙන පිරිමින්ටත් කිල්ල කියන දේ බලපාන්න ඉඩ තියෙනවා . මෙතනදී තවත් වැදගත් දෙයක් කියන්න ඕන . පිරිමින් ස්වයංවින්දනයේ යෙදුනට පස්සේ හෝ ලිංගික ක්‍රියාවල යෙදුනට පස්සේ ඔවුන් නාලා පිරිසිදු වෙනකන් ඔවුන් තුලත් මේ කිල්ල කියන දේ පවතිනවා . එහෙම කියන්නේ ඇයි කියලා මම අන්තිමටම කියන්නම් .

වැදූ ගෙයි කිල්ල කියලා කියන්නේ දරුවෙක් ලැබුනාට පස්සේ ඒ ගෙදර ඇතිවෙන කිල්ල . එහෙම නව උපතක් උනාම ඒ ගෙදර සහ ගෙදර වාසය කරන අනිත් අයත් ඔක්කොම මේ කිල්ලට අහුවෙනවා . ඉතින් මේ වගේ ගෙවල් වලට යන්තර දාපු අය  , දේවාල වලට යන අය යාමෙන් වලකිනවා කිල්ලට අහුවෙන නිසා . සාමාන්‍යයෙන් පිළිගැනීම අනුව මාස තුනක් මේ කිල්ල පවතිනවා . මේ කාලය තුල කිරිඅම්මා දාන පැවැත්වීමක් වත් දේවාල වලට යෑම වගේ දේවල්වත් කෙරෙන්නේ නෑ .

කිල්ල නැති කරන්න බැරි උනත් කිලි ගතිය අඩු කරන්න අතීතයේ අය යම් පිළිවෙතක් භාවිතා කරා . ඒ තමයි කොළ වර්ග තම්බපු වතුරෙන් මව නාවාලා පිරිසිදු කරන එක . මෙහෙම නාන්න පාවට්ටා තෙල් එරඬු නික දෙහි කියන කොළ වර්ග භාවිතා කරනවා . මාස තුනක් ගියාට පස්සේ මේ වැදූ ගෙයි කිල්ල නැතිවෙලා යනවා . ඉතින් ඊට පස්සේ පුළුවන් දේවාල වලට යන්න .





ගැහැණු ළමයෙක් පළමු වතාවට මල්වර වීම , එහෙමත් නැත්නම් කොටහළු වීම කියන අවස්ථාවත් කිල්ලක් විදියට සලකනවා . කොටහළු මංගල්‍යයේදී ගැහැණු ළමයා නාවනවා නැකතකට . ඒ නෑමෙන් කිල්ල තරමක් දුරට අඩු කරගැනීමත් බලාපොරොත්තු වෙනවා . එත් සම්පූර්නෙන්ම නැති වෙන්නේ නෑ . මේ කිල්ලත් මාස තුනක් යනකං තියෙනවා .

මල්වර වීමට පස්සේ මාසයක් පාසා ඇතිවෙන ඔසප් වීම නිසාත් කිල්ලක් ඇතිවෙනවා කියලා පිලිගන්නවා . මේ කිල්ල නම් පවතින්නේ දවස් තුනක් විතරයි . ඒ නිසා ආර්තව වීම අවසානයේ දවස් තුනකින් නාලා පිරිසිදු උනාම මේ කිල්ල නැතිවෙනවා .

මරණයක් නිසා ඇතිවෙන කිල්ලත් බරපතල විදියට බලපාන කිල්ලක් . මේ කිල්ලත් මාස තුනක් පවතිනවා කියලා කියනවා . මාස තුනකට පස්සේ මරණය වෙච්ච ගෙදර පිරිත් කියලා බලාපොරොත්තු වෙන්නේ මේ කිල්ලත් නැතිවෙලා ගිහින් ගෙදර ඉන්න අමනුස්සයින් සියලු දෙනාම නිවසින් ඉවත් කරලා දැමීම . මළගෙදරක හරි කොටහළු ගෙදරක හරි ගිහින් එනවානම් තමන්ගේ නිවසට ඇතුල් වෙන්න කලින් දෙහි පළුවක් ඔලුවේ අතුල්ලලා කහ මිශ්‍ර වතුරෙන් නාලා පිරිසිදු වෙන්න කියලා සිරිතක් ඉස්සර පැවතුනා . දැන් නම් මේවා වෙන්නේ නෑ . මොකද ඒවා කරදර වැඩ නිසා .





කිලි කියලා පිළිගත්ත තවත් ආහාර වර්ග කීපයක් තියෙනවා . ඒ තමයි ඌරු මස් , හරක් මස් , අලුපුහුල් , මියන කොළ වගේ කෑම . මේවා කෑමත් කිල්ලට හසුවීමක් කියලා කියනවා . කොහොම උනත් මේ කිල්ලට අහුවෙලා යන්තර මන්තර ගුරුකම් කරාට වැඩක් වෙන්නේ නෑ කියලා අතීතයේ ඉඳලාම පිලිගන්නවා . ඒ වගේම දේවාල වලට ගියොත් දෙවියන් උදහස් වෙනවා කියලා කියනවා . ඒ නිසා කිල්ලෙන් වැළකිලා මේ දේවල් කරනවානම් ඇඟට ගුණයි .

වැරදිලාවත් සුළුවෙන් හරි තියෙනවනම් ඒ කිලි ඉවත් කරන්න යන්තර මන්තර සම්භන්ධව වැඩ කරන අය ළඟ මන්තර තියෙනවා . මේ මන්තර වලින් කරන්නේ ශබ්ධය මගින් ඇතිවෙන කම්පන උදවු කරගෙන කිලි වල තියෙන අපිරිසිදු තත්ත්වය විනාශ කරලා දාන එක . සමහර අය මේ කිල්ල ඉවත් කරන්න වතුර මතුරලා ඉහිනවා . සමහර අය දෙහි මතුරනවා . දෙහි මතුරන අය නම් දෙහි මතුරලා ඒ දෙහි ගෙඩිය හපලා කනවා . එහෙම කන්නේ තමන් ඇදුරෙක් නම් තමන් දැන් යන්නේ මොකක් හරි ගුරුකමක් කරන්න නම් තමාට කිලි වැදිලා තියෙනවනම් ඒවා ඉවත් වෙන්න .

කිලි ගැන කියනකොට තවත් දෙයක් කියන්න ඕන . කිලි තියෙනවද නැත්ද කියලා හොයාගන්න හොඳ ක්‍රමයක් තියෙනවා . හැබැයි කරන්න තමයි අමාරු . මේකට ගජ මධාරා ගහක් හොයාගන්න ඕන . මේ ගජ මධාරා ගස්වල හැදෙනවා පොඩි ගෙඩියක් . මේ ගෙඩි වෙරළු ගෙඩියකට වඩා පොඩ්ඩක් පොඩියි , මෙරූන් පාටට හුරු පාටක් වගේම කහට රහක් තමයි තියෙන්නේ . කිලි තියෙන තැනකට මේ ගෙඩියක් අරගෙන ගියොත් කිලි වැදිලා මේ ගජ මධාරා ගෙඩිය පුපුරලා යනවා . අන්න ඒ විදියට පුළුවන් කිලි තියෙනවද නැත්ද කියලා හොයා ගන්න . ඒත් ඉතින් දැන් ගජ මධාරා ගස් හොයන්න ලේසි නෑ . වාසනාවට වගේ ලංකාවේ මම දන්න හඳුනාගත්ත එක ගජ මධාරා ගහක් තිනවා . හැබැයි තියෙන්නේ කොහෙද කියන එක රහසක්  :)





දෙවිවරු මේ කිලි වලට අකමැතියි වගේම යක්කු පෙරේතයෝ මේ කිලි වලට කැමතියි . එයාලා මේ කිලි වලින් එන ගන්ධය ආග්‍රාණය කරලා බඩගින්න නිවා ගන්නවා වගේ දෙයක් කරගන්නවා . ඒ නිසා තමයි කිලි වැදිලා ඉන්න වෙලාවට ඉරමුදුන් ගොම්මන් මැදියම් කියන සමයන් වලදී හතරමං හන්දි තුම්මන් හන්දි වලින් තනියම යන්න එපා කියලා කියන්නේ . යක්කු මෙහෙම කිලි වලට කැමතියි කියලා කියන්නත හේතු තියෙනවා . සමහර මන්තර වල තමයි කියලා තියෙන්නේ යක්කු මෙහෙම කිලි වලට කැමතියි කියල .

ඉස්සර යක්ෂයින් ඉන්න කාලේ දැන් කාලේ වගේ ෆෙම්ස් , ආර්යා වගේ බ්‍රෑන්ඩ් තිබ්බේ නෑ . ඒ නිසා ඒ කාලේ අය පාවිච්චි කරලා තියෙන්නේ රෙදි කඩක් මේ වෙනුවෙන් . ඒ රෙදි කඩට කියන්නේ " කිලිකඩ " කියලා . යක්කුන්ට සමහර වෙලාවල් වලදී බිලි පූජා පුළුටු පූජා පවත්වනකොට මේ කිලිකඩ කියලා කියන ආර්තව රුධිරය තැවරුණු රෙදි කෑලිත් තියලා තියෙනවා ඒ පූජාවේ . එහෙම තිබ්බම යක්කු පෙරේතයෝ ගෙන්නගන්නත් උන්ගෙන් වැඩ කරවා ගන්නත් පහසුයි කියලා තමයි කියන්නේ . මේවා තියෙන්නේ මන්තර සාහිත්‍යයේ . ඒ නිසා ඇත්ත නැත්ත හොයන්න යන එක වැඩක් වෙයි කියලා මමනම් හිතන්නේ නෑ .





