Saturday, March 15, 2014

සඳකඩ පහණක ගණිකාවක් කැටයම් කරපු එකා අහුවුනොත්






කාලෙකට කලින් සිංදුවා අන්තිම පේළියේ මේ සිංදුව ගැන දැම්මා. මේ දවස්වල සිංදුවා එක්ක සින්දුවගේ පොට් එකේම නැවතිලා ඉන්න සිංදුවාගේ දුරින් නෑදෑයෝ වෙන බුලට් එකක් ඉන්නවා. මේකම දාන්න හිතුනේ ඌ නිසා . දවසක් ඔන්න සිංදුවායි සින්දුවගේ යාළුවයි චැටක් දාගෙන ඉන්නකොට එක පාරටම මූ

"සිංදුවා උඹ දන්නවද මේ සින්දුවේ තේරුම" කියලා අහපිනේ ? 

ඔහොම ඔහොම සිංදු ගොඩක තේරුම් අහනවා.... එව්වයි ඒවාට දුන්නු උත්තරයි පස්සේ කියන්නම්කො. ඌ වෙලාවට දන්නේ නෑ සිංදුවා කව්ද කින්ද මන්ද කියලා. හොහ් හොහ් හොහ් හොහ්. කෝම හරි ඔහොම අහගෙන අහගෙන ගිහින් මූ දැන් දානවා සඳකඩ පහණ සිංදුව.
දාලා කියනවා 

" මට ලොවෙත් සුවර් උඹ මේකේ නම් තේරුම කියන්නේ නෑ. අඩුම ගානේ උඹ හිතන්නෙවත් නෑ කියලා. "

 එහෙම කියපු ගමන් සිංදුවට මීටර් වුනා ගොනා මොන පොල් පැලේ කන්නද එන්නේ කියලා...නොදන්නා එකා වගේ ඔන්න සිංදුව අහලා පද ගලප ගලප ඉන්නකොට මෙන්න මූ හිනා වෙවී කියපි 

"ඕක නෙවෙයි බන් තේරුම" කියලා.

හාහ්... මට සවුත්තු හිනාව දාලා, හෙන ආඩම්බරෙන්.. ප්ලේ කර කර තිබුණු සිංදුව මුලට දාලා, සාඩම්බර ඉදිරිපත් කිරීමක් විදියට මෙන්න මූ සඳකඩ පහණ සිංදුවේ රියල් තේරුම කියනවා ඈ..මේ බොරු තේරුම බුකිය පුරා හැමතැනම තිබුනා පහුගිය කාලේ. ඔන්න ඒකෙ කොප්පක් ගැහුවා සිංදුවා.

මේකේ සදකඩ පහණකට ආරෝපණය කරලා තියෙන්නේ සැමියා නැති, කුඩා දියණියක් සිටින රූමත් කාන්තාවක්සදකඩ පහණක කැටයම් ඔපලා පාවෙන දේදුණු ලැගුම් ගනී තනිව සිටින මේ කාන්තාවගේ ඇසුරට මිනිස්සු එනවා. පාවෙන දේදුණු කියලා උපමා කරන්නේ ඒ මිනිස්සුන්ටකැලතුන රසයක පැන ආ බුබුලක් අකුරු වැලක් දෙහදක ලියවී මේ තහනම් ඇසුරේ කැලතුන රසය ගැන දන්නේ පැමිණෙන මිනිසාත් ගැහැණියත් පමණි

සදකඩ පහණ කොපමණ අනගි නිර්මාණයක් උනත් ඒක පයට පෑගෙනවා. ඒ වගේම මේ කාන්තාව කොච්චර ලස්සන උනත් සමාජයේ ගැරහුමට ලක් වෙනවා. යුගයෙන් යුගයට නොමියෙන දහනක දිවියක පදනම මතු වෙද්දී.නොපෙනෙන ඈතක ඈ ගෙනයනවා සියුමැලි කැකුලක් මැල වෙද්දී මේ විදියට දිගින් දිගටම මිනිසුන් ඇසුරුකරන මේ කාන්තාව ගණිකාවක් බවට පත් වෙනවා

එතකොට ගැහැණියගේ දරුවා නිවසේ තනි වෙනවා. කැකුලකට උපමා කරලා තියෙන්නේ ඒ දියණිය දහසක් පෙති මත රහසක් සගවා තුඩින් තුඩට ගෙනයන බින්දු ඇයව ඇසුරු කරන මිනිස්සු ඇය ගැන තමන්ගේ යාළුවන්ටත් කියනවා. ඇය ගැන ආරංචිය රහසක් විදියට පැතිරෙනවා, අහසක් ගුගුරා කළුවක් වපුරා ඒ හා මුසුවුණු වැහි බින්දු

මේ කාන්තාව මේ කටයුත්ත කරන්නේ කැමැත්තෙන් නෙවේ තම දරුවාගේ ජීවිතය වෙනුවෙන්, ඈ ගෙන යද්දී නටබුන් අතරින් තවකෙකු ඈ වෙත හද රැන්දූ පැමිණෙන පුද්ගලයා අසුරුකරලා ඉවර උන ගමන් ඈ ඇසුරු කරන්න තව පුද්ගලයෙක් එනවා. මේ විදියට ඈට තම ජීවිතය ගැටගහා ගන්න මිනිස්සු රාශියකගේ ආශාවන් පිරිමහන්න වෙනවා,


හදවිල ඉපදුන කැකුලක් නොකලට නටුවෙන් ගලවා ඉවත යවා තමන්ගේ රැකියාවෙන් දියණියට සිදුවන අවමානය නැතිකර ගන්න තමන්ගේ දියණියව ඈතකට යවන්න මේ කාන්තාවට සිදු වෙනවා. දියණියට සිදුවන්නේ අකාලයේ අම්මව අතහැරලා යන්න, මිහිලිය තෙත්කොට ගිලිහුන කදුලක් සත් සමුදුරකට මුහුව ගියා මේ කාන්තාව දියණියව වෙන තැනකට යවන්නේ ගොඩක් දුකෙන් ඒත ඇයට ඒක තවත් එක දුකක් පමණි, ඔබට උරුම වූ රිදුනු තැවුණු හද එක්ටැම් මැදුරක කවුරු අරා රුවන් විමානෙන් පියබා එනතුරු පොපියන හදවත සිටි බලා මේ කාන්තාව තමන්ගේ දියණිය ඉගෙනගෙන ලොකු තැනකට ගිහින් තමන්ගේ අම්මව දුක්බර ජිවිතයෙන් මුදව ගන්න එනකන් ඇගිලි ගනිමින් බලන් ඉන්නවා



හද්ද කෙප්පයක් වුනත් පට්ට ක්‍රියේටිව් විදියට ගලපලා තියෙනවා. මතකනේ ඔහොම වයලත් එකක් කලේ. මෙන්න මේ තේරුම සිංදුවාට දැන් අර ගොයියා කිව්වම නොදන්නා එකා වගේ හිටිය මූඩ් එක ගිහින් ඔන්න සින්දුවාත් සීරියස් විදියට දැන් හදනවා මුට තේරුම කියලා දෙන්න. 

