Friday, March 29, 2013

ලේ දන්දීමේ කඳවුර


ලේ බිඳක් දෙන්න එන්න එකතුවෙන්න.




Friday, March 22, 2013

කැසට් පටි


ඉස්සර ගීත ආවේ කැසට් පටි වලනේ. කට්ටියට මතක ඇතිනේ. අපි ඕවා අරං සරුංගල් ඇරියා, අම්මලා ආච්චිලා රෙදිවැල් බැන්දා. ඔහේ නිකං ඒ පටි ගස්වල පටලවලා හුළඟට පැද්දෙන හැටි බැලුවා. ඔය කැසට් පටියේ පොඩි හරි ඇදයක් තිබුනොත් ඕක ඉතිං දාලා ඉවරයි. ඇයි හෙඩ් එකේ එතෙනවනේ. ඉතිං ඒ පළුදු හරි පොඩි හරි වුනු තැනට එනකොට එලියට අරං පැන්සලකින් කරකවලා ඉස්සරහට යවලා ආයේ දානවා.




ඉස්සර තාත්තා ගෙනාපු කැසට් විශාල සංඛ්‍යාවක් අපේ ගෙදර තිබුනා. නන්දා මාලිනීයන්ගේ, වික්ටර්ගේ, අමරදේවයන්ගේ, ලතා වල්පොලයන්ගේ, මොහිදීන් බෙග් මහත්මයාගේ ඔහොම ඔහොම ගොඩාක් අයගේ වගේම අරාබියේ කැසට් එකකුත් තිබුනා.

ඉතිං ඉස්සර දැන් වාගේ mp3 තිබුනේ නැනේ හොයාගන්න. mp3 එන්නේ තියා කොම්පිටරෙවත් හිතලවත් නෑ ගෙවල් වලට එන්න. ඉතිං මේ හදිසියේ අපිට සින්දුවක් ඕනිනම් එක්කෝ රෙකෝඩ් බාර් එකකින් රෙකොඩ් කරගෙන එන්න ඕනි. නැත්නම් ඉතිං රේඩියෝ එක අහගෙන ඉඳලා සින්දුව යනකොට කැසට් පීස් එක දාලා රෙකෝඩ් එකත් එක්ක ප්ලේ කෑලි දෙක ඇතුලට ඔබන්න ඕනි. ඒ දවස්වල අපි දමාගෙන එහෙම රෙකෝඩ් කරපු සින්දුවක් තිබුනා "පොඩිනළු ඉසිකොමිටා හයි හයි " කියලා.
අහලා බලන්නකෝ ඒ සිංදුවත්!

කාලයක් යද්දී ඔය ටේප් කියවන හෙඩ් එක සවුත්තු වෙනවා. එතකොට ඉතිං සර්ජිකල් ටිකක් පිරිසිදු රෙදි කෑල්ලක ගාලා ඇගිල්ලෙන් හෙඩ් එක පිරිසිදු කරන්න ඕනි.

කැසට් පීස් එක දාලා තිබුනේ ප්ලාස්ටික් පෙට්ටියක. ඔය පෙට්ටියේ දානවා කොලයක්. ඒකෙ මුල ගායකයාගේ ෆොටෝ එක සමග කැසට් එකේ නම. අනිත් පැත්තේ සින්දු ටික සමග ගීත රචකයන්ගේ හා සංගීතඥයන්ගේ නම්.





ඉතිං ඔය කැසට් ආපු මුල්ම දවස්වල ඔය වගේ වැහිවැහලා තිබුනේ නෑ. ඒකයි දෙකයි තිබුනේ.
ඒ දවස්වල කැසට් එකක් කරනවා කියන්නේ පුදුම ගේමක්ලු. සිංදුවේ නම(ටයිටල්), ගීත රචකයාගේ නම, සංගීතඥයාගේ නම ඔක්කම ප්‍රින්ට් වෙලා තියෙන්නේ ඉංග්‍රීසියෙන්. අපේ තාත්තත් ඔය වගේ තිබුණු පරණ එකක් අපිට අල්ලන්නවත් නොදී පරිස්සම් කලා ඉස්සර.
ඉතිං ඔය කැසට් එකේ පිටකවරේ ඉස්සර ගහන්නේ සිංගප්පූර් යවලලු. මොකද දැන් වගේ ප්‍රින්ටින් ෂොප් අඩියෙන් අඩිය ඉස්සර නැති නිසා.