පිරිමින්ගෙන ඇතිවෙන කිල්ලක් ගැන මම කිව්වා මුලින් මතක ඇති . මේ ගැන විශේෂයෙන්ම කියන්න ඕන . පිරිමින් ස්වයං වින්දනයේ යෙදීමෙනුත් යම් කිල්ලක් ඇතිවෙනවා කියලා කියනවා . මේක ඉතාම සුළු අපිරිසිදුවක් කියලා තමයි කියන්නේ . ඒත් මේක සමහර ගුරුකම් වගේ දේවල් වලදී සුළුවෙන් තකන්නේ නෑ . ගුරුකම් ශිල්පයේ තියෙනවා ලංකේශ්වර උතුම් මහ රාවණා රජතුමාගේ කාලේ ඉඳලා පැවත එන ඉතාම බලගතු ගුරුකම් වර්ගයක් , " ගුරුළු ගුරුකම් " කියලා .

මේවා කරොත් සුවර් සොට් ඒවාට අදාළ හොඳ හෝ නරක බඩු හම්බෙනවා . ඒ වගේම තව තියෙනවා රිද්දි ගුරුකම් කියලා ගුරුකම් වර්ගයක් . ඒ ගුරුකමුත් ඉතාම බලවත් ඒවා . මේ දෙකේදීම පිරිමින්ගේ කිල්ල ගැන කතා කරනවා . මේ ගුරුකම් කරන්න කලිනුත් පිරිමින් කිසිම ආකාරයක ලිංගික ක්‍රියාවක් කරන්නේ නැතුව යම් කාලයක් පේ වෙන්න ඕන . ඒවගේම ගුරුකම් කරාට පස්සෙත් යම් කිසි නියම කරලා තියෙන කාලයක් ලිංගික ක්‍රියාවල යෙදෙන්නේ නැතුව ඉන්න ඕන . ගුරුළු ගුරුකම් වලදී මේ පේ වීම හරියට උනේ නැත්නම් ඇදුරා මිය යන්නත් ඉඩ තියෙනවා කියලා ඒ ගුරුකම් වලදී වැඩිදුර විස්තර කෙරෙනවා .





මේ ගැන මම වැඩිපුර කිව්වේ කිල්ල කියන සංකල්පය අදාළ වෙන්නේ මොනවාටද කියලා ඔයාලා දැනුවත් කරන්න ඕන නිසා . සමහර අය කියනවා දළදා මාලිගාවට යන්න හොඳ නෑ ශ්‍රී මහා බෝධියට යන්න හොඳ නෑ කියලා . මෙහෙමයි . මේ දේවල් නම් කිසිම පදනමක් නැති කතා . බෞද්ධ දේවල් එක්ක මේ කිලි සංකල්පය කොහෙත්ම අදාලා වෙන්නේ නෑ . හැබැයි එක කාරණයක් නිසා වෙන්නැති මිනිස්සු මෙහෙම කියන්නේ . ඒ තමයි දැන් දළදාව රකින්නත් ශ්‍රී මහා බෝධිය රකින්නත් දෙවිවරු ඉන්නවා . මේ දෙවිවරුන් අපහසුතාවයට පත්වෙන නිසා වෙන්නැති ඒ ස්ථාන වලට යන අයට කිල්ලෙන් මිදිලා යන්න කියන්නේ සහ ගෑණු අයට යන්න එපා කියන්නේ .

ඒත් මගේ මතයනම් මේකයි . පන්සල දෙවියන් එන තැනක් උනාට පන්සල කියන්නේ දෙවියන්ගේ තැන නෙවෙයි . දෙවියන්ගේ තැන දේවාලය . ඒ නිසා ඔයාලා මේ දේවල් ගැන සැලකිලිමත් වෙනවානම් වෙන්න ඕන දේවාල වලට යනකොට . මම හොයපු බලපු දේවල් සහ අහපු කියවපු දේවල් එක්ක මමනම් හිතන්නේ එහෙමයි . ඒකෙ වැරද්දක් ඇති කියලා මමනම් හිතන්නේ නෑ . මොකද කතරගම දෙවියන් ජීවමානව වැඩඉන්න කැබලිත්ත මහ සියඹලාව වඳින්න යන සමහර උදවියට අත්දකින්න වෙච්ච සමහර අත්දැකීම් එක්ක මේ කිලි කතාව දෙවියන්ට අදාලා වෙනවා කියලා අවිවාදයෙන්ම කියන්න පුළුවන් .






පලි :-

අද ශිෂ්‍යත්ව විභාගය . ඉතින් ඊයේ දවසේ අපේ සමන්දේවාලෙට ශිෂ්‍යත්වේ ලියන නංගිලා මල්ලිලා ගොඩක් ආවා . ඒත් ඊයේ දේවාලයේ පූජාවන් තිබ්බේ නෑ . ඒකට හේතුව දේවාලය අසල මලගෙදරක් වෙලා නිසා . මමත් ඊයේ ගියා දේවාලේ . ශිෂ්‍යත්වේ ලියන්න නම් නෙවෙයි ආයෙත් . දේවාලේ වැඳලා එන්න ඕන නිසා . දේවාලේ හඳුන් කුඩමට නගින තැන දොරපලු දෙකම වහලා තිබුන නිසා මම ඇහුවා කපු මහත්තයාගෙන් අද පූජාව නැත්ද කියලා . එතකොට තමයි කපු මහත්තයා කිව්වේ මල ගෙදරක් නිසා දේවාලේ අද වහලා කියලා . ඉතින් දේවාලේ වැඳලා එනගමන් මම හිතුවා මිනිස්සු එක එක විදියට හිතාගෙන ඉන්න කිලි සංකල්පය ගැන වැඩිපුර යමක් ලියන්න ඕන කියලා .

ඔබ සැමට සමන් දෙවිඳුගේ පිහිට ලැබේවා !

Friday, August 15, 2014

සෙනෙහස ඔබගේ කෙලෙස විඳින්නද ?






මේක වයලීනොට සිරාවටම අත්දකින්න වෙච්ච පට්ටම පට්ට ස්ටෝරි එකක් . හැබැයි හැමෝටම මෙහෙම සිද්දි වෙලා ඇති . මම මේ ලියන දේ ලියන්නේ අදාළ කෙනාගේ හැගීම් පහත් කරලා සලකන්න නෙවෙයි . ඒ නිසා එහෙම දෙයක් නොදැනුවත්ව හරි වෙනවනම් මම ඒක ගැන බලවත් කණගාටුව පරකාස කරනවා .

ඉස්කෝලේ කාලේ කියන්නේ මචන්ස්ලා එව්වා මෙව්වා ඔක්කොම සපිරි මෙව්වා එකක් කියලා කියන්න පුළුවන් හොඳම කාලයක් . වයලීනෝ ගියේ මිශ්‍ර පාසලකට නෙව . ඒ නිසා අයියලා අක්කලා නංගිලා මල්ලිලා සම වයසේ සහෝදර සහෝදරියෝ ගොඩක් ආශ්‍රය කරන්න දැනගන්න ලැබුණා . අද උදේ මට fb එකේ හම්බුනා අපේ ඉස්කෝලේ හිටපු සිංදුවගේ වයසේ අක්කා කෙනෙක් . මම එයාට සං....... ගාල රික්වෙස්ට් එකක් දැම්මා , ඒ අක්කා සිං........ ගාලා අක්සෙප්ට් කළා . එවෙලේ මම කල්පනා කරා යකෝ මෙච්චර යාළුවො ඉන්න මට වැඩිපුර ඉන්නේ මොක්කුද කියලා . හුටා ! බලනකොට වැඩිපුරම ඉන්නේ අයියලා අක්කලා .

අවුලක් නෑ . හැමෝම එක වගේ ෆිට් එකේ ඉන්නවා මරාගෙන ඇනකොටාගෙන . මට වැඩිපුරම ඔය අයියලා අක්කලා ෆිට් වෙන්න හේතුව උනේ මියුසික් . වයලීන් එක නිසා ඉස්කෝලෙම අය මාව දන්නවා ඒ කාලේ . ඒත් වැඩිපුරම මියුසික් වලින් හෙල්ප් කරන්න ලැබුණේ මට වඩා වයසින් වැඩි අයට . ඒ කියන්නේ මම 10 වසරේ ඉන්නකොට 12 13 පංතිවල අය ඒ අයගේ සයන්ස් ඩේ ආර්ට් ඩේ එව්වා මෙව්වා කරනකොට මටත් ඒවට යන්න උනා වයලීන් ප්ලේ කරන්න .





අකමැත්තෙන් ඒ කාලේ ගියේ මොකද හවස නැවතිලා ප්‍රැක්ටිස් කරන්න මම කම්මැලි නිසා . ඒත් ඒ දෙයින් මට ලැබුන දේවල් ගොඩයි . මේ අක්කලා අයියලා යාළුවො සෙට් එක තමා ලැබුණ වටිනම දේවල් වලින් එකක් වෙන්නේ . මට වඩා වැඩිමල් සෙට් එකත් එක්ක උඹ යකෝ ගාගෙන එකට කාලා බීලා ( වතුර ) ඉන්න අපේ පංතිවල ගොඩක් අයට ලැබුණේ නෑ . ඒ අතින් මියුසික් නිසා මට ඒ අත්දැකීම් ලැබුණා . මේ ලියන්නේ එහෙම වෙච්ච හොඳ දේවල් අතරේ වෙච්ච පදිරි වැඩක් ගැන .