"මචං දැන් ඔහොම තේරුමක් තියෙනවා කියලා හිතමුකෝ.. උඹේ ඔය චිත්‍ර පටිය හරි, අඩුම ගානේ ඔය චිත්‍ර පටියේ සිංදුව යන කොටසවත් දැකලා තියෙනවද ? "

"නෑ බං"

"එහෙනම් අහගනින්කෝ."

මේක සිව් කුළුඳුල් ගීතයක්. සුනිල් එදිරිසිංහයන්ගේ කුළුඳුල් සිංදුව. සතිස්චන්ද්‍ර එදිරිසිංහයන්ගේ කුළුඳුල් සිනමා අධ්‍යක්ෂණය. වික්ටර් රත්නායකයන්ගේ පළමු සිනමා සංගීත අධ්‍යක්ෂණය. වොලී නානායක්කරයන්ගේ පළමු ගීත රචනය.

මේ ගීතය වික්ටර් රත්නායකයන් කලුපලුවාවේ ගෙදර සිටියදී නිර්මාණය කරපු සිංදුවක්ලු. ඒ දවස් වල සුනිල් නිතර ඒ සිංදුව ප්‍රැක්ටිස් කරන්න එහෙ ගියාලු.

මේක මුලින්ම රෙකෝඩ් කරන්න සරසවි චිත්‍රාගාරයට සුනිල්ව බයිසිකලේ ඉස්සරහ තියාගෙන පැදගෙන ගියේ සුනිල්ගේ තවත් සහෝදරයෙක් වුනු නිමල් එදිරිසිංහයන්ලු . මේ සින්දුව කියනකම් සුනිල් රාගධාරී සංගීතය හදාරලා තිබුනෙත් නෑලු. රෑ එකොළහට වගේ පටන් ගත්තු ගායනය පාන්දර දෙක පමණ වෙනකම් වාර කීපයකම ආධුනිකයෙකු වූ සුනිල් කියනවලු.

ඔය සින්දුව ගැයුවාට පස්සේ වික්ටර් කිව්වලු

" මල්ලී ඔයාට බොහෝම දුර යන්න පුළුවන් කෙනෙක් ඔයා සංගීතය හැදෑරුවොත් තවත් හොදයි " කියල. එතකොට ඒක අහගෙන හිටපු සුනිල්ගේ අයියා සතිස්චන්ද්‍රයන් කිව්වලු

" හැබැයි මලේ සංගීතය ඉගනගත්තේ නැත්නම් මගේ පික්චර් වල මිට පස්සේ සිංදු නෑ " කියල.

පස්සේ සංගීතය සුනිල් පී.වී.නන්දසිරි ගුරුතුමාගෙන් ඉගෙනගත්තලු .



මේ සිංදුව මාතර ආච්චි චිත්‍රපටියට නිර්මාණය වුවක්. මෙහි අදහස මෙහෙමයි.

පික්චාර් එකේ හරියට ඒකෙ කොල්ලට වැඩිදුර අධ්‍යාපනයට රට යන්න සිද්ද වෙනවා. දැන් පොරගේ ගෑලු ළමයට පවුලේ අය බල කරවල වෙන කෙනෙක්ව බදින්න වෙනවා. දැන් අර කොල්ලා ආයේ රට ඉඳලා ආවම පොරගේ අදහස් තමා සිංදුවෙන් ටාගට් වෙන්නේ. 

සඳකඩ පහනක කැටයම් දේදුන්නක පාටින් වර්ණ ගැන්විලා හැඩ වෙනවා වගේ ඔපවත් ප්‍රේමයක් ගැන හීන මැවූ පෙම්වතෙක්. කැලතුණු දියක මතු වුනු පෙණ බුබුලක් වගේ, ඒ ප්‍රේමය බිඳී විසිරෙන හැටි බලා ඉන්නව.
යුගයෙන් යුගය නොනැසෙන සදාතනික දහනක යුග ජීවිතයේ පදනම හැදෙන හැටි ඔහු සිහින මවනවා.


එත් නොසිතූ ලෙස ඔවුන්ට වෙන් වෙන්න සිද්ධ වෙනව.මී මැස්සෝ තමන්ගේ වදය බඳින්න පැණි ගේන්න මොන තරම් දුක් විඳිනවද. දහසක් මල් වලට කොඳුරමින් තුඩින් ගෙනා ඒ පැණි බින්දු ගව්වක් ඉහළ තැනක බැඳුනු වදයක තැන්පත් කරනවා.

ඒ මතු බලාපොරොත්තු ඇතිව.එත් අහස ගුගුරා වහින අකල් වැස්සෙන් ඒ පැණි වල තත්ත්වය බාල වෙනවා.
මේ පරාජිත ප්‍රේමවන්තයාගේ ජීවිතයේ බිඳුණු සිහිනය වගේ.තමන් හැරදා වෙනකකු හා බැඳුනු පෙම්වතිය තම සිහිනය බොඳ කල හැටි. හදවත නම් විලේ උපන් කැකුළු මලක් අකාලයේම මිය පරලොව ගිහින්.
ඒ වෙනුවෙන් උපන් කඳුලක් මුසු මුනේ මහා සාගරයට. මහා සයුරට මුහුවුණු කඳුල වෙන් කරලා අඳුන ගන්න බැහැ. ඒවගේම තමයි ඒකට වටිනා කමකුත් නැහැ.බිඳුණු ප්‍රේමයේ අයිතිකාරියට නම් කොහෙත්ම වටිනාකමක් නෑ.එත් මේ පරාජිත ප්‍රේමවන්තයා ඇය වෙනුවෙන් වෙන් වුණු හදවත, එක්ටැම් මැදුරක සිර කරගෙන බලා ඉන්නව කවද හරි ඇය නැවත එතැයි කියන බලාපොරොත්තුවෙන්.

මේ තේරුමට සිංදුවාට උදව් කලේ බුකියේ ඉන්න සිංහල සුභාවිත ගීතය කියලා කෙනෙක්. සිංදුවා ඔය ටික කිව්වට කොහෙද අර ගොයියා නෙවෙයි විස්වාස කොරන්නේ.

"ඉතින් බන් ෆිල්ම් එකේ ගණිකාවක් ගැන කියවෙන්නේවත් නැතුව එහෙම සිංදුවක් දානවද ඉතින් ෆිල්ම් එකට ? "

"සමහර වෙලාවට ෆිල්ම් එක කරපු එවුනුත් ඕකේ තේරුම දන්නේ නැතුව ඉන්න ඇති බං "

එතනින් එහාට මේ සිංදුව ගැන මේ ගොයියා එක්ක කතා කරලා වැඩක් නෑ කියලා සිංදුවා ඉටාගත්තා..
අපරාදේ පස්ට සිංදුවක් වැරදි අර්ථයකින් හම්පට්ට ගැහෙනවා.

මේක අන්තිම පේලියේ දැම්මට පස්සේ ඒකෙ ඉන්න අයත් එක එක කොමෙන්ට්ස් දැම්මා. ඔන්න මම එව්වා ටිකත් මේකට ඇඩ් කොරනවා.

