අර කතා මේ කතා සංගීත කතා පොර කතා රස කතා තියෙන වයලගේ කාමරේ — තාම හදාගෙන යනවා බං —

පත්තිනි දේවිය ගැන කලින් දාපු පොස්ට් එක එතනින් නැවැත්තුවේ පොස්ට් එක දිග වැඩි වෙලා බෝරින් වෙයි කියලා හිතලා . අද කියන්න යන්නෙත් පත්තිනි දේ...

පාලඟ පතිනි මල් නෙලුමෙන් උපන් අංකෙළිය




පත්තිනි දේවිය ගැන කලින් දාපු පොස්ට් එක එතනින් නැවැත්තුවේ පොස්ට් එක දිග වැඩි වෙලා බෝරින් වෙයි කියලා හිතලා . අද කියන්න යන්නෙත් පත්තිනි දේවිය ගැන කතාවක් තමයි . ඒ තමයි ඉස්සර කාලේ ඉඳලා පැවතගෙන ආව පත්තිනි පූජාවක් විදියට කරනු ලබන අංකෙළිය . ඊට කලින් හම්බුනා පත්තිනි දේවියගේ උපත ගැන කියවෙන තවත් කතාවක් . අංකෙළිය ගැන කියන්න කලින් පත්තිනි උපත ගැන කියවෙන අනිත් කතාව කියලා ඉන්නම් නේද ....

පත්තිනි දේවිය එහෙමත් නැත්නම් කන්නගී ඉන්දියාවේ ඉපදුනේ ගණිකා නිවාසයක ගණිකාවකගේ බඩේ ගණිකාදියණියක් විදියට . මම කලින් පොස්ට් එකේ කිව්වා වගේම ඉන්දියාවේ අභිසරු ලියන් තමාට ගැහැණු දරුවෙක් ලැබුනම හදාගන්නවා . පුතෙක් ලැබුනොත් එක්කෝ කොහෙට හරි විසි කරලා දානවා . නැත්නම් මරලා දානවා . ඔහොම මොකක් හරි තමා කරන්නේ . මොකද එයාලා පිරිමි ළමයි හදන්න මහන්සි වෙන්න කැමති නෑ . එයාලට ඕන ගැහැණු ළමයි හදලා තමන්ගේ රැකියාව ඉදිරියට කරගෙන යන්න .



නිසි වයසට ආවම මේ අම්මලා කරන්නේ තමන්ගේ නොයිඳුල් දියණියන්ව කෝවිල්වල බමුනන්ට දෙනවා , දේව දාසියන් විදියට මෙව්වා කරලා එව්වා කරලා උයියා කරලා දෙවියන්ට කැප කරන්ට . හයියෝහ් මේ වැඩේ දෙවියන්ට ගැලපෙන්නේම නැති වැඩක් . ඒත් එහෙම තමා උනේ . පස්සේ ඉතින් ඔන්න මේ දේව දාසියන්ව ලිංගික වහලුන් විදියට විකුනලා බ්‍රාහ්මණයින් සල්ලි හොයාගන්නවා .

ඉතින් කන්නගීටත් වෙන්න නියමවෙලා තිබ්බේ මේ ඉරණමම තමා . ඒත් ඉතින් කන්නගීට මොලේ තිබ්බා . කන්නගී දැඩි ප්‍රතිපත්තියක් අනුගමනය කළා , එයා විවාහ වෙලා ස්වාමියාට විතරයි තමාගේ ජීවිතය පාවා දෙන්නේ කියලා . ඉතින් මෙයා ගණිකා වෘත්තියට පෙළඹුනේ නෑ . කොටින්ම කියනවනම් මෙයාව පාවා ගන්න රන් රිදී මුතු මැණික් අරවා මේවා ඔක්කොම අරගෙන කට්ටිය ආව . ඒත් මෙයා කැමති උනේ නෑ . හම්මේ දැන් ඉන්න සමහර කෙල්ලොනම් තඹ කම්බියක් පෙන්නුවානම් ඇති දිලිසෙන්න . හඃ හඃ හඃ . ඒකට මෙන්න අපේ පත්තිනේ දේවිය . ඔන්න ආදරුසේට ගනිල්ලා කෙල්ලනේ . :p :p :p