පාසල් ප්‍රේමය හරිම සුන්දරයි , විෂයාතික්‍රාන්තයි , මෙව්වා සහගතයි මෙයාලා . ඒ කාලේ තිබ්බ බොළඳ වැඩ ගැන දැන් මතක් කරනකොට ඊට වඩා මෙව්වා එකක් හිතට දැනෙනවා . මේ අතරේ ද්වී පාර්ශවික ප්‍රේමයන් වගේම ඒක පාර්ශවික ප්‍රේමයන් පවා ඇති උනා . ඒකාලේ වයලීනි සෙට් වෙන්න කලින් ඒක පාර්ශවික මෙව්වා එකක් වයලීනොටත් තිබ්බද කොහෙද . මේ ලඟදි උන්දා හම්බුනා ටවුන් එකේදී . හනේ බඩ කට පිරුනා දැක්කම ඉතින් . ඒ කාලෙම ඒක දිය පිට ඇඳි හිලක් වගේ යටපත් වෙලා ගියා වයලීනි ලං උනාට පස්සේ .

වයලීනි සෙට් වෙන්න ඔන්න මෙන්න තියෙන කාලේ වෙච්ච වෙන වැඩක් මේක . හැබැයි මේකේ ප්‍රේම කරේ වයලීනෝ නෙවෙයි . මේක වයලීනොට ලැබිච්ච ඒක පර්ශවිකද මොකද්ද මන්දා එකක් . ඒ කාලෙනම් මට මතක් වෙනකොටත් මල . දැන් නම් හරිම ස්වීට් මෙමරි එකක් ඒක .





අපේ ඉස්කෝලෙට ආවා උසස්පෙළ කරන්න වෙන හද්ද ඩොටේ ඉස්කෝලෙක ළමයි ටිකක් . මේ අතරේ ගෑණු ළමයි ටිකකුත් හිටියා . වයලීනෝ එතකොට 11 වසරේ . ඉතින් දිග කලිසම් ඇඳලා ඉන්නකොට වයලීනෝ අයියා කෙනෙක්ද මල්ලි කෙනෙක්ද කියලා හොයන්නත් බෑ . ඒවගේම ඒ කාලේ මියුසික් රූම් එකෙත් අයියා තමා වයලීනෝ . ඒ නිසා මේ අලුතෙන් ආපු අක්කලට අයියලට වයලීනෝ සහ තවත් කීප දෙනෙක් විසින් රැග් කළා පින්වතුනී . සාදු කියන්න පින්වතුනී ....

රග කියලා දුන්නේ ඉතින් හැමෝටම පේලියට ඇවිත් සිංදු කියන්න කිව්ව එක තමයි . වෙන මොකවත් නෙවෙයි . ටික දවසක් යනකොට හැමෝම හොඳට ෆිට් උනා . මම මල්ලි කෙනෙක් කියලත් හැමෝම දැනගත්තා . ඒත් ඉතින් අවුලක් නෑ . හොඳ කස්ටියක් හිටියේ . මේ අතරේ හිටියා එක අක්කා කෙනෙක් . එයා මාත් එක්ක ටිකක් වැඩිපුර ෆිට් වගේ ගතියක් මට තේරුණා .

මේ අක්කගේ යාලු වෙනත් අක්කා කෙනෙක් වයලීනිගේ ඉස්කෝලේ හිටියා . ඔය වෙනත් අක්කා තමයි අන්තිමට වයලීනොට ලවු කරේ . ඉතින් ඔන්න කතාව අහන්නකො . අපේ ඉස්කෝලේ මාත් එක්ක දැන් හොඳට ෆිට් වෙච්ච අක්කා මියුසික් වැඩ වලට ගියාම මාත් එක්ක හොඳට කතා කරනවා මුරුක්කු චොක්ලට් ටොපි ගේනවා , අනං මනං ලයින් ගොඩක් තිබුණා . පස්සේ දවසක් මේ අක්කා මට කිව්වා අර මට ලවු කරන අක්කා ගැන . ඉස්සෙල්ලම කිව්වේ





" මල්ලි දන්නේ නෑනේ මගේ යාලුවෙක් ඉන්නවා මල්ලිට වශී වෙලා " කියලා .

ඔය කාලේ මම වශී වෙලා හිටියේ වයලීනිට නිසා මට ඕවා ගානක් තිබ්බේ නෑ . ඒ කනෙන් අහල මේ කනෙන් කතාව පිට කරලා දැම්මා . පස්සේ ටික කාලයක් යනකොට අර මට ලවු කරපු අක්කා එයාලගේ ස්කූල් බස් එකේ යනගමන් ටටා කියාගෙන යනවා මට . අපේ ඉස්කෝලේ ඉන්න අක්කා අතේ හැමදාම මට ගුඩ් මොනින්ග් එකකුත් එවනවා . ඒත් මට විශේෂයක් දැනුනේ නෑ , මොකද අක්කලා අයියලා මාත් එක්ක ගොඩක් ෆිට් නිසා මේවා සාමාන්‍ය දේවල් ඉස්කෝලෙත් . පස්සේ මට සාමාන්‍යපෙළ කිට්ටුවෙනකොට තමයි වැඩේ පත්තු උනේ .

මට එතකොට එකොළහ වසරේ මධ්‍ය වාර පරීක්ෂණය . මම එක්සෑම් ඉවරවෙලා යන්න යනකොට අපේ ඉස්කෝලේ ඉන්න අර මාත් එක්ක ෆිට් අක්කා මම ගාවට දුවගෙන ආවා . ඈවිත් මට පොතක් දුන්නා .

" මල්ලි ඔය පොත අස්සේ ලියුමක් තියෙනවා අර ____අක්‌කා ඔයාට දෙන්න කියලා දීපු . ඒක කියවලා උත්තරයක් දෙන්න කිව්වා " කියලා කිව්වා .

හම්මට උඩු මම ඩිම් උනා . වයලීනිවත් සෙට් වෙලා තිබ්බේ නැති කාලේ මෙහෙම දෙයක් උනාම එකපාරටම වයර් වෙලා ගියා මට . මම ඒත් පොත ගත්තා . අරගෙන එවේලේම ලියුම අරන් සාක්කුවට දාගෙන පොත දුන්නා .

" හරි අක්කේ මම කියවලා බලන්නම් " කියලා මම ශේප් උනා .

දැන් මාර අවුල . සිංදුවගේ මල්ලිත් පාඩම් කරන නිසා එහෙ යන්නත් බෑ වගේ . ගෙදර ගිහින් මේක කියෝනකොට අම්මට මාට්ටු උනොත් එතන තව ප්‍රශ්නයක් . කමක් නෑ කියලා මම අපේ ගෙදරම අරගෙන ගියා . ගිහින් ශේප් එකේ මේ ලියුම කියෝලා බැලුවා .

ඒ අක්කට බෝයි එකෙකුත් ඉන්නවලු . ඌව එපාවෙලාලු . ඒත් මාව දැක්කම ආදරේ හිතෙනවලු . ඉතින් මම එයාට ආදරේද කියලා අහනවා . අවුරුද්දනේ වැඩිමල් ඒක ප්‍රශ්නයක් නෑනේ කියලත් කියනවා . එයා ආදරේ කරාට ඉතින් මම පලිද පිංවතුනි ?

මට ඕකට කියන්න හොඳ ඒවා මතක් උනා ඒවෙලාවේ . ඒත් පස්සේ කේන්තිය නිවිලා ගියා . මම ලියුමට කොච්චර බය උනාද කියනවනම් ඒක ලිපට දාලා අලුවෙලා යනකම්ම බලාගෙන හිටියා . හඃ හඃ හඃ . දැන් නම් මතක් වෙනකොට හරි හිනා . ඉතින් මමත් උත්තරයක් දෙන්න එපාය .

මම කරේ මෙහෙම දෙයක් . එයාගේ හිත රිද්දන්නත් බෑ . පවුනේ . එයාගේ ෆෝන් නම්බර් එක ලියුමේ ලියලා තිබ්බා . මම ඒකට මෙහෙම මැසේජ් එකක් දැම්මා .

" අක්කා මට ආදරේනම් අක්කලාගේ ඉස්කෝලේ ඉන්නවා මේ පන්තියේ මේ නම තියෙන ගෑණු ළමයෙක් . මට එයා ගැන විස්තර හොයලා දෙන්න . මම ආදරේ එයාට " කියලා .

සමහරවිට ඒ අක්කා ඩිසපොයින්ට් වෙන්නත් ඇති . ඒත් මොනවා කරන්නද . මෙව්වා හරිම ප්‍රශ්න වෙන වැඩනේ . ඉතින් ටික දවසක් ගියාම ඒ අක්කා මට පණිවිඩයක් එවලා තිබුණා මම තරහා නෑ මල්ලි . ඒ නංගි ගැන විස්තර හොයලා දෙන්නම් කියලා . පස්සේ මේ අක්කා වයලීනි ගැන හැම දේම හොයලා මට කියලා එව්වා .