ට්‍රෝජා:
හුඟදෙනෙක් ප්‍රිය කරන බොහොම අපූරු ගීයක්.. මගෙත් කැමතිම ගීත අතරින් එකක්. නමුත් ගීතය ඉතා විශිෂ්ට ගේය පද රචනයක ලක්ෂණ දරන්නෙ නැහැ කියලයි මගෙ පුද්ගලික මතය. “සඳකඩ පහනක කැටයම් ඔපලා..පාවෙන දේදුනු ලැඟුම් ගනී“ අදහස පුද්ගලික වැඩියි යැයි හිතෙනවා.. අර්ථය තියෙන්නෙ රචකයාගේ මනසේ. නමුත් ගීතය තුලින් එළියට එන්නෙ හුදෙක් වචන සමූහයක් පමණයි. කෙසේ වුවත් සුනිල් එදිරිසිංහයන්ගේ භාවත්මක හඬ පෞරුෂයත් වික්ටර් රත්නායකයන්ගේ විශිෂ්ට සත්සර මුසුවත් සමග ඒකාත්මික ව ශ්‍රාවක සිත වෙනත් තලයකට රැගෙන යන සුවිශේෂී ගීතයක්. ඔබේ විචාරයත් ඉතා විශිෂ්ටයි!! අපූරුයි!!

ජෙමා:
කනට වැටිච්ච පළවෙනි වතාවෙන්ම පෙම් බැන්ද ගීත වලින් එකක් මල්ලි.. කොච්චර පෙම් බැන්දද කිව්වොත් අර අම්මගෙයි දුවගෙයි විචාරෙ මීට කලින් මම බුකියෙ හරි කොහෙදි හරි දැක්කම මට පොඩ්ඩක් දුක සහ කේන්තිය වගේ හැගීමක් ආව. මොකද මට මේකෙ තියෙන වචන ලෙස්බියන් ලවකට මිස වෙන කාන්තාවන් අතර පෙමකට දක්වන් ටිකක් අමාරුයි වගේ නිසා. ඒත් කෙනෙකුට ඕනෙම මතයක් ගොඩ නැගීමේ හැකියාව ගැන තර්ක නොකරමි.. . මල්ලි එක තැනක වෙනසක් තියෙනව නේද? "රුවන් විමානෙට පියඹා එනතුරු" නෙමෙයි. "රුවන් විමානෙන් පියඹා එනතුරු" වෙන්න ඕනෙ.. ඒ දෙකේ තේරුමේ වෙනසක් තියෙනවා... . මට මේ ගීතය අහනකොට රිද්මයත් එක්කම ආදරය, රාගය, බලාපොරොත්තුව වගේම යටි පෙලින් දිවෙන කේන්තිය හා වෛරය යන හැගීමුත් එනවා. මම චිත්‍රපටිය බලල නම් නැහැ හැබැයි..... මට තැන් කිහිපයක මල්ලිගේ විචාරයට වෙනස් විචාරයක් තිබේ..

මල්ලි මම පල්ලෙහා ගහපු කොමෙන්ට් එක ගැහුවට පස්සෙ තමා ඔයාගේ කොමෙන්ට් එක දැක්කෙ. මම වෙනස් විචාරයක් තියෙනවා කියලා මගෙ කොමෙන්ටුවෙ ගැහුවෙ මල්ලි පෙන්නපු පේලි දෙක නිසා.. අනිත් ඒවට මම බොහෝ දුරට එකගයි. "සදකඩ පහනක කැටයම්" කියන උපමාව ගත්තාම වෙන තේරුමක් තියෙනවා නේද? "සදකඩ පහන" කියන්නෙ නිර්මාණයක් කියන එක හරි වගේම "සදකඩ පහනේ කැටයම්" කියන්නෙ ලස්සන වඩා අර්ථයක් හා ගැඹුරක් තියෙන දෙයක්.. ඒකෙන් ආදරයේ සුන්දර බව සහ ගැඹුරු බව අර්ථවත් වෙනවා කියන එකයි මට දැනුනෙ. ඊලගට "ඔපලා" කියල වචනෙන් ඒ ගැඹුරට ආලෝකය ලබා දීම පෙන්නනවා. හැබැයි ඒක ඔප දමන්න එන්නෙ "පාවෙන දේදුනු" . එතන ටිකක් වේගය කියන එක එනවා නේද "පාවෙන" කියන වචනය එක්ක. මේ ගලා යාම ගීතය පුරාම මට යන්තමින් හෝ දැනෙනවා... (අනිත් එක තමා මල්ලි මේ ගීතයේ අන්තිමට ගැයෙන සිටී බලා කියන පේලියත් එක්ක ඇර අනෙකුත් හැම තැනම තියෙන්නෙ ටිකක් ප්‍රබල හඩක් සෝකය එතරම් නොදැනෙන හඩක්..) හැමදාම කියන්නා වගේ මේක මගේ අදහස. මට වඩා ඇත්තටම කවිය හා ගේය පද ගැන අවබෝධයක් මල්ලිට තියෙනවා.

ට්‍රොජා:
මට හිතෙන්නෙ අයියෙ මේ ගීතයේ තියෙන විග්‍රහ කිරීමට අපහසු නොපැහැදිලි ස්වභාවය තමයි ගීතයේ වඩිනාකම වැඩි කරල තියෙන්නෙ. මේක අහන කෙනාගෙ මනසේ විවිධාකර රූප මවන්න ගීතය සමත්වෙනවා. මම දැකල තියෙනවා සමහර අය, සඳකඩපහන ප්‍රේමයේ ස්ථීර බවටත් පාවෙන දේදුන්න එහි අස්ථීර බවටත් උපමාකරනව. තවත් අය පාවෙන දේදුන්න උපමා කරන්නෙ ප්‍රේමයේ සුන්දර ස්වභාවයට. මට නම් හිතෙනේනෙ සපත්තුවට ගැලපෙන්න කකුල කපනවා මිසක් නිවැරදි තේරුමක් දිය නොහැකියි කියලයි. ‘පායන‘ දේදුනු ගැන නොකියා ‘පාවෙන‘ දේදුනු ගැන කියන නිසයි මම කිව්වෙ අදහස පුද්ගලික වැඩියි කියල. ගීතයේ අන්තරා කොටසේනම් අර්ථවත් බවක් දැකිය හැකියි. (අන්තිමට කියල තියෙන දේටනම් මම එකඟ වෙන්නෙ නෑ. අපි කාටත් වඩා පුළුල් දැක්මක් අයියට තියෙනවා.)


ලැම්බා :
මේ තැනට අදාළ නැති වුනත් මේක දැකපු තැන ම කියන්න හිතුන...ඇත්තටම නිවරැදි වදන 'සඳකඩ පහන' නොව 'සඳකඩ පහණ' යි...එහි අරුත ඔබට කියාදෙන්නට ඕන නැති බව මම දන්නවා...