පත්තිනි දේවිය එහෙමත් නැත්න්ම කන්නගී ගැන පුවත් හිමාලය දක්වාම පතිරගියා . එයාගේ රූසපුව ගැන මිනිස්සු ගීත ගායනා කළා . මේ ගීතයක් දවසක් ඇහුනා වයලීනෝ ඍෂි තුමා වගේ හිමාලයේ භාවනා කරන  කෝවලාන් කියන ඍෂි දම් පුරන කුමාරයාට . එයා ඉතින් සමවැදී උන් දැහැනෙන් නැගිටලා කන්නගී හොයාගෙන හොයාගෙන හොයාආආආආආආගෙන ගියා .

ඊට පස්සේ මේ දෙන්නා විවාහ වෙනවා . විවාහවෙලා ඉතින් අර කලින් කතාව තමා . මාධවී ආවා දෙන්නා මැද්දට . පස්සේ ජීවිතේ වෙනස් උනා . කෝවලාන් දුගී උනා . දෙන්නම මධුරා පුරයට ගියා . පස්සේ එව්වා මෙව්වා අරවා ඒවා ඔක්කොම වෙලා පඬි රජු කෝවලාන්ව මරලා පත්තිනි දේවිය පියයුර කඩලා පොලවේ ගහලා පඬිරට ගිනිතියලා දේවත්වයටත් පත් උනා .

මේ කතාවේ මුල ටිකක් වෙනස් නිසා තමයි මම ලියන්න හිතුවේ . ආයෙත් කියන්නේ අන්න නියම ගෑණු කියලා තමයි . :p :p :p



දැන් එන්නම් අංකෙළිය පැත්තට . අංකෙළිය අතීතයේ ඉඳලාම පැවතගෙන එක ජන ක්‍රීඩාවක් . ඒත් මේක පවත්වන්නේ පත්තිනි දේවිය වෙනුවෙ එතුමියට පූජාවක් විදියට . ගමක ගොයම් කපලා පස්සේ ගමම එකතුවෙලා සිංහල අවුරුද්ද සමරන කාලේ ආවම තමා මේ ක්‍රීඩාව කරන්නේ . මටත් තාම මේක සියැසින් දකින්න උනේ නම් නෑ . හැබැයි අපේ සීයා කෙනෙක් හිටියා ගමේ . එයානම් ඔය කෙලියටයි පොර පොල් කෙලියටයි හෙන දස්සයෙක් . මම එයාගෙන් ඇහුවා ක්‍රීඩාව ගැන . ඒත් ඒ මුකුත් මට හරියට මතක නෑ . ඒ නිසා ක්‍රීඩාව කරන හැටිනම් කියන්න දන්නේ නෑ .



හැබැයි ක්‍රීඩාවේ ආරම්භය ගැනනම් කියන්න දන්නවා . ඔන්න මෙන්න මෙහෙමයි ඔය ක්‍රීඩාව පටන්ගත්තෙ .
දවසක් පත්තිනි දේවියයි පාලඟ කුමාරයයි යනවා මල් කඩන්න . මල් කඩන්න කියන්නේ කොහේ හරි මුල්ලකට වෙලා එස් එම් එස් කරන්න නෙවෙයි . ගස්වල පිපිලා තියෙන පුෂ්ප නටුවෙන් වෙන් කරලා කූඩයකට බහාලා රැගෙන එන්න .

යන්නේ කස්ටියක් පිරිවරාගෙන . ඉතින් ඔහොම ඔහොම යනකොට යනකොට අයියෝ මාර කේස් එක තමා මෙයාලා . මාර කේස් කියන්නේ මල පනින කේස් එකක් . ගස් එකකවත් මල් පිපිලා නෑ .

ඔය මල් සෙවීම මෙන්න මෙහෙම කියනවා කවියෙන් .