වයලීනි දන්නේ නෑ ඒ කාලේ මට මෙහෙම ඔත්තු සපයන අක්කෙක් හිටියා කියලා . වයලීනියි මමයි කොහොමහරි යාලු උනා . ඊට පස්සෙත් ඒ අක්කා මට වයලීනි ගැන විස්තර එව්වා . දැන් ඉතින් වැඩේ ගොඩ ගියාට පස්සේ එක එක්කෙනාගෙන් වයලීනි ගැන හොයලා වයලීනි හෑල්ලු කරන්න හොඳ නැති නිසා මම ඒ අක්කට ජොබ් එක නවත්තන්න කිව්වා . එදා තමයි අර කලින් දවසේ එයා එව්ව ලියුම ගැන මම එයාට වැඩිපුර දෙයක් කිව්වේ .

" අක්කා වගේ තවත් අක්කලා ගොඩක් ඉන්නවා මට . ඔයත් ඒ එක්කෙනෙක් විතරයි . අක්කා සහෝදරකම වැරදියට හිතුවට මට කරන්න දෙයක් නෑ " කියලා කිව්වා .

ඒ අක්කා ඊට පස්සේ දැක්කෙවත් sms කරෙවත් මුකුත් නෑ . දැනට අවුරුද්දකට විතර කලින් සමන් දේවාලේ ඇවිත් ඉන්නවා දැක්කා . හනෙහ් මම කතා කරන්න ගියේ නෑ . ඒත් ඒ අක්කා දැකලා ඇවිත් කතා කරා . මමත් ඉතින් එව්වා මෙව්වා ටිකක් කියලා ශේප් උනා . හිහිහිහිහිහිහි..................................

අද කියන්න යන ගීතයත් ඔයවගේ ඒකපාර්ශවික මෙව්වා එකක් ගැන ලියවෙච්ච එකක්






අතැඟිලි බැඳුනේ ඇයි මේ විලසින්
ඔබ හමුවෙන්න කලින්
සෙනෙහස ඔබගේ කෙලෙස විඳින්නද
අන්සතු ළඳකි මෙමං..............

ඔබ ළඟ ඉන්නට ඔබ ලැබ ගන්නට
මා හට නොමැත වරම්
මිහිපිට මා හට නැහැ වෙන සතුටක්
ඔබෙ රුව දකින තරම්
සෙනෙහස ඔබගේ කෙලෙස විඳින්නද
අන්සතු ළඳකි මෙමං.................

සිති සිත ඔබ ගැන දින දින ලතවෙමි
වෙන මා කරමි කුමක්
හමුවුණෙ ඇයි අපි ඇසුරු කරන්නට
එය මා සිතට දුකක්
‍සෙනෙහස ඔබගේ කෙලෙස විඳින්නද
අන්සතු ළඳකි මෙමං......................

සිතු පැතු සැම දේ නැහැ ඉටුවෙන්නේ
ලොව අපි පතන ලෙසින්
මතු එක්වන තුරු යළි වෙන්වෙමු අපි
ඔබ හට ආයුබොවන්.
සෙනෙහස ඔබගේ කෙලෙස විඳින්නද ...................
අන්සතු ළඳකි මෙමං

ඔන්න ගෑණු ළමයෙක් ඉන්නවා ටිකක් සල්ලි අතින් ඉහල පවුලක . මේ ළමයා කැමති සාමාන්‍ය සරල ජීවිතයක් ගත කරන්න . ඒවගේම ආදරේ කරන්න ආදරේ විඳින්න . ඉතින් ඒ වෙනුවෙන් එයා තෝරාගන්න කැමතිවෙන්නේ අහිංසක ලස්සන කොල්ලෙක් . ඒත් එයාට ගෙදර තියෙන පවුල් පසුබිම අනුව කසාද බඳින්න වෙන්නේ සල්ලි තියෙන පවුලක සල්ලිම ජීවිතය කරගත්ත තමාට වඩා ගොඩක් වයසින් වැඩි නාකි මනුස්සයෙක් . කාමාග්නියෙන් ගිනිගෙන දැවෙන සල්ලිකාර මනමාලයා මේ කෙල්ලව ඉඳුල් කරන්නේ ආදරේ බලාපොරොත්තුවෙන්වත් ආදරේ කරන්නවත් නෙවෙයි . තමන්ගේ ආසාවල් සපුරා ගන්න විතරයි .

කෙල්ල මෙතනදී අසරණයි . මේ දේවල් වලට විරුද්ධ වෙන්න කෙල්ලට හයියක් නෑ . ඒ නිසා කෙල්ල ඔක්කොම ඉවසාගෙන ඉන්නවා . දවසක් කෙල්ල යනවා ගෙදර ඩ්‍රයිවර් එක්ක ටවුන් එකේ තියෙන සැලෝන් එකට ගිහින් එන්න . මේ යන අතරේදි අවස්ථාවක කෙල්ලගේ ඇස් යාවෙන්නේ තමන්ගේ හිතේ හිටපු සිහින කුමරාගේ රූපයට සමාන රූපයක් තියෙන කොල්ලෙක්ව . කොල්ලත් මේ කෙල්ල බැඳලා ඉන්න කෙල්ලෙක් කියලාවත් දන්නේ නැති නිසා වෙන්නැති කෙල්ල දිහාම බලාගෙන ඉන්නවා . දෙන්නගේ ඇස් යාවෙලා ඒ ඇස් අතරින් හදවත් දෙකත් යා වෙනවා .

කොල්ලා මේ වෙලාවේ ඉක්මන් වෙනවා . කොල්ලා ඉක්මනටම කෙල්ලට තමන්ගේ ෆෝන් නම්බර් එක දෙනවා කතා කරන්න කියලා . කෙල්ලත් ගෙදර ඇවිත් වෙලාව බලලා කොල්ලට කතා කරනවා . ටික ටික මේ දෙන්නා එකිනෙකා ආදරේ කරන්න ගත්තම කෙල්ල කොල්ලට කිව්වා තමා බැඳලා ඉන්න කෙල්ලෙක් කියලා . ඒත් එතකොට කොල්ලට කෙල්ලව අමතක කරන්න අමාරුයි . ඉතින් කොල්ලා කියනවා කමක් නෑ අපි පැනලා යමු කියලා . ඒත් තමාගේ ස්වාමියාට සල්ලි බලය වගේම මැර බලය තියෙන නිසා කෙල්ල බය උනා කොල්ලට කරදරයක් වෙයි කියලා . ඉතින් දෙන්නා හිතින් බැඳුනට ගතින් බැඳෙන්නේ නෑ . කෙල්ල කියනවා කොල්ලට අපි ආයෙත් හම්බෙන්නේ නැතුව ඉමු මේවා ගෙදරට මාට්ටු උනොත් ඔයාට කරදරයක් කරයි කියලා .

දවසක් කෙල්ල යනවා ස්වාමියා එක්ක පාටියකට . ඒ පාටියට අහම්බෙන්ම අර කොල්ලත් ඇවිත් ඉන්නවා . දෙන්නා දැක්කම හිතේ තරමක සතුටක් ඇති උනත් ඒක තාවකාලිකයි කියලා කෙල්ල දන්නවා . කොල්ලත් ඉතින් දන්නවා මේක තාවකාලිකයි කියලා . ඒ අවස්ථාවේ හදවතේ ඇතිවෙන සිතුවිලි දාමයක් තමයි මේ ගීතයේ පුරාවටම විහිදී යන්නේ . තේරුම් ගන්න ලොකු අමාරුවක් ඇති කියලා මමනම් හිතන්නේ නෑ මේ ගීතයේ වචන . මොකද මේකේ කෙලින්ම කියන්න ඕන දේවල් කියලා තියෙනවා වටින් ගොඩින් කියන්නේ නැතිව . ඒත් පොඩියට විස්තරයක් දෙන්නම් ගීතය ගැන .

ගීතය ගායනා කරන්නේ ඉන්ද්‍රානි පෙරේරා මහත්මිය .

( පද රචනය සහ සංගීතය කවුද කියලා හොයා ගන්න ලැබුණේ නෑ . දන්න කෙනෙක් කමෙන්ට් කරන්න මෙයාලා )

අතැඟිලි බැඳුනේ ඇයි මේ විලසින්
ඔබ හමුවෙන්න කලින්
සෙනෙහස ඔබගේ කෙලෙස විඳින්නද
අන්සතු ළඳකි මෙමං..............

ඔබ හමු වීමට පෙර මා හට විවාහ වන්නට සිදු වූයේ මාගේ දෛවයේ සරදම් විඳීමට විය යුතුය . එහෙයින් ඔබගේ සෙනෙහස මා කෙලෙසද විඳගන්නේ පෙම්වත ? . මා අන්සතු ලඳකි .

ඔබ ළඟ ඉන්නට ඔබ ලැබ ගන්නට
මා හට නොමැත වරම්
මිහිපිට මා හට නැහැ වෙන සතුටක්
ඔබෙ රුව දකින තරම්
සෙනෙහස ඔබගේ කෙලෙස විඳින්නද
අන්සතු ළඳකි මෙමං

ඔබව මගේම කරගෙන ඔබගේ තුරුලේ දැවටෙමින් ඔබගේ ආදරයේ උණුසුම විඳින්නට මට වරම් ලැබී නැත . එහෙයින් මා හට ඇත්තේ ඔබ දකීමෙන් මසිතට ලැබෙන සතුට පමණි . එහෙත් සදහටම ඔබ මගේ කරගැනීමට හැකියාවක් නැත . මා අන්සතු ලඳකි .