පිස්සු පූසා:
සඳකඩ පහනක කැටයම් ඔපලා පාවෙන දේදුනු ලැඟුම් ගනී කැලතුනු රසයක පැන ආ බුබුලක් අකුරු වැලක් දෙහදක ලියවේ මටනම් තේරෙන්නේ මේකෙන් කියවෙන්න ඔවුන් දෙන්නගේ ප්‍රේමය පටන ගැනීම කියලයි සඳකඩ පහණේ කැටයම් තවත් ඔපවත් කිරීමට , පාවෙමින් තිබුණු දේදුනු ඒ මත නතර වෙනවා ( සුන්දර යුවතියකගේ ජීවිතය තවත් ලස්සන කරමින් වෙනතක යමින් සිටි තරුණය ඇයට ආදරය දී ඇය සමග නතර වෙනවා ) ඉතිරි පද දෙකෙන් කියනවා ඔවුන් දෙන්න තහනම් ගහේ ගෙඩි කමෙන් පසු , ඒ රසයෙන් මුසපත් වී ඔවුන්ගේ ආදරය ස්ථිර ලෙස හදවතේ සනිටුහන් කර ගැනීම

මෙන්න මේ ජෙමියා දාපු කොමෙන්ට් එක ලොවෙත් පට්ට 

ජෙමි:

මේ වනාහී, සිවු කුළුඳුල් කලාකරුවන් පිරිසක් අතින් හෙළ කලා කෙත අස්වද්දා නෙලා ගත් සාරවත් ඵලයක් සේ හඳුන්වා දිය හැකි ගීතයකි. “සඳකඩ පහණ”ක් සේ ස්ථිර සාර වූ සිය ප්‍රේමය අබියස සිය පෙම්වතියගේ ප්‍රේමයෙහි ඇති අස්ථිර බව පෙම්වතා දකින්නේ “පාවෙන දේදුන්න”ක් මෙනි. එහෙත් මනරම් දේදුන්නක් බඳු වූ ඇයගේ ප්‍රේමය /ආදරය මගින් සඳකඩ පහණ “ඔපලූවා” මිස ඇය එය සිඳ බිඳ නොදැම්මාය. ඔවුන් දෙහදෙහි ඇති වූ හැඟීම් සමුදාය මේ යැයි වෙන්කොට දැක්විය නොහැකිය. එය, ආදරය,මෛත්‍රිය, කරුණාව, රාගය ආදී වූ හැඟුමන් සම්මිශ්‍රණයකි. එයින් නැගී එන්නේ “කැළැතුණු රසය”කි. 

“යුගයෙන් යුගයට නොමියෙන දහනක දිවියක පදනම මතු වෙද්දී....” සදාකාලික වූ සිය ප්‍රේමය හමුවේ සිය ජීවිතය ද ස්ථිරසාර වූ මට්ටමක පවතින බව පෙම්වතා පවසන්නේ එළෙසිනි. එනම් ඔවුන්ගේ යුග දිවියට මේ වන විටත් ඔහු පදනම් සකසා අවසන්ය. නමුත් ඉතා ශෝචනීය ලෙස ඔහුට පෙම්වතිය අහිමිව යන්නේ සිය සන්තානයේ ගැඹුරෙහි ඈ වෙනුවෙන් උපන් ආදරය මිලිනව යද්දීය. ඔහුගෙන් වෙන්කොට ගත් පෙම්වතිය රැගෙන යන්නේ ඔහුට නොපෙනෙන තරම් වූ දුර ඈතකටයි. “සියුමැළි කැකුළක් මැළ වෙද්දී....” යන පදයෙන් ගම්‍ය වන කරුණු දෙකකි. එනම් සියුමැලි කැකුළ යනු දුකට පත් පෙම්වතාගේ නොකැලැල් ආදරයයි, නැතහොත් පෙම්වතාගෙන් දුරස් කර රැගෙන යන පෙම්වතිය විය හැකිය. ඒ මන්ද යත් සියුමැලි කැකුළ මැළ වෙන බැවිනි. එනම් පෙම්වතිය ඉවත ඇදී යන්නේ අකමැත්තෙනි. 

පද්‍යයෙහි දෙවන කොටසින් අපූරු උපමාවක් යොදා ගනිමින් ඔවුන් දෙදෙනාගේ ප්‍රේමය සිඳී ගිය අයුරු දක්වා ඇත්තේ මෙලෙසිනි. “දහසක් පෙති මත රහසක් කොඳුරා තුඩින් තුඩට ගෙන යන බින්දු ගවුවක් ඉහළට ගොනු කොට රඳවා පොපියන දෙතොලක් එහි කැන්දු අහසක් ගුගුරා කලුවක් වපුරා ඒ හා මුහුවුණු වැහි බින්දු.....” සහස් මල් මතින් බිඟුන් රොන් උරා ගනු ලබන්නේ දහසක් පෙති මත රහසක් කොඳුරමිනි. එලෙස උරා ගත් මල් රොන්, කිසිවෙකුට අත පෙවිය නොහැකි මානයේ “ගවුවක් ඉහළින්” ඉදි කරන්නා වූ මී වදයෙහි තැන්පත් කොට, “දෙතොල් පොපියවන” තරම් රසවත් වූ මී පැණි නිපදවති. නමුත්, අකලට වට වරුසාවකට ඒ රසය හීන කිරීමට ගත වන්නේ සුළු මොහොතකි. එලෙසින්ම බි‍ෙඳන් බිඳ වෙහෙසී ගොඩ නගා ගත් සිය ආදරය ද, අතිශයින්ම රසවත් ප්‍රනීත බවින් පිරී ගොස් තිබූ නමුදු, අකල් වැස්සකින් සේදී ගිය මී වදයක් සේ, දෙවැන්නෙකුගේ ආගමන නිසා සිඳී බිඳී ගිය බැවු පෙම්වතා පවසයි. 

මොන තරම් සංයමයකින් යුතුව කෙතරම් උචිත අයුරින් යොදා ගෙන ඇති උපමාවක්ද? දෙවැන්නා විසින් සිය පෙම්වතිය රැගෙන යනු ලබන්නේ ප්‍රේමයේ “නටඹුන්” අතරිනි; එක් අතෙකින් නශ්ට වූ පෙම්වතාගේ ප්‍රේමයයි, අනෙක් අතින් ප්‍රේමය සිඳී ගිය පෙම්වතියගේ හදවතයි. නැතහොත්, ප්‍රේමය බිඳී ගිය තරුණියගේ හදවතින් දෙවැන්නාට යලිදු ආදරයක් නොලැබෙන බවට ඉඟියකි. ඔවුන් දෙදෙනා නික්ම යනු පෙම්වතා බලා හිඳින්නේ නටඹුන් නගරයක සිටයි: නටඹුන් වූ හදවතකිනි. පෙම්වතිය වනාහී පෙම්වතාගේ හදවත නම් විලෙහි සුපිපුණු කුසුමකි. ඔහු ඇයට යන්නට ඉඩ හරින්නේ කිසිදු අන්දමකින් ඇයට පීඩාවක් නොකරමිනි: 

“හද විල ඉපැදුණු කැකුළක් නොකලට නටුවෙන් ගලවා දුරක යවා’’ ඔවුන්ගේ සිත් සතන් හි බිහි වූ සෙනෙහසේ කැකුළ, පූදින්නටත් පෙරාතුව අකාලයේ නටුවෙන් ගලවා වෙන්කර ඇත. ඔහු ඇයට යන්නට හරින්නේ හිතකින් නොවේ. ඇය නික්ම ගිය කල ඔහුගේ වේදනාව පිටාර ගලයි. වේදනාව දරා ගත නොහී, ඔහු හඞා වැටෙන්නේ කාටත් හොර රහසේය. එය කවියා දක්වන්නේ “මිහිලිය තෙත් කොට කඳුළක් ගිළිහුණු” බැවු පවසමිනි. ඔහු හෙළූ කඳුළ මුසු වන්නේ සත් සමුදුරටයි. සමුදුරට මුසු වූ ලුණු රස වැකි කඳුලක් යළිදු සොයනු කෙසේද? එළෙසම කිසිවෙකුට ඔහුගේ වේදනාව ද දැකිය නොහැකිය. 