ගොසින් බැසපුවයි දුනුකේ විලටා 
විමසා බැලුවයි ඒ විල වටටා
නැත හිමි සපුමල් මේ විල වටටා
මෙතැන නොවෙයි හිමි තව යන් එපිටා

ගොසින් බැසපුවයි නාමල් විලටා 
විමසා බැලුවයි ඒ විල වටටා
නැත හිමි සපුමල් ඒ විල වටටා
මෙතන නොවෙයි හිමි තවයන් එපිටා 

පරසතුමල් වල සුවඳ අතීතේ ..................... කිය කිය . ඔන්න කස්ටිය හොයාගෙන හොයාගෙන යනකොට එක ගහක තිබ්බා පිපිලා සපුමල් පොකුරක් . හම්මේ කස්ටියටම හරිම මෙව්වා . මෙව්වා කිව්වේ හරිම හැපී . ඉතින් ඔන්න දැන් පත්තිනි දේවිය ගාව තියෙනවා එක කෙක්කක් . පාලඟ කුමාරයා ගාව තියෙනවා තව කෙක්කක් . ඉතින් දෙන්නා තරඟෙට මල් කිනිත්ත නෙලාගන්න තරංග වදිනවා . දෙන්නගේ පිරිවර දෙන්නට චියර් කර කර ප්‍රීති ඝෝෂා කරනවා . පත්තිනි දේවියට ඕන උනා කොහොමහරි මල් කිනිත්ත එතුමිය විහින්ම නෙලා ගන්න . පොඩ්ඩක් ඉතින් දන්නේ නැද්ද . දේවාත්මය ලැබුවත් ගෑණු ගැනුනේ . ඔන්න දැන් දෙන්නම කෙක්ක වන වන මල පොකුරට පොරේ . ඔහොම කරනකොට කරනකොට කරනකොට අයියෝ මාර වැඩේ තමා උනේ .



දෙන්නගේ කෙකි දෙක ඒකට පැටලුනානේ . දැන් මල් කඩන්න තියා කෙකි දෙක හොලවන්නවත් බෑ . කොකු දෙකෙන් පැටලිලා . ඉතින් දැන් මල් කෙසේ වෙතත් කෙක්ක ඕනනේ . මොකෝ කෙක්ක තියලා යන්න පත්තිනි දේවියයි පාලඟ කුමාරයයි කෙකි කොම්පැනියක වැඩ කරනවා කියලය .

අන්තිමට දෙන්නගේ පිරිස දෙපත්තට බෙදිලා මේ කෙක්ක බේරා ගන්න මෙහෙයුමට එකතු වෙනවා . හෝයියා හෝයියා කියා කියා දෙගොල්ලෝ කෙකි දෙක අදිනවා . ඔහොම ඔහොම අදිනකොට අදිනකොට අදිනකොට පාලඟ කුමාරයාගේ පැත්තෙන් කෙක්ක කඩාගෙන ගිහින් පාලඟ කුමාරයාට ජයග්‍රහණය හිමිවෙනවා .

ඔන්න ඔහොමයි අංකෙළිය ආරම්භ උනා කියලා කියන්නේ . මාරයි නේද මෙයාලා . පස්සේ ඉතින් එක එක ඒවා පටල පටල දෙපැත්තට ඇද ඇද ෆන් එක ගන්න ඇති . පස්සේ තවත් ඒ ෆන් එක විකාශනය වෙලා අංකෙළිය ක්‍රීඩාව දක්වාම මේක විකාශනය වෙන්න ඇති .

ඉතින් ගමක කුඹුරු අස්වද්දලා පොළවත් එක්ක හැප්පිලා නැහිලා නැහිලා ඉන්න මිනිස්සු ගොයම් කපලා සිංහල අවුරුද්දත් සමරලා හිතේ සතුට වගේම පත්තිනි දෙවියන්ගේ ආශිර්වාදය ලබාගන්න මේ ක්‍රීඩාව කරලා තියෙනවා . මම ෆලෝ කරන සයිඩ් එක , ඒ කිව්වේ යක්කු දෙවිවරු එක්ක මේ ක්‍රීඩාවට හොඳ සම්භන්දයක් තියෙනවා . ඒ තමයි පත්තිනි දේවිය මේ ක්‍රීඩාවට අරක්ගෙන ඉන්න කියලා තියෙන්නේ පාලි කියන යක්ෂනියට .