සිත සිත ඔබ ගැන දින දින ලතවෙමි
වෙන මා කරමි කුමක්
හමුවුණෙ ඇයි අපි ඇසුරු කරන්නට
එය මා සිතට දුකක්
‍සෙනෙහස ඔබගේ කෙලෙස විඳින්නද
අන්සතු ළඳකි මෙමං

ඔබ මට හමු වූ දිනයේ සිට ඔබ ගැන සිතමි . ඔබ මගේම කරගැනීමට නොහැකි වීම ගැන ලතවෙමි . ඔබ මට සුළු මොහොතකට හරි සතුටක් ගෙනාවත් ඔබ මගේම කරගැනීමට නොහකි වීම නිසා මගේ සිතේ ඇති වන්නේ දුකකි . ඒ කෙසේ වෙතත් සදහටම ඔබ මගේ කරගැනීමට හැකියාවක් නැත . මා අන්සතු ලඳකි .

සිතු පැතු සැම දේ නැහැ ඉටුවෙන්නේ
ලොව අපි පතන ලෙසින්
මතු එක්වන තුරු යළි වෙන්වෙමු අපි
ඔබ හට ආයුබොවන්.
සෙනෙහස ඔබගේ කෙලෙස විඳින්නද
අන්සතු ළඳකි මෙමං

මේ ලෝකය කුරිරුය . එහෙයින් අප සිතන පතන සියල්ලම අපට උවමනා ආකාරයෙන්ම සිදුව වන්නේ නැත . ආයෙත් හම්බෙන්නේ නෑ කියලා හිතාගෙන හිටියත් වෙනදා වගේම අපි ආයෙත් දවසක මේ වගේම හමු වේවි . ඒ දවස උදාවෙන තුරු ඔබට දීර්ඝායු වේවා මගේ පෙම්වත .

මේ ගීතයේ සංගීතය ගැන වැඩි දුරට නැතත් දෙයක් කියන්න ඕන . මම මේ ගීතයේ තේරුම ලියන්න කලින් කිව්වනේ දෙන්නා මේ හමුවෙලා තියෙන්නේ පාටියකදී කියලා . ඉතින් මේ පාටියක් කියන අදහස මගේ හිතේ ඇති උනේ මේ ගීතයට යොදලා තියෙන සංගීතය නිසා . සංගීතය ගැන වැඩිපුර විස්තර කරනවට වඩා අද මම හිතුවා වෙනස් විදියේ දෙයක් කරන්න . අහන්න මෙන්න මේ ගීතය . මේ ගීතයේ තියෙන්නෙත් අතැඟිලි බැඳුනේ ගීතයේ සංගීත ශෛලියට බොහොම සමාන සංගීතයක් . ඒක අහලා කමෙන්ට් කරන්නකෝ බලන්න ඔයාලට මොනවගේ දෙයක්ද මේ ගීතයේ සංගීතය ගැන හිතෙන්නේ කියලා .







මේ කතාව ලියන්න හේතු භූත බහුබූත උනේ රෙහානි අක්කා ලියන ලා දම් අහස කියන බ්ලොග් එකේ තිබ්බ කතාවක් දැකලා වයලීනොට මතක් වෙච්ච අතීත සිද්දියක් . ඒවගේම අන්තිමට මම ලියලා තියෙන ගීතය ගැන යමක් ලින්න කියලා මගේ ගොඩක් ඉස්සර ඉඳලා ඉන්න යාලුවෙක් මට මතක් කළා . හරි මචං ලියන්නම් කියලා කිව්වට මොකද ලියන්න මෙලෝ අයිඩියා එකක් තිබ්බේ නෑ . අන්තිමට රෙහානි අක්කගේ පෝස්ට් එක දැක්කම මටත් මතක් උනා මේ ගීතය ඒ අත්දැකීමත් එක්ක කරකවලා ලියන්න පුළුවන් කියලා . කතාව ලිව්ව රෙහානි අක්කට ටැංකියි . මචං චානක උඹටත් ටැංකියු මචං සිංදුව මතක් කරාට  :) 

Wednesday, August 13, 2014

පෙරහැරක් විනිවිදව




ඔය පෙරහැරවල් එක එක කාලෙට, එක එක දිහා වල, එක එක ක්‍රම වලට, එක එක ඇත්තෝ සංවිධාන කරලා එක එක එක්කෝ ඇති... ඉතින් ඔය පෙරහැරවල් කරනවා කියන්නේ වැස්ස බලාපොරොත්තුවෙන්ලුනේ. ඇත්තද දන්නේ නෑ සිංදුවා අහලා තියෙන්නේ එහෙමයි. කොහොමවුනත් සිංදුවා දන්න එක දෙයක් තියෙයි සමන් දේවාලේ පෙරහැරනම් තියලා අවසානේ දිය කපන දවසෙ නම් කොච්චර පෑව්වත් වහිනවා සුවර් සොට්. ඒක දැන් අවුරුදු කීපයක් තිස්සේ සිංදුවා නෝට් කරගෙන ඉන්න එකක්. මේ ගිනි කාස්ටක අව්ව....ඒත් වැස්සක් යනවම තමයි එදාට.

ඔය දියකපන එක ගැන, එතකොට සමන් දේවලේ පෙරහැර ගැන, එතකොට සමන් දේවාලය ගැන, එතකොට ඔය තහනම් දේවල්, කියන්න එපා කියන දේවල්,  පොටෝ ගන්න එපා කියපුවයේ පොටෝ බලන්න, එතකොට තව සමන් දේවාලය හා බැඳුනු පුරාවෘත්ත, ජන කතා, රස කතා බලන්න කියවන්න දැනගන්න ඕනි නම්,
අපේ අයිතිහාසික චක්‍රවර්තී, හොරෙන් පොටෝ සූර තැන්පත්, මහා චාරයක් නැති වයලා ලියන හස්තිනාපුර බ්ලොග් එකට ගිහින් බලන්න.
අපේ එකේ ඔය සෙස්සි පොසිසන් ගැන ලිව්වට මූ ඔය සමන් දේවලේ ගැන පට්ට විදියට රිසර්ච් කරලා, අල්ලස් දීලා, රෑ වෙනකම් රස්තියාදුවෙලා, සින්දුවතිගෙන්, තව තව වතීලගෙන් විස්තර අහලා,
අනේ අර අහක ඉන්න, අහිංසක, කාටවත් කරදරයක් නැති, මලක් වගේ ඉන්න, සමනලයෙක් වගේ හැඩ සිංදුවා වත්  ඔව්වට අල්ලගෙන කට්ටක් කාලා ඕක ලියන්නේ (එහෙම කිව්වට සිංදුවා නම් එක දවසයි මූත් එක්ක කට්ට කෑවේ). ඒ නිසා වෙන කොහෙන්වත් මේ වගේ විස්තරයක් එන්නේ නෑ ඒකත් සුවර් සොට්.

කොහොමහරි දැන් මේ පෙරහැර ගැනනේ කියා කියා හිටියේ, ඉතින් ඔය පෙරහැරේ කස වලින් ගොරවන එක, එතකොට ගිණි බෝල වලින් අකුණු ගහන එක ඔහොම ඔහොම එක එක සීන් වලින් වැස්ස තමයි පෙන්වන්නේ කියලා සිංදුවාට කව්ද මන්ද කියලා තියෙයි. ඔය සමන් දේවාලේ ගහක් උඩට වෙලා පෙරහැර උඩ ඉඳන් බලනවා වගේ එකක් කියවන්න ඕනිනම් යන්න මේකට .

ඔය පෙරහැර බලන්න යන එකත් එසේ මෙසේ වැඩක් නෙවෙයි නොවැ. ඕකට "පේ"වෙලා එහෙම තමයි යන්න ඕනි. ඕකට පේ වෙන පේ විල්ල දන්න නිසා පෙරහැර දවස්වල දේවාලේ ඇතුලට යන්න කලින් පොලිසියේ මාමාලා අපේ උන්ට බැලුම් දෙනවා පුම්බලා යන්න කියලා. ඉතින් ඕනෑවට වඩා පේ වෙන උන් පස්සේ පාරෙන් ජිල්මාට් දාලා තමයි ඇතුලට යන්න වෙන්නේ.
ඒ දවස්වල පෙරහැර බලන්න යන්න වෙනම ඒකට ඇඳුම් ගත්ත උනුත් හිටියා. ඇයි ඉතින් මිනිස්සු එන්නේ ඌව බලන්නනේ, ඒ නිසා මිසක් ඌ පෙරහැර බලන්න එන ගෑලු ළමයි බලන්න එහෙම නෙවෙයි.
 අපි ඉතින් කට්ටියම පෙර තැනක සෙට් වෙලා, පේ වෙලා, හිරවෙන්න පුළුවන් බස් වල යන්න ආස එකෙක් දෙකෙක් හිටිය නිසා උන්ගේ කීමට බැරි මර ගාතේ බස් එකක එල්ලිලා... ( අපි එල්ලිලා ගියාට අරුන් ලස්සනට ඇතුලේ ඈ) යනවා ඉතින් දේවාලේ.
ගොඩක් අපේ උන් ඒ දවස්වල කැමති සෙනඟ වැඩි දවසට දේවාලේ යන්න තමයි.
එතකොට දේවාලේ පාරේ පුරාම මිනිස්සු පිරීලා....
අහ්හ් නෑ නෑ මිනිස්සු නෙවෙයි
එතකොට දේවාලේ පාරේ පුරාම ලාස්සන කෙල්ලෝ පිරීලා.......
ෂඃ ඒ කාලේ තමයි බන් කාලේ...