අනෙක් අතට සත් සමුදුරට උපමා කරනුයේ ප්‍රේමයෙන් පැරදුණු, මෙදියත වසන සුවහසක් පෙම්වතුන් දෝ හැ‍ගෙයි. එනම් ඔහු ඔවුන් අතුරෙන් එක් අයෙකු පමණි. එලෙස අදහස් කිහිපයක් ඉස්මතු වන අයුරින් පද ගලපා ලීමට පද රචකයා විසින් යොදා ගෙන ඇති උපමා රූපක කෙතරම් අපූර්ව ද? එය ගීත රචකයාගේ නෛපුන්‍යතාව විදහා දක්වන දෙවන තවත් අවස්ථාවක් වේ. සිය පෙම්වතිය අහිමිව ගියද ඔහු තවමත් ඈ කෙරෙහි බැඳී ඇත: ඔහු තව දුරටත් බලාපොරොත්තු දල්වා ගෙන බලා සිටින්නේ සිය පෙම්වතියගේ ආගමනයයි. 
“ඔබට උරුම වූ රිදුණු තැලුණු හද එක්ටැම් මැදුරක කවුළු අරා රුවන් විමානෙන් පියඹා එනතුරු පොපියන හදවත සිටී බලා....” ඔහුගේ හදවතෙහි උරුමක්කාරිය ඇය පමණි. වෙනත් අයෙකුට එහි පිවිසිය නොදී ඔහු සිය හදවත එක්ටැම් ගෙයක සිරකොට බලා හිඳින්නේ, පෙම්වතිය සිය “රුවන් විමානයෙන්” පියඹා යළිදු තමා වෙත පැමිණෙතැයි බලාපොරොත්තුවේ ආලෝක පුංජයක් දල්වා ලමිනි.




සඳකඩ පහණක කැටයම් ඔපලා
පාවෙන දේදුනු ලැඟුම් ගනී
කැලතුනු රසයක පැන ආ බුබුලක්
අකුරු වැලක් දෙහදක ලියවේ
යුගයෙන් යුගයට නොමියෙන දහමක
දිවියක පදනම මතුවෙද්දී
නොපෙනෙන ඈතක ඈ ගෙන යනවා
සියුමැලි කැකුළක් මැලවෙද්දී

දහසක් පෙති මත රහසක් කොඳුරා
තුඩින් තුඩට ගෙනයන බිංදු
ගව්වක් ඉහලට ගොනුකොට රඳවා
පොපියන දෙතොලක් එහි කැන්දු
අහසක් ගුගුරා කලුවක් වපුරා
ඒ හා මුසුවුණු වැහි බිංඳු
ඈ ගෙන යද්දී නටඹුන් අතරේක
තවකෙක් ඈ වෙත හද රැන්දු

හදවිල ඉපදුණු කැකුලක් නොකලක
නටුවෙන් ගලවා දුරක යවා
මිහිලිය තෙත්කොට ගිහිලුණු කඳුලක්
සත්සමුදුරකට මුසුවගියා
ඔබට උරුම වූ රිදුනු තැවුණු හද
එක්ටැම් මැදුරක කවුළු අරා
රුවන් විමානෙට පියඹා
පොපියන හදවත සිටී බලා



ගොඩක් වෙලාවට මෙතනින් ඉවර උනාම කට්ටියම අත්පුඩි තලනවනේ.ඊළගට සුනිල් එදිරිසිංහයන් හිනාවෙලා කියනවා

" ඔය දැන් අත්පුඩි ගහන්නේ තව කෑල්ලක් ඉතුරුයිනේ " කියල.

එහෙම කියල ආයේ ගයනවා මේ ටික

"සිටී බලා...."


47 comments :

  1. අනේ මන්ද...දවසක් ඔය අයිතිකාරයො 4 දෙනාගෙන් කෙනෙක්ගෙන මේක තේරුම ඇහුවම එතුමත් කිව්වෙ මේකට නිවැරදි පැහැදිලි කිරීමක් නැති බවක්. මම හිතන්නෙ මේක තමන් කැමති මානයකට තමන්ටම යන්න හදල දීපු බෝට්ටුවක් වගේ සීන් එකක්..

    ReplyDelete
    Replies
    1. මචන් ඇනෝ සේකරත් ඔහොම කියලා තියෙයි. ඇත්ත කැමති කෙනෙක්ට කැමති විචාරයක් දෙන්න පුළුවන්. එහෙම කියලා ඒක නිවැරදිම වෙන්නේ නෑ නොවැ. අර අර්ථ දැක්වීමේ වුනත් නොගැලපෙන තැන් කීයක් නම් තියෙයිද. කොටින්ම පටන් ගන්න තැනෙ ඉඳලම නොගැලපීම්, ගලපගන්න බැරි හිස් තැන් ගොඩක් එනවා. මෙහෙම අර්ථ දක්වන්න ඕනිනම් මව්ගුණ ගීතයක් වුනත් ප්‍රේම ගීතයක් විදියට දකින්න පුළුවන්. ඒත් අවුල ඒක නිවැරදි නෑනේ.
      කැමති මානයකට කැමති කෙනෙක්ට යන්න පුළුවන්. ඒක ඒ ඒ පුද්ගලයාගේ බුද්ධි මට්ටම, තර්කය මත ඩිපෙන්ඩ් වෙනවා. වඩා වැදගත් වෙන්නේ මොකක්හරි තේරුමක් හිතාගන්නවට වඩා නිවැරදි තේරුම අවබෝධ කරගන්න එක නෙවෙයිද.

      Delete
  2. මගුල !

    මාත් fb එකේ ගිය ෆොටෝ එක බලලා කල්පනා කරේ මේ ගීතයට ඔය දීලා තියෙන ගණිකා කතාව ෆිල්ම් එකේ අදාළ තැනට කිසිම ගැලපීමක් නෑ කියලා . ඕකට සමහර අය කමෙන්ට් වලින් කිව්වා ලිව්ව කෙනා ෆිල්ම් එකට අදාළ නැති තේරුමක් එක්ක ගීතය එකතු කරලා තියෙන්නේ කියලා . ඒ උනාට මම කියන්නෙත් එහෙම හිතන්නත් බෑ . මොකද එච්චර හොඳට පදවැල් අමුණන්න පුළුවන් මනුස්සය ෆිල්ම් එකේ තේරුම තේරෙන්නේ නැති බබෙක් වෙන්න බෑනේ .