පාලි යකින්නට මේක කැප උනේ මෙහෙමයි . ඔන්න ඉතින් අර එදා පාලඟ කුමාරයා හොයාගෙන පඬි රජතුමාගේ මාලිගාවට පත්තිනි දේවිය ගියා මතකයි නේද ඔයාලට . ඉතින් ඒ යන ගමනේ පත්තිනි දේවියට පොඩ්ඩක් මහන්සි වෙලා එතුමිය වෙල්ලිය කියන අම්මබලම්ට මඩ වෙලාවකට ගොඩවෙනවා . එතකොට පත්තිනි දෙවෝය මරාගෙන කන්න හිතාගෙන මේ පාලි කියන යකින්න පත්තිනි දේවිය වෙතට කඩා පනිනවා . ඉතින් පත්තිනි දේවිය යකින්නවා මෙව්වා කරලා දමනය කරලා කියනවා අපේ ක්‍රීඩාවක් තියෙනවා අංකෙළිය කියල .  ඒ ක්‍රීඩාවට අරක්ගන්න . ඒකෙන් ලැබෙන කෙලි පුද ලබාගන්න . මිනිස්සු මරන්න එපා කියලා . පස්සේ ඉතින් පාලි යකින්න ඒකට කැමති වෙලා අංකෙළියට නිලවශයෙන් සාදර සම අනුග්‍රහය දක්වන යකින්න විදියට පත් වෙනවා .

ඔන්න ඔහොමයි පාලි යකින්න අංකෙළියට සම්ප්‍රාප්ත වෙන්නේ .
මෙන්න මේ කවියෙන් ඒ කතාව මනාව පැහැදිලි වෙනවා .

මාගේ ඔසරිය නුඹ අරගන්නේ 
මගේ රුවට රුව නුඹ අරගන්නේ 
අංකෙළි පූජා නුඹ අරගන්නේ 
ඇහළ මහට සැණකෙළි අරගන්නේ 

ඔන්න ඔහොමයි උනේ ආ .......

එදා ඉඳලා ඉතින් අංකෙළිය දෙවියන් වෙනුවෙන් පැවැත්වෙනවා . හැබැයි විශේෂ දෙයක් තියෙනවා . මේ අංකෙළිය කරන්නේ දේව පූජාවක් විදියට . පත්තිනි දේවිය හා පාලි යකින්න කාන්තාවන් උනාට මොකද සම්ප්‍රදායානුකූලව ගැහැණු අයට මේ පූජාවට නැත්න්ම අංකෙළි පූජාවට සහභාගී වෙන්න සපුරා තහනම් . ඒ ඇයි කියලා මම දන්නේ නෑ . සමහරවිට දෙවියන් එක්කම එන කිලි සංකල්පය නිසා වෙන්නැති .

ඔන්න ඕකයි පත්තිනි දේවිය හා අංකෙළිය අතර තියෙන සම්භන්ධය .
මට හම්බුනා පත්තිනි දේවියට කියන තව නම් ටිකක් . මෙන්න බලන්නකෝ ඒ නම් ටික .



අම්මා දේවිය 
කන්නකී 
කන්නක බිසෝ
පද්මිනී
තපස් පුත්‍රී
මල්පත්තිනි
අඹ පත්තිනි
සිද්ද පත්තිනි
මහා පත්තිනි
පාලඟ පත්තිනි
ගිනි පත්තිනි
හෙට්ටි පත්තිනි
වඳුරු පත්තිනි
නාග පත්තිනි
සමන් පත්තිනි
උරමාල පත්තිනි
මොළ පත්තිනි
අයිරාවන පත්තිනි
අඹ දේවිය
ජානකී
සිරි පත්තිනි 
වීර පත්තිනි
මා පත්තිනි
ඔරුපාලි පත්තිනි
දේව පත්තිනි
සළඹ පත්තිනි
නුග පත්තිනි
අඹරෑ ජෝති පත්තිනි
දෙවොල් පත්තිනි
කරමාල පත්තිනි 
අයිරාගිනි පත්තිනි
දේවාල පත්තිනි
මදුරමාල පත්තිනි
හළඹ කුමාරි කිරි අම්මා 
හඳුන් කුමාරි කිරි අම්මා 

ඔන්න නම් ටික . මාර නම් ටිකක් නේද ?