ඉතිං මේ සිද්ධිය, ඒ වගේ කැසට් තිබුණු දවස් වල වෙන සිද්ධියක්. ඒ කිව්වේ ඉංගිරිසියෙන් ඔය කවර් එක ගහන දවස්වල.

බොරැල්ල කනත්තේ ගහක් අසල හිටගෙන සංගීතඥයෙකුයි පද රචකයෙකුයි ලොකු කතා බහක්. ඒ දෙන්නම ඇවිත් හිටියේ ඒ දෙන්නගෙම හිතවතෙකුගේ අවමගුල් උත්සවයකට.

සංගීතඥයා : එහෙනම් හරි නේද ?

ගී පද රචකයා: හරි හරි බං මට දවසක් දෙකක් දීපන් මම දෙන්නම්

සංගීතඥයා: මේක එහෙම කල් යවලා බෑ බං. අනික කැසට් සිංදුවක්, සරල ගී නෙවෙයිනේ.
අනික උඹ මගේ මෙලඩි එකටයි ලියන්නත් ඕනි.


ගී පද රචකයා: හරි බං හරි මම ලියල දෙන්නම්

සංගීතඥයා: හරි උඹට මතකද එදා මම කියපු මෙලඩි එක?

ගී පද රචකයා: මට ඒකනම් මතක නෑ. එත් ඉතින් මම ලියල දෙන්නම් බං.

පස්සේ සංගීතඥයා එයාගේ උඩ සාක්කුවේ තිබුණු කොලයක් අරං එකේ එයාට හිතෙන විදියට ලියා තිබුණු පද තාලෙට කියවනවා. ගී පද රචකයාට හිනා.

"ඔන්න මම ඩමී එක දුන්නා. දැන් බෑ නොකියා මට ඕක ලියලා දීපන් හරිද. මොකද වොයිසින් වලට කල් නෑ"

ඉතිං ඔහොම කල් ගෙවුනට දෙන්නට කතා කරගත්ත විදියට වැඩේ කරන්නම වෙන්නේ නෑ.
දවසින් දවස ගෙවිලා රේකොඩින් එකටත් දිනේ ආවා. ඔන්න ඉතිං කැසට් එකට අදාළ සිංදුත් පටිගත වෙනවා. හැබැයි එක සිංදුවක් ඉතුරුයි.
දැන් ඉතිං රෑත් වෙලා.
මේ මල රෑ මේ සංගීතඥයා යනවා ගීත රචකයාගේ කාමරයට. යන්නේ තව රේකොඩින් එක කරන තැන හිටපු දෙතුන් දෙනෙකුත් එක්ක. කාමරේත් ඇරලාදාලා කවුරුවත් පේන්න නෑ. ඇඳේ බලනවා හ්ම් හ්ම් නෑ. මෙන්න ගීත රචකයා ඉන්නවා මිටි කෑම මේසේ එක අතක් අල්ලගෙන මේසේ යටට වෙලා.(ඇඹරැල්ලා ගෙඩියකුත් මේසේ උඩ තිබුනලු කියනවා)

ගිය දෙතුන්දෙනා වත්තම් කරලා ගීත රචකයව පුටුවේ වාඩි කරවනවා. මිනිහා හොඳටම නිදි. කට්ටියම එකතුවෙලා වද කරලා ගීත රචකයව ඇහැරවනවා.
"මම නිදි බං උඹලට පේන්නේ නැද්ද ?, මට නිදා ගන්න දියන්"
කියලා ගීත රචකයා කිව්වම හැමෝටම හිනා යනවා.
සංගීතඥයා ගීත රචකයාගේ ලඟට ගිහිං හොඳට ඇඟට දැනෙන්න හොඳ වචන දෙකතුනකින් මේ ගීතය නැතිවීම නිසා ඇතිවෙන ප්‍රශ්නය පහදනවා.(ඔව් ඔව් උඹලා දැන් හිතපු විදියට තමා)

සංගීතඥයා දිහා බලපු ගීත රචකයා
"වද නොදී ටියුන් එක කියපං"

සංගීතඥයා වාහනේ තිබුණු ගිටාර් එක අරං තනුව ගයලා පෙන්වනවා.
කොළයක් ගත්ත ගීත රචකයාගේ අත පෑනත් එක්ක කොලේ එහාට මෙහාට කීප පාරක් යනවා.
හැමෝටම පුදුමයි. විනාඩි පහයි, සිංදුව ලියවෙලා ඉවරයි. වැඩේ කෙරුනා.