    මම දවසක් අහම්බෙන් හම්බෙලා ෆිල්ම් එක බැලුවා . ඒකෙ තියෙන්නේ කෙල්ල කොල්ලට ලවු කරනවා . පස්සේ කෙල්ල වෙන කෙනෙක් බඳිනවා . කෙල්ල දැන් වෙඩින් එක වෙලාවේ අලුත් මනමාලයා එක්ක සෝෆා එකක වාඩිවෙලා ඉන්නවා . එතනදී තමයි පරණ කොල්ලා නව යුවලට ඇහෙන්න මේ ගීතය ගායනා කරන්නේ . ඉතින් ඔතනට ගණිකා කතාවක් ගෑවෙනවනම් මේ ලෝකේ ඉන්න වැඩිහරියක් ගෑණු ගණිකාවෝ වෙන්න ඕන . මොකෝ බඳිනවා කියලා බඳින්නේ පළවෙනි කොල්ලයැ . ඔන්න සමහර අයටනම් ගිය ආත්මේ පවු පලදීමක් විදියට එහෙම වෙන්න පුළුවන් y-) y-) y-) y-)

    සතිස්චන්ද්‍ර මහත්මයා තමා ඔය ගීතයට පසුබිම් උන පරාජිත පෙම්වතාගේ චරිතය කලේ . පස්සේ මේ කෙල්ලට කීප දෙනෙක් ට්‍රයි කලාද කොහෙද . මේ ට්‍රයි කරන අය අන්තිමට ජීවිත නැති වෙනකං සටනක් කරා වගේ මතක . කෙල්ලත් මුහුදට පැනලා මැරෙනවා වගේ මතක . අන්තිම ටික හරියටම මතක නෑ . දන්නා කෙනෙක් නිවැරදි කරොත් හොඳයි ෆිල්ම් එකේ කතාව . කොහොම හරි ඕකට ගණිකා කතාවක් ගෑවෙන්නේ නෑ .

    මේ සිංදුව කාපු උන්ට කියන්න තියෙන්නේ " මුන්ට ලූස් , උස්සනවා දැනගනින් with මර්ලින්ගේ ෆොටෝ එක " කියලා තමා .

    ReplyDelete
    Replies
    1. හෙහ් විචාරයක් කලාම බනිනවා නෙවෙයි වයලෝ බට් ඒක වැරදිනම් වැරැද්ද පෙන්නුවම ඇති නොවැ. :D කොහෙන් හරි හරි ඒක පෙරිලා හැමෝටම යනවනම් ඒක නොවැ වෙන්න ඕනා :D

      Delete
  3. ඇනෝගෙ කතාවට මාත් එකඟ වෙනවා. මේක නිදහස් ගීතයක් වෙන්නෝනි..
    http://masandumal.blogspot.com/

    ReplyDelete
    Replies
    1. විචාරය නිදහස් වෙලා තමා තියෙන්නේ මනෝෂ්. හරි මොකක්ද වැරදි මොකක්ද කියලයි තෝරලා ගන්න ඕනා. :D

      Delete
  4. Replies
    1. බොහෝම ස්තුතියි බස්සි :D

      Delete
  5. හඃ හඃ මම මේ ඔය සිංදුව ගැන ට්‍රොජා කිවුව දෙයක් කොමෙන්ට් කරන්න හිතා‍‍න කියවං ආවෙ.කොහෙද ඒකත් දාලනෙ.ට්‍රොජා කියන්නෙ මේ සිංදුව නියම සපත්තුවක් කියලා :D

    මම නම් ආසම සිංදුවක්.හැබැයි ඇත්තවසයෙන්ම තේරුම හිතල මතල තිබුනෙ නෑ (හිතුවට තේරෙන එකක්ය) මම හිතං හිටය බූට් සංදුවක් තමා කියල.නියමයි ඇත්තටම කස්ටියගෙම විචාර ටික

    අම්මප අපි ජෙමියට සලකනවා මදිනෙ

    ReplyDelete
    Replies
    1. මේ ගීතය වික්ටර් මහත්තයා ගායනා කරන්න ඉඳලා සතිස්චන්දුයන්ගේ ඉල්ලීම නිසා සුනිල් එදිරිසිංහයන්ට දුන්නා කිය මම අහල තියෙනවා..

      Delete
    2. අන්න ඒක මම කලින් අහලා නෑ සාසෝ. ටන්කු ඒ තොරතුරු මේකට ඇඩ් කොලාට ඈ.
      සිරා සිරා ජෙමියා ඔහොම හිටියට පේනවනේ ප්‍රබුද්ධ පෙත්ත ගැහුවම :D

      Delete
  6. මං හැමදාම ඔය සින්දුව අහල ඉවර වුනාම ආයෙත් වතාවක් අහනවා. අහපු පලමු වතාවෙම හිත පතුලටම වැදුනු සින්දුවක්.

    ReplyDelete
    Replies
    1. මටත් එහෙමයි චන්දන... ඒකෙ මියුසික් නිසා වෙන්න ඇති.

      Delete
  7. සමහර ඈයො ඉන්නව ඔය වගේ මානසික ආබාධ තියෙන අය...
    දිවුල්ගනෙයි කපුගෙය් කියන රුවක් ඇදෙනවා සිංුදවට නවුද හපුට්ටෙක් කියල තිවුන ඒක සමලිංගික ගීතයක් කියල... මේ වගේ හාවන්ට වනන්ට ඕන ******** කින්

    ReplyDelete
    Replies
    1. හඃ හඃ විචාරයක් කොරන එක හැමෝගෙම නිදහසනේ බන්. වැරදි එකක්නම් ඒක වැරදි කියලා කඩලා දැම්මම අහවරයි නොවැ. හඃ හඃ හාවෝ අල්ලනේ පරිස්සමෙන් ඈ :D

      Delete
    2. Methana hugak aththe campus yana ayyala akkala wenna ona.mama nm ehema ugathek newei.anika kalaa karayekuth newei.habai deyak kiyanna ona.me Mahesh Rathnayake sahodaraya daala thiyena sinduwe topic ekei weradda thiyenne.ehema sama lingika aruthak denne GAHAKA MAL PIPILA geethayen tamai.matath kenek qwata passe mamath ahala baluwa eka.kathawa aththa kiyalath hithenawa.poddak me SINDUWA kiyala inna ayya me gana pahadili.kireemak karanawada?

      Delete
  8. තමන්ට දැනෙන විදියට කියවිමෙත් ලොකු අවුලක් දකින්න බැ නේද

    ReplyDelete
  9. තව ඔය විදිහේම හිතාගන්න අමාරැ තේරැමක් තියන සිංදුවක් ‘‘ මූදු පතුල යට ඉදිලා.. මුතු ඇටයක නිදි කරවා..“ හිතාගන්න අමාරැයි කිව්වේ මම දැක්කා බොලොග් එහෙක ඒකේ තේරැම ලියලා තියනවා.. සමහර අයනම් දකින්නත් ඇති...

    ReplyDelete
    Replies
    1. මේක ගැන නේද සජිත් කියන්නේ ?