තව තියෙනවා කිරිඅම්මා දානය ගැන කියන්න . ටික දවසකින් ආයේ කියන්නම් ඒ ගැන . එහෙනම් හැමෝටම පත්තිනි දෙවියන්ගේ පිහිටයි ආරස්සාවයි ......!



දළුමුර කඩුවක් අතකින් අරගෙන 
පිරිවර දෙවියන් සමගින් මනමෙන
සිහිකර නරලොව සත හට සෙත දෙන
සුරපුර වන පත්තිනි සඳ වඩිමින

පුදා මෙරග සරසන මල් මාලා 
සදා සුවඳ කිරි කැවිලිද ආලා 
නාඩා අවට බබළන රැස් මාලා
සදා දිනිඳු ලෙස තෙද බල පාලා 


තෙද වරම් පස්වාන් දහසකට බුදුවන්ඩ සිද්ද පත්තිනි දේව මාතවුනි.තවද මෙලොව සත්වාරයක් පහල වූ හෙයින් සත් පත්තිනි යන නමින් ප්‍රසිද්ද වන ඔබ දිව්යාන්ගනාවුන් වහන්සේ දෙමට මලෙන් නයි කඳුලෙන් ගිනි ජාලාවෙන් පිනි බින්දුවෙන් සිනා රැල්ලෙන් මවිත අඹෙන් මෙසේ සත් වාරයක් ලොව පහල වූ සත් පත්ත්තිනි දිව්යාන්ගනාවුන් වහන්ස.සුර ලොවින් අසුර ලොවට වරම් ලබා අසුර ලොවින් නාග ලොවට වරම් ලබා නාග මානවිකාවන් දසදහසක් පිරිවරා පුන්කලසක් ශ්‍රී හස්තයෙන් දරාගෙන පිහිටි දිව්‍ය මන්දිරාමානව නවගමුව හිමි දේවාලයට අධිගෘහිතව වැඩ වසන සිද්ද පත්තිනි දිව්යානගනාවුන් වහන්ස.ඔබ වහන්සේගේ දිව්‍යනුභව සිඳලමියි සිතා සක්‍ර දිව්‍ය රාජයෝ සුරලොවින් සතර පැත්ත කපා අට බොරදන් ගා එවූ මල කොස් කණුව පොරකවුලා දළු ඇද තුන් දුමාව පලගන්න වරම් දුන්නා සත්‍යවාදී සැබෑවිනම් පරංගි සමයක් කාරයන්ගේ යුද්දය තුන් මාසයක් කල්තියා දැනගෙන නවගමුව දේවාලයෙන් රුවන් සළඹ සත් නමක් මැදගොඩ ඇල්ලට ඇලිකිඹුලෙක් පිටෙහි වැඩමවා මැදගොඩ ඇල්ලෙහි කෙලිපුද ගන්න වරම් දුන්නා සත්‍යවාදී සැබෑවිනම් තවද ඔබ වහන්සේ අන්දුන්ගිරි පර්වතේ තපස් රකිනවා දැක සක්‍ර දිව්‍ය රාජයා මහලු වෙස්ගෙන අන්දුන්ගිරි පර්වතයට වැඩ නැගෙනියනි මට දානයක් දෙන්නයි කියූ තැනේදී කුමන දානයක්දයි අසු තැනේදී අන්දුන්ගිර පයින් පාගා මඩකර දියෙන් ගිනිගෙන බොජුන් තනා දෙන්නයි කිව තැනේදී අන්දුන්ගිර පාගා මඩකර සුවඳ ඇල් වි ඉස පැලකොට ගොයම් කපා වී කොටා පොලා දියෙන් ගිනි මොලවා සත් පැයෙන් දානය දී හමාර කර මතු බුදු වන්ඩ ප්‍රර්ථනා කර සක්‍ර දිවය රාජයාගේ ආනුභාවයෙන් පඬිපුර අඹ ගෙඩියෙහි පිළිසිඳ පඬි රජුගේ තුන් නෙතින් නළලෙහි නෙත මැකෙන්ඩ වරම් දුන්නා සත්‍ය වාදී සැබෑවිනම් තවද ස්වාමී පාලඟ මැරූ පඩිරජුගේ මාලිගාවට වැඩම කරවා තමා රක්ශාකල පතිදම් ශිලයෙන් වම තනය ඉරා ගලවා මාලිගාවෙහි පොලවේ ගසා පඬි රට ගිනිගන්නට සාප කල හෙයින් පඬිරට එක පෑමුක්කාලෙන් ගිනිගෙන අළු දුලි වන්නට වරම් දුන්නා සත්‍ය වාදී සැබෑවිනම් නම් සියලු ආතුරයින් ආරක්ෂා කර දෙන්නට දැන වදාරා නවගමුව දිව්‍ය මන්දිරයෙහි චිරාත් කාලයක් වැඩවසමින් ලංකාද්වීපය දිව නෙතින් බලා වදාරන්නට සමා වෙනවයි ඔබ කිර්ති පස්වාන් දහසකට ආයුබෝවේවා ආයුබෝවේවා ආයුබෝවේවා......!