සංගීතඥයා : "තරහා වෙන්න එපා බං.අද මේක කලේ නැතොත් හෙට කැසට් එකේ කොලේ
ප්‍රින්ට් කරන්න යවන්න විදියක් නෑ. එකෙන් වැඩේ තවකල් යනවා කැසට්
එකත් පරක්කු වෙනවා, උඹේ නින්ද කැඩුවේ ඒ නිසයි"

ගීතය කෙරෙනවා, කැසට් එකත් එලියට එනවා. පුදුමය කියන්නේ ඒ කැසට් එකෙන් ජනප්‍රියතම ගීතය වෙන්නේ මේ මහා රෑ නිදිමතේ හදිසියේ ලියපු ඒ ගීතය.

සංගීතඥයා: ස්ටැන්ලි පීරිස්



ගීත රචකයා: ප්‍රේමකීර්ති ද අල්විස්



ගායකයා: ටී.එම්.ජයරත්න





හිතින් මා නොසැලී හිදිද්දී
කඳුල නුඹ ‍ඇවිදින්
නිවා දැමුවේ නෙතේ පීඩා
නොබිඳීනූ මැනවී


තනිව මා හඩනා වෙලාවේ
සැලි සැලී සීතේ
වැටුනු මහ වරුසා මතක්වේ
නුඹ රැදී දෑසේ


තවම මා නොදුටූ සිනා කැන්
හමුනොවූ යාමේ
කදුල මට කරුණා කරන්නැයි
අයැදිමී නිබඳේ



කට්ටියට මතකනේ මම අර "ආදී රසකළස" කියලා අපි සයන්ස් ඩේ එකට කරපු ෂෝ එකක් ගැන කිව්වා. එකේදී මේ සිංදුව ගායනා කෙරුනා. අපේ ඉස්කෝලේ හිටපු අපිට වඩා අවුරුද්දක් වැඩිමහල් සාලිය කියලා අයියා කෙනෙක් සිංදුව ගැයුවේ. ඕකේ වයලීන් ගහන්නේ දර්ශන මල්ලි !

සවුන්ඩ්ස් වීඩියෝ එච්චර කොලිටි නෑ, ඒත් ඒක එච්චර වැදගත්ද කියල හිතෙනවා මූ වයලීන් එකේ කම්බිවල, අර අස්පනැට්ටේ කෙඳි ගාවනකොට.ඇරත් ඔහොම ගහන්නේ මීට අවුරුදු කීයකට කලින්ද. දැන් ගහනකොට තියෙන රසබව, අත්දැකීම් සහිත බව, පරිණතබව හිතාගන්න පුළුවන්නේ.





තව දෙයක් තියෙයි. මට මුලින්ම දර්ශනව  හම්බවුනේ මුගේ හැකියාව බලන්න, බෑන්ඩ් රූම් එක ඉස්සරහා මමයි ඉරේෂයයි ඉදිරිපිට හිටගෙන ගහපු මේ සිංදුවෙන්.
ගීතය පුදුමාකාර අහඹු දේවල් වල මතකයක්. ඒ අහඹු බව ගීත නිර්මාණය හා සම්බන්ධ අයට වගේම, ඒ ගීත අහපු අහන අපිටත් උරුම දෙයක් .

මන්දා...මගේ ජීවිතයටනම් ගීතය කියන්නේ මහා පුදුමාකාර දෙයක්!

Saturday, March 2, 2013

I wonder if you can


පොස්ටුවක් ලියන්න හදනකොටම ඔන්න ඉතිං කියවනවා තවත් කෙනෙක්ගේ පොස්ට් එකක්. ඒකේ තියෙන කරුණකින් මෙච්චරවෙලා වැඩ කළ කැසට් පීස් එක සම්පුර්ණයෙන් වෙනස් වෙනවා.බාගෙට ලියපු පොස්ට් එක draft එකේ තියලා ආයෙත් අර අලුතෙන් පෙරළි කරන සින්දුවට හිතයනවා. ඒකට පොස්ට් එකක් මේ විදියට ලියවෙනවා.

මේකට මුල් වෙන්නේ තෙලස්ට්‍රොවේ රොසා කොලුවා පල කරපු සිංහල කතෝලිකයෙක් කියන පොස්ටුව.
පොස්ටුවේ අන්තර්ගතය ගැන මම ආයෙත් කතා කරන්නේ නෑ.ඒ පොස්ටුව නිසා මතක්වුණු ගීතයට මම කෙලින්ම යන්නම්.