      Delete
  10. මෙහෙම වුනාම වෙන්නේ මේ ගීතයේ නිවැරදි අර්තය පසු පරම්පරාවට නොයන එකයි. මට හිතෙනවා පද රචකයා ලියන්න අදහස් කරපු දේ කොහේ හරි තැනක ලියා තැබිය යුතුයි කියලා. තමන්ට දැණෙන ආකාරයෙන් රස විඳීම වරදක් නැහැ. නමුත් සම්පූර්ණයෙන්ම වෙනස් ආකාරයේ අර්ත දැක්වීම්නම් හරි අසාධරණයි.

    ReplyDelete
    Replies
    1. ඒකනේ අරු කියන්නේ. ඔක්කොම රස මතක එක්ක රචකයා ,ගායකයෝ ,අවුල් වෙන්න කලින් අරූ වගේ ලියනවනම් සුපිරි. ඇරත් ඉඳලා හිටලා හරි ලියපු පොරකගේ පොතක් මේ කපේට එන්නේ නෑ කඩවල් වලට. එන පොත් දෙක තුන පහුවදා ඉවරයි. චඃ :(

      Delete
  11. මාත් ඔය බුකියේ තිබ්බ ෆොටෝ එක දැක්කා.. සිංදුවේ විදිහටනම් ඒක ගැලපුනාට මොකද ඇත්තම තේරුම ඒක නෙමෙයි කියලා මාත් හිතුවා..

    ReplyDelete
  12. හත් ඉලව්වයි

    ඒ ඔය කියන ඊමේල් එක අපේ ඔපිසියෙත් එහෙ මෙහෙ පාවුනා. මෙහෙ අයත් (මං ඇතුලුව) හිතුවේ ඒක එහෙමයි කියල.

    "මේක සිව් කුළුඳුල් ගීතයක්. සුනිල් එදිරිසිංහයන්ගේ කුළුඳුල් සිංදුව. සතිස්චන්ද්‍ර එදිරිසිංහයන්ගේ කුළුඳුල් සිනමා අධ්‍යක්ෂණය. වික්ටර් රත්නායකයන්ගේ පළමු සිනමා සංගීත අධ්‍යක්ෂණය. වොලී නානායක්කරයන්ගේ පළමු ගීත රචනය." මරු....

    w-) w-) w-)

    ReplyDelete
    Replies
    1. අවුලක් නෑ මෙයා දැන් දන්නවනේ ඒක එහෙම නෙවෙයි කියලා. :D

      Delete
  13. අර ගණිකාව කතන්දරේ නම් තේරුමක් නැති කතාවක්. ඒ විදිහට ගීත විචාරය කරනවා නම්, ඕනේම කතාවක් මේ සින්දුව ආශ්‍රිතව පහදන්න පුළුවන්. ඕනෙ නම් මැලේසියන් ගුවන් යානය අතුරුදන් වීමත් මේ සිංදුවෙන් පැහැදිලි කරන්න පුළුවන්. දැනට නිකමට අන්තිම පදේ විතරක් මතක් කරගන්න...

    මේ ගීතයේ අර්ථය චිත්‍රපටයේ කතාවත් සමග බද්ධවන බව තමයි මමත් අහලා තියෙන්නේ. වරක් සුනිල් එදිරිසිංහයන්ම එහෙම කිව්වා. අර ට්‍රෝජා කියලා තියනවා වගේ මේ ගීතයේ පද පෞද්ගලික වැඩියි. චිත්‍රපටයේ කතාව සමග වුවත් ගලපනකොට 100% එහෙම කරන්න අපහසුයි. නමුත් මධුර තනුව, භාවිතාවන වචන නිසා මේ ගීය අතිශය මියුරු ගීයක් වෙනවා. පහසුවෙන් පැහැදිලි නොකල හැකි පද රචනාවත්, ගීතයට තවත් මානයක් එකතු කරලා තියනවා. මට නම් හිතෙන්නේ ගීත රචනයේ එතරම් අත්දැකීම් නොතිබුණු වොලී, මෙහි අර්ථයට වඩා වචන ගැලපීමට මුල් තැන දෙන්න ඇති කියලයි.

    මම කාලයක් මහව ප්‍රදේශයේ හිටියා.. (අනූව දශකයේ මුල) එතකොට වොලී නානායක්කාර මහව නගරයේ ත්‍රීවීල් එකක් දුවනවා. ඒ කාලේ මම පාසල් යනවා, ගෙදර යන්නේ නිවාඩුවට පමණයි. නමුත් මට ඔහු හමුවී මේ ගීතය ගැන අහන්න ඕනෑ තරම් අවස්ථාව තිබ්බා. මොකද වොලී සහ මගේ පියා අතර සාමාන්‍ය මට්ටමේ දැන හැඳුනුම් කමක් තිබ්බා. එහෙම අදහසක් මට ඇතිවූ බවක් මතකයේ නැහැ. දැන් ඔහු මිය ගිහින්. මම දන්නේ නෑ කිසිම දවසක කවුරුවත් ඔහුගෙන් මෙහි තේරුම අහලා එය ලියලා තියනවද කියලා.. ඒ ගැන කල්පනා කරද්දි නම් කණගාටුවක් ඇති වෙනවා..

    ගීතයේ සංගීත වාදනයෙන් සහාය වූ රෝහණ, සුනිල්ව ගායනා කිරීමෙන් ඉවත් කරලා වික්ටර් ටම මේ ගීතය ගායනා කරන්න යෝජනා කල බව, රෝහණ ගේ 'ගමන් මගක්' පොතේ තියනවා. ඒ සුනිල් ගීතය නිතර වරද්ද වරද්දා ගායනා කල නිසයි.

    මේක නිවී සැනසිල්ලේ කියවන්න බැරි උණා. කොහෙද සති අන්තේ විවේක අරගෙන එනකොට පෝස්ට් තුනක් ද කොහෙද දාලා... මුන්ට මංඤං ද මන්ද...

    ReplyDelete
    Replies
    1. මමත් කියන්න හිටියේ තිසර.....මුන් පෝස්ට් දාන විදිහට....උන් මහන්සිවෙලා ලියන එක කියවලා රස විඳලා අදහසක් දාන්න ඉඩ නැහැ. අසුරු සැණින් තව එකක් දානවා.

      Delete
    2. කොහෙද ඒ දවස් වලත් තිසර සිංදු පස්සේ ගියානම් හරි නොවැ. :D ඔය වගේ චාන්ස් දැන් තමයි තියෙන්න තිබුනේ නෙහ්. අර පොත ගැන කියපු එකටනම් ටන්කු වේවා ඔන්න. මමත් පොත් ටිකක් හොයනවා මේ මගුල් පොත් කඩවල් වල ඔව්ව නෑනේ. සෙද්ද. මාරම අමාරුයි හොයාගන්න.