25 comments:

  1. //ගස්වල පිපිලා තියෙන පුෂ්ප නටුවෙන් වෙන් කරලා කූඩයකට බහාලා රැගෙන එන්න .// හිනා හතයි. මල් කැඩිල්ල විස්තරත් කොරලා. අර යකින්නිව දැකලානම් බය හිතුන බොලේ..'..'

    ReplyDelete
    Replies
    1. උයාව බය කරන්නම තමයි හලෝ ඕන :p :p :p

      Delete
  2. සෑහෙන වටින විස්තරයක්.. අර නම් සෙට් එකේ සමහරක් ඒවානම් මම අහලා තියෙනවා.. අනික්වානම් කියන්නේ පත්තිනි මෑණීයන්ටමයි කියලා දැන ගත්තෙත් අද..

    ReplyDelete
    Replies
    1. බොහොම ස්තූති මෙයා ........
      g-) g-) g-) g-) g-)

      Delete
  3. කොල්ලා හදිස්සියෙන් වගේ කොටල තියෙන්නේ... කිරි අම්මලාගේ දානේ ගැනත් ලියන්නකෝ. :)

    ReplyDelete
    Replies
    1. ඔව් මේක කොට කොට ඉන්න එක විතරක්ය ඉතින් අපිට තියෙන්නේ . විස්තර ටික බලා ගත්තා කොටාගෙන කොටාගෙන ගියා . :p :p :p

      Delete
  4. හදිසිවෙලා කොටන්ට එපා බොලන්... අක්ෂර වැරදි බෝමයි...
    අර නං ගොඩේ තියෙනේව ඇහුවෙත් අදමයි... උඩිං උඩං තියෙන ඒව අහල තියෙනව... ඒත් අනික්ව නං අහලම නෑ..

    ReplyDelete
    Replies
    1. එල එල . න ණ ලල නම් මොකුත් බලලා නෑ . බලමු වැරදි අහු උනොත් හදන්නම් . එල එල g-)

      Delete
  5. ඔවු ඔවු දානෙ ගැනත් ලියන්න !!