පෙරහැරේ අපි කරපු වැඩ ඉතින් මල්ලක් පුරවලා තියෙයි...සමහර එව්වා ඉතින්....එක්කෝ ඒකත් ඕනි නෑ. ඉතින් මේ පෙරහැර බලන්න අපි දිනේ දැනගත්තම කට්ටිය සෙට් වෙලා ආවට,
ගෑලු ළමෙක් පොඩි ඉඟි බිඟි පාරක් කරපු නැති දවසක කොරන්න දෙයක් නැති කමට පෙරහැර කියන එක කට්ටිය එක්ක වට වෙලා බැලුවට....
අපි හැමදාම බලල තියෙන්නේ පෙරහැරේ එක පැත්තක් විතරයි කියලා හිතිලා නැද්ද ?
නෑනේ  නෙහ් ? නෑ තමයි.
අපි මෙහා පැත්තේ ඉන්න ගමන් අනිත් පැත්තෙන් කොහොමද පේන්නේ කියලා බලන්න විදියක් නෑනේ ඉතින්.....
අද සිංදුවා දෙපැත්තම පෙන්වන්න තමයි යන්නේ මේ.....ඒ කිව්වේ ඉස්සරහා පැත්තයි...පස්සා පැත්තයි. වැඩිපුරම පස්සා පැත්ත තමයි. :-as




පෙරහැර කිව්ව ගමන් මතක් වෙන්නේ අමරදේවයන්ගේ මෙන්න මේ සිංදුව නෙහ් ? හැබැයි සිංදුවා කියන්නේ මේ සිංදුව ගැන නෙවෙයි අද. හැබැයි පෙරහරේ ඉස්සරහා පැත්ත තමයි මේකෙන් විස්තර වෙන්නේ.... :)



ඔය පෙරහැර පටන් ගන්න කාලේ ආවම ඔය නැටුම් නටන ඇත්තන්ට පණිවිඩ යවනවලු වේලාසනම සංවිධායන කරන අය. එයාලට දැනුම් දුන්නම ඒ ඒ ගුරුතුමන්ලා ඒ ඒ ගෝල බාලයෝ එක්කාසු කරගෙන නැටුම් පුරුදු කරලා....බෙර එහෙම ටියුන් කරලා අරගෙන.....ඒවාට අදින ඇඳුම් ආයිත්තම් එහෙම ලැස්ති කරගෙන එක යුද්ධයක් නටන්න ඕනි පෙරහැරේ නටන්න කලින්.

ගොඩක් ඒ නැටුම් නටන අය පාරම්පරිකව හැමදාම චාරිත්‍රයක් විදියට පෙරහැරට තමන්ගේ දායකත්වය සපයන උදවිය. ඒ නිසා ඇඳුම් මහන්න කොරන්න දෙයක් නෑ. හැබැයි මහන්න කොරන්න වුනත් එව්වට පුතේ වියදම් කරන්න වෙන්නේ තමන්ටම තමයි. මොකද පෙරහැරට එන්න කිව්වට ඇඳුම් ආයිත්තම් වලට මුදල් දෙන්නේ කරන්නේ නෑ කියලයි තතු දන්න කියන ඇත්තෝ කිව්වේ.

ඔය ගොඩක් ඇඳුම් වල අර දිලිසෙන මෙව්වා, පබළු, බුබුළු, අනන් මනං ගොඩායි නොවැ.... ඒ නිසා එව්වා  හෝදන එක කොරන්න බැරි වැඩක්....ඒ නිසා ගොඩාක් අය කරන්නේ ඇඳුමේ කිහිලි, බෙල්ලේ කර වගේ කොටස් විතරක් හෝදන එකලු.
බෝඩිමේ ඉන්න අපේ උන් අඳින ඇඳිල්ලට ඔව්වත් ඇඳිලිද කියලා හිතෙනවා නෙහ්... කොහොමද එකම වවුලා දවස් දෙකක් ඇඳලා..තුන්වෙනිදා කණපිටත් අඳින කොට...... ඒත් වැඩේ හතරවෙනි දවසේ හරි වවුලව සම්පුර්ණයෙන් හේදෙනවනේ.....



දුර ඈත කට්ටිය හිටන් එනවා දේවාලේ පෙරහැරට දායකත්වය සපයන්න...ඇවිත් නැවතිලා ඉන්න දෙන්නේ එයාලට ඒ ළඟම තියෙන ස්කොලේලු...ඉතින් කෙල්ලොයි කොල්ලොයි ගුරු උන්වහන්සේයි ඔක්කොම නවතින්නේ ඉස්කෝලේ.... කෑම බීම නම් දේවාලෙන් දෙනවලු... හැබැයි එව්වා අර ඉස්කෝලේ ළමයින්ට දෙන කිරි බත් පැකට් වගේ බඩ යන එකක් වුනත්...කාට කියන්නද ! යන බඩක් දවල් යවලා රෑ පෙරහැරට ඉන්න ඕනි. ඇරත් දේවාලයෙන් නිසා පිලී කෑම දෙන්නේ නෑ.




අපි මොකුත් නොදී, මොකුත් නොකර ඔහේ බලන්න යන්න පෙරහැරට ඒ කට්ටිය කරන කැප කිරීම වෙනුවෙන් අපි මොනවද කරන්නේ හිතුනම...නිකන් ලැජ්ජයි වගේ.
මම පොඩිම කාලේ ගමේ නැටුම් උගන්වන සුනිල් මාමා ගාවට ගියා මට මතකයි, පුවක් කොටයක් අල්ලගෙන කකුල් තියන්න පුරුදු වුනු හැටි, එව්වා ඔක්කොම කරන්න කලින් "තෙයියත් තෙයියත් තෙයියත් තාම්" කියපු හැටි... ඒ ඔක්කොමටම වඩා විශේෂයෙන් නැටුම් උදවිය ළඟ විතරක් තියෙන ගුරු භක්තිය කියන එක නැටුම් කරන්න ගිය ඕනිම කෙනෙක්ට මුලින්ම ක්ලික් වෙන එකක් කියලා මම හිතනවා. ඉතින් ඔය සුනිල් මාමා අපේ අම්මා කියන හැටියට සබරගමුවේ ඉන්න හොඳම තම්මැට්ටන් වාදකයලු. හැම පෙරහැරටම ඒ මාමත් නොවරදවා එනවා...පෙරහැර ඉවරවෙනකම් ඉඳලා අර වයලා කියලා තියෙන තේවාවල් වලට තම්මැට්ටන් බෙර වාදනය කරලා එළිවෙන ජාමේ ගෙදර යනවා...ආයේ පහුවදා එනවා....

කසුන් කියන්නේ අපිත් එක්ක ඉස්කෝලේ හිටපු අයියා කෙනෙක්...දැන් ඉන්නේ හමුදාවේ. වැඩ ඉවරවෙලා හවස කොළඹින් බස් එකේ නගිනවා....එනකොට පෙරහැර ලැස්ති වෙලා...කඩිමුඩියේ ඇඳගෙන මිනිහත් යනවා බෙරේ උස්සගෙන..ඒ ගහලා දේවාභරණ ගෙනියන පෙරහැරෙත් බෙර ගහනවා.එයත් පාරම්පරිකව කරගෙන එන නිසා කවදාවත් ඒවා වරද්දන්නෙ නෑ..එයාලගේ වැඩ ඔක්කොම ඉවරවෙනකොට රෑ 2යි...නාගෙන ආයේ නගිනවා කොළඹ බස් එකේ..පහුවදා රාජකාරියට ඉන්න ඕනා වෙලාවට.නිදාගන්නේ බස් එකේ.ඒ දවස්ටිකේ රෑට කන්න නෑ.

ඩිලාන් ඒ වගේම ඉස්කෝලේ හිටපු තව අයියා කෙනෙක්..ඌ බෙර පප්පෙක්. නැටුම් තරඟ වලට ගිහින් එනකොට ගැට බෙරේ අරගෙන ඌ ගහපු 6/8 බීට් එක මට තාම හොඳටම මතකයි. කෙනෙක් යම් දෙයක හොඳ දක්ෂයෙක් වුනාම තමයිලු අලුත් අලුත් දේවල් නිර්මාණය කරන්න පෙළඹෙන්නේ....ඒ දවස්වලම ඉඳලා ඩිලාන් කියන්නෙත් එහෙම අලුත් එව්වා කරපු කියපු කොල්ලෙක්.
මිනිහත් හවස බෙරෙත් අරන් ඇවිත් ඔන්න මුලින්ම යන කණ්ඩායමක් එක්ක බෙර ගගහා යනවා...මෙන්න බොලේ ටිකකින් ආයේ පස්සෙන් එන කණ්ඩායමක් එක්කත් මේ මනුස්සයා බෙර ගගහා එනවා.  පලවෙනි කණ්ඩායම පෙරහැර පාර දිගේ ගිහින් ඉවරත් වෙලා. ඒත් අනිත් පැත්තේ කට්ටිය තාම අඳිනවා...ඒ තරම් පෙරහැර දිගයි..ඒ නිසා ඩිලාන්ට පලවෙනි කට්ටිය එක්ක ගිහින්...ආයේ පහුවෙලා එන කට්ටියක් එක්ක එන්නත් වෙලාව තියෙයි.

මෙව්වා මේ අය මෙහෙම කැපවෙලා කරනවට එයාලට ලැබෙන්නේ ඉස්සර රුපියල් 300ක් වගේ මුදලක්...දැන් මම හිතන්නේ 500ක් වත් ලැබෙනවා ඇති. බත් එකක් කාලා ගෙදර යන්නවත් සල්ලි මදි. ඒත් කවදාවත් ඩිලාන්වත්, කසුන්වත්, සුනිල් මාමවත්, පෙරහැරේ යන අනිත් අයවත් ඒ දේ නැවැත්තුවේ නෑ.