      හෙහ් හෙහ් හෙහ් ජෝඩුවම ඒක කියපු එක හොඳයි :D හඃ හඃ හඃ ඊළඟ දවසේ දාන්න කලින් පොඩ්ඩක් වෙලාව කලාව බලන්න ඕනා :D කොහෙද දැන් වයලටයි මටයි දෙන්නටම නිවාඩු සති අන්තේ. දෙන්නටම පොස්ට් ලියවෙන්නේ ඉතින් ඒ දවස් වලනේ :D :D

      Delete
    3. ඇත්තටම මචං දෙන්නෙක් ලියනකොට ඔය ගැන විශේෂයෙන් සැලසුමක් ගහගන්න ඕනේ... මම නම් කියන්නේ වැඩිම සතියකට පෝස්ට් දෙකකට වඩා දාන්න එපා කියලා... උඹලා ලියන්නේ යම් යම් කරුණු කාරණා හොයලා බලලා... එහෙම පෝස්ට් එකක් අඩුම ගානේ දවස් තුනක් වත් තියෙන්න අරින්න ඕනේ කියලා මට හිතෙන්නේ... පෝස්ට් එකේ සිද්ධවෙන කතා බහ බලලා ඊළඟ එක නියමිත වෙලාවට දානවද පොඩ්ඩක් ප්‍රමාද කර ගන්නවද කියල එක හිතලා බලන්න පුළුවන්...

      මම දැන් බ්ලොග් ලිවිල්ල අත ඇරලා කියවනවා විතරයි... එහෙව් මටත් වෙලාව මදිනම් ඉතිං අනිත් එවුං ගැන කුමන කතා ද? පෝස්ට් ලඟ ලඟ වැටෙනකොට අකමැත්තෙන් උණත් කීපයක් අත් අරින්න සිද්ධ වෙනවා...

      Delete
    4. සර්ච් කරනකොට දැක්කා මෙයාලා ලඟ තියනවා කියලා.. කතා කරලා බලපං...
      http://samudrabooks.com/book/bookshop/booksdetail.php?key=4&id=00GQT032-1
      samudrabooks@gmail.com
      0718686068

      Delete
    5. බොහොම ස්තුතියි තිසර.මම කෝල් එකක් දෙන්නම්. මේකේ පරිවර්තනයක් ගැනනම් තිබුනා. බලමු මේ බඹරෙත් කරකවලා. :D යේක තමයි. පොඩ්ඩක් මීට පස්සේ දාන්න කලින් කාලයක් ඉතුරු කරලා දාන්න ඕනා :D
      රොම්බ තැන්ක්ස් ඈ :D

      Delete
  14. මගේ මතකය හරි නම් උඹ අන්තිම පේලියේ දාපු පලවෙනි පෝස්ට් එක. සින්දුවකට වෙනත් අර්ථකථන ලබා දීමේ අයිතිය අහන උන්ට තියෙන විත්තිය නම් පැහැදිලියි.

    හැබැයි ඒක බිඳීමේ හැකියාවත් ඇත. (කම්මැලියි බන් වෙන මොකවත් ගහන්න.) හැබැයි මේක හැම තැනම කැරකෙන කොට මේක තමා නිවැරදිම තේරුම කියලා හිතපු උනුත් අනන්තයි අප්‍රමාණයි..

    ReplyDelete
    Replies
    1. අඩෝ මගේ කොමෙන්ට් එක ට්‍රෝජාට වැඩි යමක් විදියට දාලා තියෙන්නේ නේද? නැතිනම් මම මේ කල්පනා කලේ මම බීලා වත්ද හිටියේ කියලා.

      Delete
    2. නහී ජෙමයියේ මේක නෙවෙයි මුලින්ම දැම්ම එක :D යේක ඇත්ත. :-bd :-bd ජෙමයියා බිව්වම දේසන කොරනවා වගේ හඃ හඃ හඃ හඃ ආතල්. හැමදාම බීල වරෙන් එහෙනම් පොස්ට් කියවන්න හඃ හඃ හඃ හඃ

      Delete
  15. ඇ මොකක්ද හරි මොකක්ද වැරදි .. ඕක හරියට දැනගන්න ඉතින් නිර්මාණ කරුවන්ගෙන්ම අහන්න ඕන හම්මේ ... d-)

    ReplyDelete
  16. This comment has been removed by the author.

    ReplyDelete
  17. ඕනෑම ගීතයක් තම රසඥතාව අනුව රස විඳීමේ අයිතිය රසිකයා සතුයි..
    ඒ ඔහුගේ අයිතිය
    නමුත් ගැටලුව ඇති වෙන්නේ ඔහුගේ මතය සමාජගත කිරීමේදී...
    එයින් ගීයෙහි ගුණාත්මක වටිනාකම අඩු විය හැකියි..
    ගී රචකයාට මෙන්ම ගායකයාටද විවිධ අයුරින් බල පාන්න පුළුවන්..
    මෑත කාලයේ එවැනි ගී කිහිපයක් තියෙනවා නා නා විද වූවන් නා නා ස්වරුපයෙන් වූ අර්ථකතනයන් ලබා දීල ගීයෙහි වටිනාකම කෙලෙසුණු..
    අර්ථය සමාජගත කරන විට ඔහු ගීයෙහි ප්‍රස්තුතය පිලිබඳ හොඳින් දැනුවත් විය යුතුයි.
    ගී රචකයා සෑම විටම ගීයෙහි පසුබිම හෙළි කරන්නේ නැහැ.
    මේ එවන් අවස්ථාවක් ..
    එවිට අඩුම තරමින් ගීය චිත්‍රපට ගීයක් නම් විකාශනය වූ චිත්‍රපටය ගැන හෝ අවබෝධයක් ඔහුට තිබිය යුතුයි..
    එය ඇත්තටම අසීරු කටයුත්තක්..
    මේ ගීයට අර්ථ දැක්වීම් 3ක් මට හමු වෙලා තියෙනවා..
    මේ අර්ථය තමා චිත්‍රපටයෙන් නිරුපණය වන්නේ.
    ඔබට ජය..

    ReplyDelete
  18. සිංහල සින්දු වලට තේරුම දෙන්න පටන් ගත්තේ එළකිරියේ පොරක් ,වැඩේ නැගලම ගියා ,ඇත්ත කතා ත් ආවා හැබැයි වැඩිය ආවේ ලියපු එකා හිතපු බොරු ,අදත් ඇති එළකිරියේ මතක හැටියට සුන්දර ගියක මොකක්ද මගුලක් කියල ත්‍රෙඩ් එකක් ,මුන්ගේ කතා බොරුයි කියන්න ගිහිල්ලා මාත් කෑවා ඉල්ලන් ,කට්ටියකම සෙට් වෙලා කරේ

    ReplyDelete
  19. නියමයි. ජෙමී ගේ අරුත් දැක්වීමම තමයි මේ සිංදුව අහද්දී මටත් දැනෙන්නේ. සිංදුව තුලින් ප්‍රේමය, රාගය, බලාපොරොත්තු, විරහව, ශෝකය වගේම අනිත්‍ය බවත් හරි අපූරුවට කියනවා.

    ReplyDelete
  20. moka unath jemeya edire path karala theyana theruma hare keyala peligana wenawa

    ReplyDelete
  21. බොහෝම ස්තූතියි සින්දුවා. මාත් හිතන් හිටියෙ අර වැරදි තේරුම. මාත් ආසම කරන සිංදුවක්. ගීත මාධුර්යය පුදුම විදිහට තියෙන් ගීතයක්.

    ReplyDelete

රසයිද, තිත්තයිද, දිරවගන්න බැරිද, මෙලෝ රහක් නැත්ද, දැනුන රස කිව්වොත් අපිටත් සතුටුයි.