    ඕකට ඇයි දන්නෑ කෙකි කෙළිය කියල දැම්මෙ නැත්තෙ

    ReplyDelete
    Replies
    1. හ්හ් හ්හ් හ්හ් ඕකට එහෙම නොකියන්නේ පත්තිනි දේවියගේ චරිතේ කවදාවත් සාසා කියන නමින් ප්‍රතිස්තාපනය වෙන්නෙ නැති නිසා :p :p

      Delete
    2. හඃ හඃ හඃ සාසා කෙකි වලට නෑ කියල ඔයා හොඳටෝම දන්නවනෙ :P :P

      Delete
  6. කතාවේ අර්ථය අමතක වුනා ඔයි අර පොටෝව දැකලා :D

    ReplyDelete
    Replies
    1. හඃ හඃ හඃ අමතක වෙන්නම තමා එහෙම දැම්මේ . :p :p :p

      Delete
  7. බොහොමත්ම ස්තූතියි. ගොඩක් වටින විස්තරයක්. ආටිකල් එක මං සේවු කරගත්ත.

    කාන්තාවක් මූලික වෙලා පටන්ගත්ත ක්‍රීඩාව, වර්තමානයේ කාන්තාවන් සඳහා නැරඹීම් පවා තහනම් එකනම් ලොකු අසාධාරණයක්.

    ReplyDelete
    Replies
    1. ඕක ඉතින් ඒ සාත්තරේ පැත්තෙන් ගත්තොත් වැරදියි කියලා මමනම් කියන්නේ නෑ . කාන්තාවන් තමන්ගේ මාසික ක්‍රියාවලිය ගැන විමසිල්ලෙන් ඉන්නවනම් හරි . මේ නීති දාලා තියෙන්නේ ඒ ගැන කල්පනාවක් නැති කාන්තාවන් නිසා වෙන්න ඕන කියලා තමයි මමනම් හිතන්නේ . ඒකෙ වරද්දකුත් නෑ . එල එල ටන්කු g-)

      Delete
  8. පාළගගේ ප්‍රයිවට් සෙකට්‍රි

    ReplyDelete
    Replies
    1. කවුද කවුද කෝ කෝ ??

      Delete
  9. වයලීනුවෝ......අර වතුරෙන් ගොඩ එන ජල පත්තිනි නම් ඔරිජිනල් පත්තිනි වඩා ගති :D

    ReplyDelete
    Replies
    1. හනේ අම්මපා මේ සීයලා වගේ ඉන්න උන් කියන කතා බලහල්ලකෝ ..... :p :p :p

      Delete
    2. නාකි විසේ මොකක්ද එකටත් උසේ නේ බන් වයලෝ :-bd :-bd :-bd

      Delete
  10. කොහේදෝ මන්ද තිබ්බ පිනකට පේරාදෙණියේ ගියපු හින්ද ඔය අන්කෙලිය බලාගන්න චෑන්ස් එකක් පිටත් සෙට් උනා. අවුරුදු උත්සවේකට මහා ශිෂ්‍ය සංගමෙන් පිටින් කට්ටියක් ගෙන්නලා ඔක තිබ්බා.
    .
    දවසක් ගෙදරට වෙලා ආතල් එකේ හිටපු මනුස්සයව ගෑනු කෙනා බලෙන්ම වගේ පන්සලට එක්කගෙන ගියාලු බන අහන්න. (තලන්නත් ඇති, අපි දාන්නේ නෑ ඔව්ව). ඉතිං එදා බන කිව්වේ විශාකා සිටු දේවිය ගැනලු. බන අහල එලියට එනකොට ගෑනු කෙනා අහනවලු
    "කොහොමද බන?"
    පිරිමි කෙනා දුන්නලු මුළු බන සාලාවටම ඇහෙන්න මෙන්න මෙහෙම.
    "අන්න විශාකලානේ ගෑනු. තොපි මොක්කුද."

    ReplyDelete
    Replies
    1. :-bd :-bd :-bd :-bd :-bd :-bd :-bd :-bd :-bd :-bd

      Delete
    2. හඃ හඃ හඃ ලොවෙත් ෆන්

      Delete
  11. බොහොම වටිනා ලිපියක්.. අර පින්තූරෙ දැක්කම නම් හොල්මන් වෙලා ගියා මාව. ටක් ගාල ස්ක්‍රෝල් කලා :D

    ReplyDelete

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.