ජෝන් ලෙනන් (John Lennon) කියන්නේ ද බීට්ල්ස් The Beatles කියන රොක් බෑන්ඩ් එකේ හිටපු ගායකයෙක් සංගීතඥයෙක් වගේම ගීත රචකයෙක්. එකදාස් නවසිය හැට හැත්තෑ ගණන් වල මේ අය මාරම ප්‍රසිද්ධලු. මාරම කියන්නේ ඉතාමත් මාරම. මෙයාලගේ ප්‍රසිද්ධතාවයත් මුළු ලෝකේ පුරාවටම මාරම විදියට වේගයෙන් වැඩි වුනාලු.

ඒ වගේම මේ ලෙනන් කෙලින් කතා කරන පෙරළිකාර අදහස් තියෙන මනුස්සයෙක්ලු. ඒ වගේම එයාලගේ ප්‍රසිද්ධිය නිසා ඕනවට වඩා අසාමාන්‍යලෙස අභිමානයකින් හිටපු කෙනෙක්ලු. එංගලන්තයේ මෙයාලා රාජකීය සෙට් එකට තියලා තියෙනවා ෂෝ එකක්. කවුරුත් දන්නවානේ එංගලන්තේ ඔය කිව්ව පවුලට කවුරුවත් එහෙම මොකුත් කියන්නේ නෑනේ. මම කිව්වේ බනිනවා හින්ට් ගහනවා අඩුයි වගේනේ.නැත්තේමත් නෙවෙයි එත් අඩුයි. ඉතිං මේ ෂෝ එකේදී ලෙනන් මේ රාජ්‍ය මට්ටමේ ප්‍රභූවරු ඉස්සරහා ඔක්කටම කියනවා..
"අපේ මීලග ගීතයට අපිට හැමෝගෙම සහයෝගය අවශ්‍යයි. ලාභ ටිකට්(මුදල අඩු) ගත්ත අය හයියෙන් අත්පුඩි ගහන්න ඕනි. එතකොට අනිත් සම්භාව්‍ය කට්ටිය ඔබේ ආභරණ එකට ගටමින් ඔබේ සහයෝගය පල කරන්න"
මාරයි නේ.

කොහොම වුනත් ඔය සුද්දන්ගේ තියෙන ඩ්‍රග් සීන් ඉතිං මෙයාටත් තිබුනා කියලයි කියන්නේ.කොහොමවුනත් ලෙනන් කසාද බැඳලා හිටියේ ඉස්කෝලේ කාලේදී සෙට්වුනු සින්තියා ලෙනන් Cynthia Lennon වයි මුලින්ම.



ඒකෙන් එයාලට හම්බවුනු ළමයට ඒ කිව්වේ ජූලියන් ලෙනන්ට අවුරු පහක් වෙද්දී ලෙනන් මේ බිරිඳව අත් හරිනවා.
පස්සේ සාපේක්ෂතාවය ඉගනගන්න හිතිලද කොහෙද ලෙනන් ආයෙත් කසාද බඳීනවා යොකො ඔනෝ Yoko Ono . ඇයටත් මියුසික් පුළුවන් ජපන් කාන්තාවක්ලු. ලෙනන් ඇයව හඳුවලා තිබුනේ
"කවුරුවත් දන්නේ නැති ලෝකයේ ජනප්‍රියතම කලාකාරිය"(the most famous unknown artist in the world )
කියලලු.





මේ විවාහයෙන් පස්සේ ලෙනන් නම වෙනස් කරනවා "ජෝන් ඔනෝ ලෙනන්" කියලා.
පස්සේ මේ සැමියයි බිරිඳයි එකතුවෙලා කරනවා ඇල්බම් එකක් Double Fantasy කියලා.

ලෙනන්ගේ ගීත දේශපාලනය, දේවවාදය, වියට්නාම් යුද්ධය වගේ හැම දෙයක් ගැනම විවේචනය කරපු ඒවා වුනා. ඉතිං එහෙම කෙනෙක්ට ගොඩක් බලපෑම් කටුක අත්දැකීම අනිවාර්ය දෙයක් වෙනවනේ. ඉතිං මේ ලෙනන් කොච්චර ජනප්‍රියත්වය නිසා උමතුවෙන් හිටයද කියල කිව්වොත් මෙයා වරක් ප්‍රකාශයක් කරනවා Evening Standard වාර්තකාරියක් වු මොරින් ට්‍රීව්ට
"ක්‍රිස්තු ධර්මය පලායාවී,අමතක වී යාවි මන්ද අපි යේසුස් වනසේටත් වඩා ජනප්‍රියයි"
මේක ඇමරිකාව ඒ දවස්වල ගිනි තිබ්බා වගේ වුනාලු.පස්සේ මෙයාට මරණ තර්ජන පවා ආවලු.