සමහර දවස් වලට පෙරහැර යනකොට වැස්ස. මහා රෑ හද්ද නිදිමතේ ඉන්න ළමයි ඔක්කොම වැස්සේ තෙමෙනවා. ඒකත් අර දවස් ගානක් හෝදන්න බැරිවුණු ඇඳුම් එක්ක. ජීන්ස් එකක් තෙමුනම ඒක ආයෙත් තෙත පිටින් පහුවදා අඳින දුක දන්නේ ඒ පෙරහැරක නටන ඇත්තෝම තමයි. තමන්ගේ පණ වගේ රැකගෙන ආපු බෙරේ, තම්මැට්ටම, වෙස් කට්ටලේ...ඔක්කොම වැස්සේ තෙමෙනවා. ඒවාට මොනවහරි වුනොත් එයාලට ගෙවීමක් කියලා කවුරුවත් කරන්නේ නෑ..

පෙරහැර පටන් ගත්ත ගමන්...රදළ කඳන් සැපත් වෙලා හරි බරි වෙලා ඉන්නවා පුටු වල...ඉතින් නටහන්කෝ උන්ට පේන්න...ඊට පස්සේ ටීවී එකෙන්...ඉතින් නටපන් ආයේ ඒකටත් පේන්න...ඒ අස්සේ අලියෙක් මුත්‍රා පාරක් දීලා ගියොත්...කියලා වැඩක් නෑ. ගෙදර අය යාළුවො ඔක්කොම අය ඉන්නවා මග බලාගෙන ඉතින් නටන්න ඕනිනේ...

මුල්ම දවසේ බලන්න නටන ළමයින්ගේ කකුල්...සිලම්ඹු දාලා නටන ලස්සන...ආයේ අන්තිම දවසේ බලන්න....ගොඩක් කකුල් වල ප්ලාස්ටර් තියෙනවා පෙනෙයි... සිලම්බුයි කකුලයි අතරේ වැලි හිරවෙලා තුවාල වෙලා පහුවදා සිලම්බුව දැම්මම ඔක්කොම පෑරෙනවා...

ඉතින් ඔහොම අපි හිතනකොට ඊට කලින් සුනිල් ආරියරත්නයන්ට මේක හිතිලා ලියනවා මෙහෙම ගීතයක්...





පෙරහැර එනවා කස පුපුරනවා
හෙවිසි හඬ පතුරනවා
කස කරුවන්ගේ දහඩිය මුගුරින්
පාවඩ මග අතුරනවා

යදමින් බැඳී ඇතු අසීරු ගමනින්
හෙමිහිට පාද තබන්නේ
යන ගමනේ ඉම දැකගනු රිසියෙනි 
ඇත්ගොව්වන් ගාටන්නේ
ගුරුන්ගෙ අණටයි නිදිමත දරු කැල 
කල ගෙඩි අරගෙන එන්නේ
පන්තේරුව බොල් පින්නෙන් නැහැවී 
දෑතට දියවී යන්නේ

පාර දෙපැත්තේ පොඩි මිනිසුන් දෙස 
නිලමේවරු නොබලන්නේ
රජ සිටුමැතිවරු නරඹන තැන්වල 
නිලමේවරු නවතින්නේ
එතනදි වැයුමේ රිද්මය වැඩි වී 
හොඳ හොඳ නැටුම් පෙනෙන්නේ
එලි අඩු පන්දම් තෙල් නැති පන්දම් 
තෙල් ගල්වා දල්වන්නේ

හිතේ වේගයට හේවිසි හොරනෑ 
තම්මැට්ටම් අඬවන්නේ
මාලක්කම් මැද වෙස් නළුවන්නේ 
පීඩිත මූනු පෙනෙන්නේ
අඹු දරුවන්නේ කුස් පුරවන්නයි 
වන්නම් තාල ගයන්නේ
වේල දෙවේලට අත සරුවෙන්නයි 
කොහොඹ කලේ නටවන්නේ

පද : සුනිල් ආරියරත්න
ගායනය : නන්දා මාලිනි
සංගීතය : 


බෙරයෙන්, නැට්ටුවාගෙන් පටන් අරන් පෙරහැරට යන්න සිංදුවා හිටියේ..ඒකත් ඔන්න කණපිට හැරිලා යනවා පෙරහරේ ඉඳලා නැට්ටුවාට, බෙරයට. සින්දුවතීට ස්තුති වෙන්න ඕනි සිංදුවාට ඕනි කේලම් ටික දුන්නට.එහෙනම් ජයම වේවා !


Friday, August 8, 2014

කොන්ඩ කැවුම්








උසස්පෙළ කරන්න ගත්තට පස්සේ ඉඳලා පොත් කියවන්න ගත කරන්න ලැබුන කාලේ හරිම අඩු වෙලා ගියා . ඒ නිසා පරණ පුරුද්ද අලුත් කරගන්න කියලා වයලීනොත් දැන් පොත් වලට යටවෙන්න තීරණය කළා . අහුවෙන අහුවෙන හැම පොතක්ම කියවන එක පොඩි කාලේ සිරිත . දැනුත් එහෙම වෙන්න තමයි හිතාගෙන ඉන්නේ . ඒත් වෙලාව තමා ප්‍රශ්නේ වෙන්නේ . ඒ නිසා දැන් බෑග් එකේ කොයි වෙලෙත් පොතක් දාගෙන යනවා අහුවෙච්ච වෙලාවේ කියවනවා කියලා හිතාගෙන .

වයලීනොට කැම්පස් පටන් ගත්තනෙව ආයෙත් . ඉතින් ඔන්න සිකුරාදා වෙනකං බලාගෙන ඉඳලා ඉඳලා ගෙදර දුවගෙන ආවා ස්වීට් ඇඳ බදාගන්නයි අම්මාගෙන් බත් කටක් කවාගන්නයි . ඒ එනගමන්  බස් එකේ වෙන කරන්න වැඩකුත් නැති නිසා කියවන්න ගත්තා මහාචාර්ය ගංගානාත් දිසානායක මහත්මයාගේ පැණිවළලු පොත . තමන්ගේ පොතට නම දාන්න තීරණය කරපු විදිය ගැන ගංගානාත් මහත්මයා හොඳ විස්තරයක් කරලා තියෙනවා මුල්ම පරිච්ඡේදයේ . 





මම ඉතින් ඕක කියෙව්වා කියෙව්වා කියන්නේ ඒ කොටසේ මාරම රහක් තියෙන්නේ . රත්නපුරේට එනකන්ම කියෙව්වේ ඒ කොටසමයි . ඒ නිසා පොත තාම කියවලා ඉවර නෑ . ඒ කියන්නේ එක එක පරිච්ඡේද එක්ක වයලීනොට කියන්න හොඳ හොඳ කතා ගොඩක් මතක් වෙයි කියලා හිතෙනවා . ඉතින් අද කියන්න යන්නේ ගංගානාත් මහත්තයට එයාගේ ආච්චි අම්මාගේ පැණිවළලු රහ වැටුනා වගේ වයලීනොට රහ වැටිච්ච වයලීනොගේ ආච්චි අම්මාගේ කොන්ඩ කැවුම් ගැන . 

අපි පහතරට මිනිස්සු නෙව ආයුබෝවන් . ඒ නිසා අපිට ගොඩක්ම සමීප කෑම තමයි ඔය කොන්ඩ කැවුම් . අපේ ආච්චිඅම්මා ඉන්න කාලේ ඉස්සර අවුරුද්දට හැමදාම කොන්ඩ කැවුම් හදනවා . කොන්ඩ කැවුම් නැති අවුරුද්ද නිකන් පරිප්පු නැති හෝටලයක් කියලා තමයි අපේ ආච්චිඅම්මා සැලකුවේ ඉස්සර . ඉතින් හැම අවුරුද්දෙම සිංහල අවුරුද්දට දින කීපයකට කලින් ආච්චි අම්මා කොන්ඩ කැවුම් හදනවා . 



කැවුම් හදන්න ආච්චිඅම්මා කුස්සියේ බිම ගල් තුනක් තියලා වෙනමම ලිපක් හදනවා . ඒ ලිප හදන එකත් වෙනමම ක්‍රියාදාමයක් . මොකද ඕකට ඕන සයිස් එකේ ගල් තුනක් හොයාගන්න ඕන . සීයා ඉන්න කාලේ සීයා තමයි ලිප හදලා දෙන්නේ . පස්සේ ඉතිං අපි උදවු වෙලා ලිප හදලා දෙනවා ආච්චිට . ඒත් ඕකේ මොකක් හරි අවුලක් කියනවා ආච්චි . ඒ නිසා අපි කරන්නේ ආච්චි හොඳයි කිව්ව ලිප් ගල් තුන වෙන් කරලා තියනව ඊළඟ අවුරුද්දෙත් ගන්න . 

ඊට පස්සේ ආච්චිඅම්මා තෙල් ලිප ගාව පොඩි මැටි මුට්ටියක වතුර පුරවලා තියාගන්නවා . ඒ මොකටද කියලා මම ආච්චි අම්මාගෙන්ම ඉස්සර ඇහුවා මතකයි . ආච්චිඅම්මා මට කිව්වේ එහෙම කරන්නේ කෙමක් කියලා . මොකටද කියලා මම දන්නේ නෑ . දන්න කෙනෙක් ඉන්නවනම් ඔන්න කියන්න ඒ මොකටද කියලා . ඉතින් ආච්චිඅම්මා ගෙදර වංගෙඩියේ කොටලා හලා ගත්ත පිටි වලට කිතුල් පැණි නැත්නම් සීනි උණුකරලා හදාගත්ත පැණි දාලා පදමට අනලා ටික වෙලාවක් තියලා තියනවා පදමට පිටි හරියන්න ඕන කියලා . 





මෙහෙම පදමට හදාගත්ත  පැණි පිටි මිශ්‍රණය තෙල් තාච්චියට හැන්දකින් වක්කරනවා . ඒකට ආච්චිඅම්මා නම් කියන්නේ තාච්චියට පිටි බෙදනවා කියලා . එහෙම පිටි බෙදලා පොඩ්ඩක් වෙලා ඉන්නකොට අතිරස ගෙඩියක් වගේ කැවුම වටේ තියෙන පිටි බැදිලා බෝලයක් වගේ හැදෙනවා . ඊට පස්සේ කරන්නේ ඉරටුවකින් මේ කැවුමේ මැද හිල් කරලා ඉරට්ට කරකවන ගමන් තෙල් හැන්දෙන් තෙල් ටික ටික මේ කැවුම උඩට දාන එක . එතකොට ඇතුලේ තියෙන දියාරු පිටි මිශ්‍රණය ටික ටික මේ සිදුර හරහා උඩට ඇවිත් කොන්ඩේ වගේ ඉහලට එනවා . 

පස්සේ ඇති තරමට කොන්ඩේ හැදුනම ඉරට්ට අයින් කරලා හොඳට පාට වෙනකන් බැදෙන්න දීලා තෙල් බේරලා මුට්ටියකට හරි කිරි ගොට්ටකට හරි දානවා වැඩි තෙල් ඉවත් වෙන්න . ඔන්න ඔහොමයි සාමාන්‍යයෙන් කොන්ඩ කැවුම් හදන්නේ . ඒත් ඕක සරල වැඩක් නෙවෙයි . පුරුද්ද නැත්නම් කොන්ඩේ එන්නෙත් නෑ . සමහර වෙලාවට කැවුම තෙලට දානකොට පිටි එහෙ මෙහෙ විසිරිලා යනවා . ඒ නිසා පිටිවල පදම ඉතාම වැදගත් මේ කොන්ඩ කැවුම් හදන්න . 





ආච්චිඅම්මට කොයිතරම් පුහුණුවක් මේ කැවුම් හැදිල්ලට තිබ්බද කියනවනම් ආච්චිඅම්මගේ කැවුමේ කොන්ඩේ නම් කවදාවත් වරදින්නේ නෑ . පුංචි කාලේ මම හරිම ආස කරපු වැඩක් තමයි මේ කැවුම් හදනවා බලාගෙන ඉන්න වැඩේ . ඉතින් මම කරන්නේ පොඩි බංකුවක් ලිප ගාවින් තියාගෙන ආච්චි අම්මා කරන මේ හපන්කම දිහා පුදුමෙන් බලාගෙන ඉන්න එක . ඒ ඉන්න ගමන් මම ලිපේ ගින්දරත් හදන්න උදවු වෙනවා . සීයා තමයි ඒ කාලේ කොලපු ඉරලා පොඩි පටි වලට කපලා ගෙනත් ලිප ගාවින් තියන්නේ . 

මට මතකයි ආච්චි අම්මා හදන කොන්ඩ කැවුමක් අඟල් දෙකක් විතර විශ්කම්භයක් තියෙන ලොකු කොන්ඩ කැවුම් .ඒවා එකක් තනි කෙනෙක්ට කන්න බෑ කියලා මම හිතාගෙන හිටියේ ඒ කාලේ . කොන්ඩ කැවුම් හදනකොට ආච්චි අම්මා කියනවා අපිට , කටවරද්ද ගන්න හොඳ නෑ කියලා . ඒ කියන්නේ එයාලා මේ වැඩේ කරේ ඒ වෙනුවෙන් පේවෙලා වගේ . මට මතකයි දවසක් අපේ සීයා කහට බොන ගමන් ආච්චි අම්මගෙන් ඇහුවා " මට ඔය කැඩිච්ච කැවුම් කෑල්ලක් දෙනවද " කියලා . ආච්චි අම්මා තෙල් ලිප ගාව ඉඳගෙනම මූණ ලොකු කරලා සීයා දිහා බලලා කෙන්තියටම මුකුත් කියන්නේ නැතුවම හිටියා . ආච්චි කැමති නෑ එහෙම දේවල් තෙල් ලිප ගාව ඉන්නකොට කියනකොට . එතකොට කැවුම් හරියට හදන්න බැරි වෙනවා කියලා ආච්චිඅම්මා විශ්වාස කළා.





පොඩි කාලේ මට දකින්න ලැබුන මේ දේවල් ඔක්කොම චිත්‍රපටියක් වගේ හිතේ මැවෙනකොට හිතෙනවා අනේ ආච්චි අපිත් එක්ක දැනුත් හිටියනම් කොච්චර හොඳද කියලා . ඒත් මට සතුටු වෙන්න පුළුවන් එක දෙයක් තියෙනවා . ඒ ආච්චිඅම්ම මැරෙන්න කලින් ආච්චි අම්මට කන්න කොන්ඩ කැවුම් හදලා දෙන්න මට පුළුවන් උනා . පොඩි කාලේ ඉඳලම ලිප ලඟට වෙලා අවුරුද්දක් ගානේ කොන්ඩ කැවුම් හදන පිළිවෙල බලාගෙන හිටපු නිසා වෙන්නැති මටත් ආච්චිඅම්මාගේ පිහිටෙන් කොන්ඩ කැවුම් හදන්න ඉගෙන ගන්න පුළුවන් උනා . 

දැන් අවුරුද්දට අපේ ගෙදර කොන්ඩ කැවුම් හදන්නේ වයලීනෝ තමයි . අපේ ආච්චිඅම්මගේ නම පුංචිනෝනා . මම කැවුම් හදන වෙලාවට තෙල් ලිප ගාව වාඩි වෙන්නේ , කොහෙද මෙයාලා පුංචි නෝනගේ දුවල උනාට කැවුමේ කොන්ඩේ ගන්න ඉගෙන ගත්තේ නෑනේ කියලා අම්මටල පොඩි හින්ට් එකකුත් දාගෙන තමයි . කොහොම උනත් පිටි වැඩිපුර තියෙන වෙලාවට බැන බැන තමයි කැවුම් හදන්නේ . මොකද තෙල් ලිප ගාව වැඩි වෙලාවක් ඉන්නකොට වෙරි වෙලා වගේ මත් වෙනවා . හැබැයි ආච්චි අම්මා උගන්නපු දේවල් වලින් නරකක් උනේ නෑ කියල පොඩි සතුටකුත් තියෙනවා ඒ අතරේම . සිංදුවගේ අම්මටනම් වයලීනෝ හදපු කොන්ඩ කැවුම් අවුරුද්දට නෑගම් යනකොට ගිහින් දුන්නා . හැබැයි හැදුවේ කවුද කියලනම් තාම දන්නේ නැතුව ඇති .





දැන් ඉතින් මේ කියන්න හදන්නේ වෙනමම කතාවක් . ඒ තමයි 

කොන්ඩ කැවුම් හදන්න ඉගෙන ගන්න කැමති දැරිවියෙක්ට වයලීනොගෙ මුළුතැන්ගෙයි ඇබෑර්තු ඇත . 

හඃ හඃ හඃ හඃ 

Wednesday, August 6, 2014

උඹ දන්නවද ?







අහස
උඹ දන්නවද
කොච්චරනම් මම උඹ දිහා බලාගෙන ඉන්නවද කියලා  ?
පුංචි තරු පාවී එන තුරු

තරු
උඹ දන්නවද
කොච්චරනම් මම උඹ දිහා බලාගෙන ඉන්නවද කියලා ?
සීතල සඳ පාවී එනතුරු

සඳ
උඹ දන්නවද
කොච්චරනම් මම උඹ දිහා බලාගෙන ඉන්නවද කියලා ?
නිදිමත පාවී එනතුරු

නිදිමත
උඹ දන්නවද
කොච්චරනම් මම උඹ දිහා බලාගෙන ඉන්නවද කියලා ?
සිහිනයක් පාවී එනතුරු

සිහිනය
උඹ දන්නවද
කොච්චරනම් මම උඹ දිහා බලාගෙන ඉන්නවද කියල ?
අලුත් හෙටක් පාවී එනතුරු 





Friday, August 1, 2014

හස්තිනාපුර: අදිසි දෙවියන් සදිසි මානයට කැඳවන දේවාභරණ






හස්තිනාපුර: අදිසි දෙවියන් සදිසි මානයට කැඳවන දේවාභරණ: සමන් දෙවියන් ගැන විස්තර හොයනකොට සමහරවෙලාවට දැනගන්න ලැබෙන්නේ අපි හිතන දේවල් නෙවෙයි . මේ පෝස්ට් එකේ ලියලා තියෙන සමහර දේවල් වලට මටත් එකඟ...



මේ වයලීනෝ ලියන , ලියන්න අත්පොත් තිබ්බ , නෑ නෑ අත් බ්ලොග් තිබ්බ බ්ලොග් එක . දන්නෝ දනිති . නොදන්නෝ එන්නෝ කියවන්නෝ .

මෙන්න මෙතනින් එන්න කියවන්න

හැබැයි ඉතිහාස කතා තමයි තියෙන්නේ .