කොහොම වුනත් ඔහොම කල් ගෙවිලා යනවා. ලෙනන්ට අවුරුදු 40ක් පමණ. අර මම කිව්ව Double Fantasy ඇල්බය නිකුත්වෙලා සති තුනක් විතර යනවා. රසිකයෝ ඇල්බම් උස්සන් ඇවිත් අත්සන් ගන්න. ඒ වෙලාවේ එක රසිකයෙක්ගේ ඇල්බම් එක අරං සයින් කරන ගමන් ලෙනන් අහනවා
" ඔයාට මගෙන් අවශ්‍ය මෙපමනද ? "

ඇත්තටම ඒ රසිකයා කියලා කියපු කෙනාට ඊට වැඩි යමක් ඕනිවෙලා තිබිලා. ලෙනන් ඔනෝ එක්ක එයාගේ නිවසට ඇතුළු වෙන්න එනකොට පිටි පස්සෙන් එන මේ රසිකයා වෙඩි පහරවල් හතරක් ලෙනන්ගේ සිරුරේ තැන්පත් කරනවා.

කොහොමවුනත් මම අද කියන්න යන ලෙනන්ගේ ගීතය අර පොස්ටුවේ තියෙන කරුනුවලටත් වඩා ගැලපෙන්නේ කොමෙන්ටුවල තියෙන අදහස් වලට. එකේ කොමෙන්ටුවක් තිබුනා මේ පොලව උඩ ඉන්නේ මිනිස්සු කියලා අය මිසක් ආගමක් ඉපදෙනකොට ගෙනාපු නැති බව. දැන් කොමෙන්ටු, පොස්ට් කියවපු නැති හැමෝම ඒවා කියවන්න තෙලස්ට්‍රොවට දුවන්න කලින් එහෙනම් සිංදුව අහලා ඉන්න.

සිතාගන්න ඉහලින් අහස මිස දෙව් ලොවක් නෑ කියලා
ඒ වගේම පහලින් අපායක් නෑ කියලා
ඔබ උත්සහ කලොත් ඒක ලේසි වේවි
සිතන්න හැමෝම ජීවත් වෙන්නේ අද වෙනුවෙන් කියලා


සිතාගන්න රටවල් ආගම් කියල දෙයක් නෑ කියලා
ඒක අමාරු දෙයක් නෙවෙයි
ඒ නිසා කාවවත් මරන්නවත් කාටවත් මැරෙන්නවත් ඕනි නෑ
සිතන්න හැමෝම සාමයෙන් ජීවත් වෙනවා කියලා

ඔබ කියයි මම සිහින දකින්නෙක් කියලා
ඒත් මම විතරක් නෙවෙයි එහෙම හීන දකින එකම එක්කෙනා
මම හිතනවා ඔයත් දවසක අපිට එකතු වේවි
ලෝකයම එකා වගේ හිඳීවි

සිතාගන්න දේපල, අයිතිය කියලා දෙයක් නෑ කියලා
ඔබට ඒක පුලුවන්නම් මම දැනගන්නට කැමැත්තෙන් සිටිනවා
තණ්හාව සාගින්න නැතිවේවි
හැමෝම සහෝදරත්වයෙන් එකාවගේ හිඳීවි
සිතන්න හැමෝම හැමදේම බෙදාහදාගෙන ජීවත් වෙනවා කියලා


Imagine there's no heaven
It's easy if you try
No hell below us
Above us only sky
Imagine all the people living for today

Imagine there's no countries
It isn't hard to do
Nothing to kill or die for
And no religion too
Imagine all the people living life in peace


You, you may say
I'm a dreamer, but I'm not the only one
I hope some day you'll join us
And the world will be as one

Imagine no possessions
I wonder if you can
No need for greed or hunger
A brotherhood of man
Imagine all the people sharing all the world


You, you may say
I'm a dreamer, but I'm not the only one
I hope some day you'll join us
And the world will live as one


තේරුම වැරදියිනම් නිවැරදි කරන්න.මම හිතන්නේ වැරදුනොත් ගොඩක් වෙලාවට I wonder if you can කියන තැන වෙන්න ඕනි.